ولد خالتي💛🌼 (باللهجة الجزائرية🇩🇿🇹🇳🇲🇦)

الحلقة 13

♡•♡•♡•♡•♡•♡•♡•♡•♡•♡•♡•
.
.
.

ڨعدنا وحد ربع ساعة بداو نسا زغاريت خلعوني لا تربحهم وانا تخمامي نشوف هذاك لحمار خطيبتو زعما شابة شويا هكا دخل لعريس وجات لعروسة وبداو يدخلو معاهم لعباد تعمرت الحالة انجدوني ا سكوووووووكووووووو واش هذا لهاماج منين جاو واحد الف جان وبنات ونساوين مخ مهم طيح يعفسوك انا بقيت مزيرا عند ديجي حتى نشوف هذاك لحمار وقف عند خوه دورت وجهي عليه وهو يتخنزر فيا تع واش راكي لابس قتلو في قلبي لخرا،

_ اتلهى بخطيبتك هو هكاك يبين في روحو زعما يتوقعر تفوووووو يا لكلب يا لبعير حتى نشوف في واحد يهبل  اخاااه على هذيك فورما باين عسكري يازهري ياااااا زيرت روحي وهوما حابين يلسقو فيا حتى واحد قاسني لذراعي لي فيه فاسمون عيطت

هند: حمار شوف قدامك
الراجل:  سمحيلي ختي!!
هند: لخرا ماني ختك ماني جداتك..
حتى نشوف في إسلام يقولو ارواح منا جهة ختك  زعما حاب يفهمني بلي خو لعروسة  قتلووو يماك انت وهو وحتى جداتكم معاكم بقيت نشنف حتى لخرجة مالقيتش يشوف فيا هذاك لفورما واش زينة نخلوك تعدي قتلو مدابيك مانقدرش نخاف يقتلوني وانا نزكر في هذاك لحمار
_ قالي صحا اطلعي فوق روسهم بديت نضحك
قالي: الله يبارك عليك
هند: مارسي..
_ ونشوف في أمين جا واش هنادي راكي مخبيا قتلو هيه مالقيتش منين نفوت قالي صحا اصبري نحى فاست اديداس كان لابسها خفيفة  وانا حشمت قالي البسي هاكي وتبعيني 🙊🙈 تبهديلة لبستها جاتني كبيرة بدا يدز ف ناس وهذاك لحمار يشوف نفخت في شعرة من هذوك بفمي طلعت لسما وشنفت عليه تع شوف ولا أقعد😂 خرجنا من العرعور هذاك

_ قالي امين جايحة انتي ارواحي نوريك منين تشوفي كلشي  تبعتو طلعنا فوق دروج وقعدنا كان يبان كلشي مالفوڨ

بقيت مركزة نشوف وامين ينفخ ف دخان وانا غير وقتاش نشوف هذاك لا يعني خطيبتو ويتصورو والو  مهم لقطة ما فاتتني وهذاك مازالو لاسق مع سليم قطع لابياس ولبسو لخواتم وتصورو مع كامل لعباد غير امين قتلو روح تصور مع خوك قالي مانحبش التصوار ضحكت عليه بزايد مهبول بقيت نشوف حتى طاحت عيني على وحدة طلعت مع زوج نسا كبار شفتها وقفت جهة إسلام كانت بلوندا وشعرها مارون ماهيش طويلة لابسة صواري زرقة مستورة وقفت مع إسلام هو كان حاشم وانا قلبي  بدا قلبي يخبط قلت هذي هي  لي يحبها الطحان تفووو عليك يا لبغل انا واش داني نجي لخالتي وجداني!!!!

انا بقيت مركزة معاه بنظرة حادة حتى نشوفو طلع راسو جات عينو في عيني ما حبيتش نهبطها حبيت ندخل داخل عقلو وقلبو ونعرف واش رأه يحس بقيت هداك حتى شوكيتو هو حشم مين داك يهبط راسو ومين داك حتى نلقاه يشوف فيا ماعرفتش كيفاش حتى حمارو عينيا مال قنطة بدلت وجهي منو وهبطت ديراكت وهو يشوف نحيت لافاست رجعتها لأمين قتلو خلاص نروح نبدل قشي قالي صحا ليك هندوشة هبطت ورحت لشومبرا فتحت تاقة نتنفس ونتعارك مع روحي  علاش راكي تحاسبي فيه من وقتاش تعرفيه ولا تحبيه حتى

تحاسبي ومن جهة نقنع في روحي بلي سبني ولازم نحاسبو كي قالي مانيش متربية حسيت بالبرد يدخل لروحي ولقلبي طاحت دمعة مني هزيت روبة ڨري عندها ليمونش طوال وهي ميني هي سيري منعرف انا كلشي كلشي الا البسة نلبس في كل وقت حتى لوكان نموت طلقت شعري وخرجت لقيت خالتي عند لباب قاتلي كي جيتي كنتي فرحانة وعلاش راكي

حزينة اليوم يا لعزيزة قلتلها مريضة برك خالت و انا في قلبي انتي سبابي لوكان ماعرستيش ما نمرضش قاتلي ربي يشفيك يا لعزيزة كانت مسكينة هازا كيسان تع لتاي قلتلها نعاونك فرحت وقاتلي هيه هاكي اديهم للكوزينة رحت للكوزينة دخلت خالتي قلتلها خالتي شكون راه لاهي بتاي قاتلي  يابنتي حتى وحدة تعرفي ضوكا لعباد قارعاجين انا راني

نخدم قلتلها صحا نعاونك نطيبوقاتلي تعرفي  قلتلها تع صح خالتي ف دار نطيبو غير انا بديت نطيب مع خالتي  وجدنا 5 سنيوات لرجال وخمسة لنسا وقاطو بديت نسقم ف الحالة قطعت ورقات نعناع كل كاس نحط فيه ورقة وزوج حبات كاوكاو وحبة لوز دخلت.....
-----------♕-------------
•
•