ولد خالتي💛🌼 (باللهجة الجزائرية🇩🇿🇹🇳🇲🇦)

الحلقة 8

••••••••••••••••••••••
♡
♡
♡

هند تحكي:  وصلنا لدار جداتي لقينا خوالي في 3 مع عائلاتهم موجدين روااحتيهم ولي كادو حنا وصلنا زادت بعدنا خالتي عائدة وبعد 10 دقائق زادت خالتي مليكة مهم اول مرة نشوف عائلات خوالي وخالاتي ملمونين بعد هذا السنين كانو بزاف ليجان لي قد منصف ولا شوي اقل منو منعرف لا ولاد خوالي ولا خالاتي كانو حاطين لحطة ولي لينات ويتڨوعرو بطونوبيلات

مهم انا كنت لابسة سروال دجين بيض مقطع شوي عند ركبة وفي فخاذي ومن الفوق شوميزي حرير ف روز توجور نحب ندخل جهة ونخلي جهة مهم وشعري طوماطيشة ولابسة صندالة بيضة كنت زلة من القلائل منصف ماحكاش معايا وهو يتخنزر باسكو بابا كان معانا

كي تلمينا بدينا نخرجو كانو بزاف لبنات ثاني مازالت منعرف حتاا وحداا تبدلنا كامل بدينا نركبو وكاين لي راهم مركزين معايا كي العادة دار خالتي يمينة كانت بعيدة بزاف وصلنا كانت تسكن في بلاصة كي الريف باينين بارتمان كانت دنيا معمرة بلعباد ولخيمة كبيرة وناس قاعدين ف كراسي برا حنا بدينا نقربو حتى نسمعو ف الموسيقى ياااااي

نموووووووووووووووووت على لعراس بديت نشطح في بلاصتي كانو ناس كامل يشوفو فينا وحنا وصلنا كانو 7 طونوبيلات حتى جا يجري لينا راجل كبير سلم على جدو ورجال وهوما باردين معاه زاد راح يجري للدار حتى نشوفو في زوج رجال اخرين يوريولنا منين نروحو بدينا نهبطو في قشنا ولي كادو وناس خالعين فينا حاسبينا جينا من مريكان اخخخخخ رانا مالفين بلويدان بدينا نتمشاو حتى بعدنا شويا على رجال نشوف في هذاك لي

ستقبلنا مع مرا شويا كبيرة كانو دموعها كي الويدان اكيد خالتي كانت صورة طبق الأصل على ماما بدات تبكي جرات عندها خالتي مليكة عنقتها وماما وجداتي يبكو رجعناها جنازة مهم بعد لقاء الحزين وانا في قلبي خلوووو جد ماليا ندخل ....

سلمنا على خالتي دخلنا مع خالاتي ونسا خوالي وبناتهم ...ولادات خلاتي ونسا خوالي عندهم قريب 40 ولد وبنت  بقيت حاكمة جيهة واقفة حتى نشوف في ماما تتعانق كل وقت مع خالتي شافتني عيطتلي ماما عنقتني خالتي مسكينة وهي تبكي فرحت منبعد نشوف في واحد عيطلها

ولدها(ممبعد تعرفوه): مااااااااااااا.....
  هزيت راسي حكمتني لا فيشلاس تع زهر لعيان لااااا هذا وليد خالتي وانا مغبونة هذا وليد خالتي وانا نبكي على كمال تفوووووو عليكم فرقتونا مع خالتي شاف فيا وفي ماما

خالتي:  هذو دار خالتك كريمة سلم
سلم على ماما بكل برودة وانا ماهدرش معايا  خرا ياكلب يا لحمار زعما ماشفتنيش ..
.. هذا هو بطلنا لبنات إسلام 27 سنة
🌻🌻🌻🌻🌻🌻🌻🌻🌻🌻🌻

كمل لباااااارت نتلاقاو في الجاي 😊