~~~~~~٠~~~~~~~~٠~~~~~~
بالمناسبة صحيتو ڨاع لي راهم يدعموا فيا فوط ولا كومنتار و لا ابوني حفظكم✨💞
•••••••••••••
•
من اين سأبدا؟!ومن سأحب احببتك لحد الجنون ان نحب في ثانية تعادل ان ننسى في دهر كنت تراني صغيرة لماذا لم ترى حبي الكبير لماذا لم تترك لأجلي كل شيئ !!
نعم مستبدة انا مغرورة لا أبالي بحبك لها وانما احارب لحبي لك ربما نلتقي يوما سأكون كزوبعة تركتها خلفك سأضمد جروحي واراك سعيدا بزواجك منها..
- وصلنا للدار انا دخلت لشومبرتي طول غطيت راسي ماقدرتش خلاص بكيت حتى عميت رقدت ف ليل نضت قلت ناكل دخلت للكوزينة سخنت البطاطا وقعدت ف ديبارا نطل من ثقابي هذوك ناكل ونحس فيها سامطة ماقدرتش نكمل بقيت نتفرج ثماك شويا هكا ونضت غسلت ورحت نرقد حتى حب أعمى ماقدرتش نشوفو وانا تخمامي غير في إسلام كنت حابة نعرف واش رأه يدير زعما يحكي مع هذيك لفعة تفووووو ان شاء الله دحسك كار مايخلي منك والو فاتو ليامات وأنا غير لكالم لا الهدرة ولا المضاربة على الويفي ماعلبالي بحتى واحد كرهت كلشي بقات فيا غير ذكرياتي مع عرس خالتي كانت قريب لقرايا قلت حمد الله بعد 20 يوم نرجع نقرا بلاك ننسى......
كل يوم نحسب فيه بالثواني وصلت لقرايا رجعت لطبايعي. نلبس ونحط مانحبش نكثر لكلام مع ماما نقولها خليه يهدر معايا كانت شايفة كيفاش تبدلت...
إسلام :من نهار راحت هند دنيا ظلامت في عيني من اول لحظة جات عينيا عليها ماحبيتش ننساها صح عشت حياتي مع بنات اشكال و الوان كنت كل ما نروح نبات في ولاية اخرى كانو صحابي يكثرو عليا نسهرو كنت مانحبش منبعد نرضى ونمشي معاهم كانو لبنات هوما لي يجو لعندي ماكنتش نحب نخالط غير لي لحمها رخيس نعطيها حقها وتروح تروح بحكم عماتي سمحو في حق لرض لبابا كان لازم علينا نزوجو ببناتهم مالقيناش حل اخر سليم كان عاجبو الحال بصح انا ماكنتش حاب نتزوج هكا إكرام بعد ما حكات عليا في لافامي بلي عاجبها عمتي قالت لبابا نزوجو إكرام وإسلام بابا طبعا رضى وانا مالقيتش حل اخر من غير ما ناقشو ...
.كي شفت هند ماقدرتش نفوتها عمري لا شفت زين كيفها قد ما خالطت وعاشرت ومشيت ماكاش كيفها كنت نتبع فيها بعينيا وين تكون مانحبش نعطيها فرصة داسرني خفت لا نعشقها ....كانت باينة بلي مدللة وشفت خوها مزيرها فوق الحد كنت عارف يجي نهار وتكلاطي ...كانت تعجبني كي تتحداني بعينيها ولا تروح تلبس باش نشوفها وانا كون صبت ناكلها على للبسة هذيك مانحبش يشوفوها ويقولو عليها وحدة بوفياصة ....
لقيتها قاعدة مع ديجي هبلت وخفت لا يعشقها امين خويا مرضت رجعت كي المهبول حكمتها برا لسقتها فيا ونتعمد نجرحها بالكلام باش نخفف وجيعة قلبي من جهتها قريب ما خلطت وبوستهاكنت حاب ناكلها مانخلي فيها والو ....
شي لي حطمني كي صارحتني بحبها حسيت قلبي راح يخرج وانا نشوف فيها صغيرة وتحكي على الحب وكيفاش عندها لكوراج يخرج منها هذا كامل كنت خايف لا راها تتمسخر ومشاعر المراهقة برك خفت عليها منبعد زدت جرحتها بالكلام وفي خاطري لموس لي رأه يجرح فيك راني نجرب فيا يا عمري المتشردة ماكنتش حاب نضربها وهي تبكي وعينيها هبلوني وهوما بدموع كنت حاس روحي جرحتها بزاف كانت تبكي في صدري كنت حابة نقولها حتى انا راني نخمم فيك وخايف لا نحبك ونفسد كلشي واش ندير حتى انا راني في حالة ودعناهم ماقدرتش ندخل للدار وانا نتخيل فيها في كل بلاصة هند كانت كي العيد لي يجي دقيقة ويروح كان العرس ولعباد بصح بلاصتها كانت باينة هي فوقهم كامل رحت عند صاحبي قتلو نقلعو نسهرو...
^_^^_^^_^^_^^_^^_^
راني نطول فالبارت باش نكملهالكم 💃
أنت تقرأ
ولد خالتي💛🌼 (باللهجة الجزائرية🇩🇿🇹🇳🇲🇦)
Romanceاليوم جيتكم بوحد الكروووونيييك روووعة 😋😋غير الضحك 😂 . اثارة💕حب😎تشوييق💜💜 نخليكم مع الكروونيك تفاعللو حبيباتشي😌💘💘
