سواد ب سواد .
#والدي_لا_يرحم
#noor_alqaisi1 انستا
______________________________
عن اي اب تتحدثون؟
يطفىء نجوم سمائي ذلك الذي تقولون عنه يعود لك حاملاً السماء عندما تطلب منه نجمة .
يبدل نجومي بدوائر دامسه السواد ،
في كل دائرة موقف مبكي ،
جرح لم يشفى
وأخطاء لن تغفر
لقد مرت أعوام وما زال ينظر للجرح
و يزيد تدفق دماءة بدلا من تضميده
عن اي اب تتحدثون ،
______________________________
تعريف بسيط العائلتي ،
اني اسمي ميار ادرس صف ثاني متوسط عايشة ويه امي وابوية واختي ، عمري 14 وشايله هم ع ضهري مايحمله احد ، كل البنات بهيج عمر عايشين حياتهم ضحك ونسه دراسة صديقات طلعات ، كل البنات بهيج عمر عايشين بحب وسعادة وحنان ويه اهلهم ، من اول مااجيت لدنيا ماشفت حب ، حنية ، اهتمام ، دلال ، ماشفت اي شي من هذول من ابويه اي نعم من ابويه ، انسان قاسي انسان ظالم مايهمه احد اهم شي نفسه المهم .
مينا اختي الصغيرة صف رابع ابتدائي ، حبيبه اختها الي انقهر وتحز بخاطري كل مااشوفها ، هي حالتها اتعس مني ب اعتبار اني كبرت ومايهمني شي بعد الا هي ، صغيرة وتباوع على البنات الي ابوهم مدللهم الي معيشهم أميرات بس مع هذا كل مااشوفها اكلها انو بابا يحبنا بس هو مشغول بشغله
مريم(الام) :- اني ام لأجمل بنات بالكون ، ام لمينا وميار ، اني اتحمل اي شي لأجل عيونهم عايشة بذل واهاين كل يوم يضربني سامي كدام البنات واكول الله موجود الله كريم الله راح يرحم بحالي .
ميار :- هالفترة هاي امتحانات وكلمنا وخلصت
سامي(الاب) :- ميار
ميار :- نعم بابا
سامي(الاب) :- باجر النتائج مو ؟
ميار :- بتردد ، اي بابا باجر
سامي(الاب) :- تعرفين شيصير اذا مانجحتي مو !؟
بس اشوفج طالعة بدرس او درسين ابطلج وتحلميييين ترجعين لدراسة افتهمتي لولا ؟
ميار :- نملن عيوني دموع نزلت راسي وكلت اي
مريم(الام) :- لتنقهرين حبيبتي ادري بيج راح تنجحين
في الصباح ..
رحت ويه ابو الباص للمدرسة داستلم النتيجة وشفت صديقتي زهراء الانسانة الي تفهمني بدون ماحجي حرف كلش احبها
ميار :- ها زوزة شلونج
زهراء :- مو زينه متوترةةة كلش وخايفة
ميار :- بقهر ودموع مليانة ، اني هم خايفة بابا كلي اذا ماتنجحين ابطلج من المدرسة زهراء يعني حلمي يروح يعني مستقبلي كله يروح ينتهي خلص .
زهراء :- كافي اسكتي هسه تشوفين تطلعين ناجحة اكيييييد
مرت نص ساعة وبلشوا يصيحون الاسامي .
قدر الله وما شاء طلعت بدرس ، انهارييييت وكعدت ابجي والمدرسات فوك راسي يهونون عليه عود شيفيد واني الي منتظرني شي مجهول .
زهراء :- ميار كافي حاولي تحجين ويا ابوج وقنعي هسه اني راح امتحن دور ثاني ميخالف حاولي ويا وكوليله امتحن ويه زهراء بلكت يقبل
