ولد خالتي💛🌼 (باللهجة الجزائرية🇩🇿🇹🇳🇲🇦)

الحلقة 7

.
لبنااااااااات فوط 👻😍

•
•
•♡•♡•♡•♡•♡•♡•♡•♡•♡

خرجت انا وماما وندعي ربي كشما نشوف كاش واحد زل كيما كمال لحية وشبوبية  انا نمشي بلعقل وماما تزرب فيا

ام هند: يالهجالة وهذي المشية منين جبتيها
هند: اوووو ماما ماتبهدلينيش والله والو صندالة وجعتني

امها: صار ماعلباليش بلي شريتيها جديدة وهي تظال تتلاوح ف ديبارة روحي برك حسابك ف دار
هند: وانا نمشي ونترشق ولعباد عينيهم خارجين وكل ما تتعثر  نبدا نأفف ونلعبها من ليزيميقري اخااااه حنا لبنات هجالات صح بقيت نمشي ولي يبحلق فيا نشوف فيه بنص عين وماما كانت مسكينة كل ما تخير تشاورني وانا

هند: يا مامااااااااا تهبل شريها...
امها:  عقلك وين راه...
هند: هنا برك.. 😊

دخلنا عند واحد عندو لي روب صواري  يقتلو انا هبلت عينيا تفتحو بصح قدامو لاعبتها ماعجبني والو  شفت ف صاحب لمحل اخااااه على زهري يهبل جا لعندي

راجل:  باش نساعدوك ختي؟!!

هند:  في قلبي ناناك مانيش ختك وانا حلمت بولادي معاك حماااااار تفوووو لوكان ماجيتش شباب نسبلك رصا تع باباك 😁

هند: ا ماما عجبتني هدي واش رايك؟!
  ماما شهقت وهو يسمع
امها:  وهذي منين تتلبس يا لمكلوبة لي بلاني بيك ربي (بهدلتها وشحال نكره ذي تبهديلة لي دير هالك ماماك قدام بقلاوة 😂😂)
انا حشمت وقلت في قلبي بهدلتني ماما طاح لبرستيج وااااع ضحك هو ضحكة صفرة ودور وجهو وانا خنزرت فيه تع واااش سكت وبقى يشوف فيا

هند: مامااااااااا يا هذي يا مانشري والو. سكتت ماما ومنبعد قالها
راجل: يما هذي سومتها 700الف فيها مساعدة

ماما ندبت في خاطرها بصح ماحبتش تزيد تبهدلني حسبهالنا 640 الف ولد لحرام تفوووو عليه كنت حابة يفضلنا نشري شويا ماكياج كنا خارجين وهو بقى يشوف فيا كي وصلت لباب قتلو براسي...
هند: شبيك
راجل: تهبلي 😍😊
وماما كانت عند لباب من برا غمضت عينيا تع ماعلباليش بيك كي شفتو جاي جيهتي خرجت رحت لماما كنت نمشي وهو يشوف فيا حتى بعدنا عليها
~~~~~~~~~~~~~~~~~~~~~~~
فوط حبيباتشي نكمل ✨💜