ولد خالتي💛🌼 (باللهجة الجزائرية🇩🇿🇹🇳🇲🇦)

الحلقة 5

💘💘💘💘💘💘💘💘💘💘
•
•
•

هند: بكيت حتى هبلت صراتلي حالة ادمان على هذاك المسلسل مهم بقيت ليل كامل نتمنى اشارة تخرج والو ..

_سبيت منصف الكلب وهو باين يتمعشق ف تلفون طحان خرا هو يدير رايو وانا على لمسلسل يحاسبني حتى لقيت نهار طلع فتحت pc لقيت اشارة مازالت هكداك نضت حالتي حالة دخلت لتوالات وغسلت وجهي دخلت للكوزينة لقيت ماما مع لقاطو دنيا مخبلة هذا لوز وهذا سكر ڨلاسي

هند: ماما علاه ما نوضتينيش نعاونك

ام هند:  ما تعاونيني ما نعاونك ساعة باش تنوضي وساعة ف لمرايا ف دوش وساعتين فلحليب كرهت من طبايعك

هند:ماماااا واش هذي لهدرة مع الصباح!! وليدك البارح طفى لويفي وانتي مع صباح تعايري فيا  واش درت قتلك نعاونك برك

ام هند:  اشربي حليبك خير ما نفش زعافي فيك 

قعدت ساعة وانا نشوف. فلپول باش شربت بسماطة بعد ماكملت...

هند: صحا ماما  نروح نسيق..

ام هند: صحا ليك درتي القلب..
هزيت فروتوار ونشاف وبيدون وصانيبون نسيق وانا غير وقتاش نوصل لشومبرت  لمكلوب دخلت سيقتها فتحت لخزانة لقيت لپوات ويفي ديبلاصيتها ف لابريز وخرجت قلت للماما..

هند: كملت ننشر زربية تع صالون ولفطور كاين ولا نطيب؟

ام هند: الله وأكبرمن وقتاش 😆
هند: قولي برك ماما
ام هند: راه كاين طيبت صباح كي شفت عندي شغالات 

من فرحتي بستها وقلتلها ..... اااااه ماما لمن لقاطو

ام هند: قاتلي هذا وين جبرتي عقلك وسقسيتي  لدار خالتك يمينة قلت نوجدلها شوي قاطو

عاودت بستها ..هند: نحبك ماما ربي يعاونك واني وصيتك تحتاجيني عيطيلي

امها:  روحي برك تتفرجي المسلسل تاعك تعودي تهبلينا

  جريت لشومبرتي نتفرج ومرة نضحك مرة نبكي كملت 3 حلقات وعاودت رحت لشومبرت منصف نحيت لويفي ورحت للكوزينة نلعبها نعاون في ماما في حال ما اذا جاء هذاك المستبد💪👹

______________________
.
.
.
~~~~~