والدي لا يرحم

بارت 6

الطفل بدون
امه ،،
يضيع .

#والدي_لا_يرحم
#noor.alqaisi1 انستا

____________________________

ميار :- بالبداية مفتهمت شي ، منو مات ؟ شصار ؟ مدافتهم ، اهلي وين ؟
رحت على ام فاطمة ، خالة عفية اهلي وينهم

ام فاطمة :- بدموع وبجي ، يمه اهلي بالمستشفى
ميار :- ماسيطرت على دموعي شنو خالة شبيهم وينهم امي ويييييين
ام فاطمة :- يمه اهلج البارحة بليل سوو حادث
ميار :- شنووو امييي بيها شي ؟ خالة الله يخليج كوليلي امي بيها شي
ام فاطمة :- سكتت شحجي شجاوبها وكمت ابجي وساكته .. كومن يمه خلي اوديكم على أهلكم

ميار :- دموعي على خدي ، مينا كومي عالسريع
مينا :- بنعس ، وين اريد انام هاي شبيج
ميار :-داكلج كوميييي عاد
مينا :- كمت واباوع الكل ديبجي كلت شكو شصاير كمت غسلت مرة ثانية وهم بعدني نعسانة وطلعنا للمستشفى ، بقلق ميار شعدنا هنا منو مريض ؟
ميار :- امشي مينا اسكتي بس اسكتي
مشينا مسافة وصلنا لمستشفى *******
طبينا جوه سألوا على غرفة اهلي ووينهم فجأة اسمع ..

الدكتور :- البقاء لله
ميار :- شنووووو منو مات اميييي وينها ؟
ام فاطمة :- كعدت تبجي وتعيط منو مات منو منهم ؟
الدكتور :- الام ماتت والأب حالته كلش خطيرة ادعوله

ميار :- كعدت ابجي واصرخ بهستيريا واعيط امييييي عافتني بعد منو يحمينيييي منو يحضني منو يكلي اصبري واتحملي راح يجي يوم ونخلص من ابوج اههخ طاقتي انتهت من البجي والصراخ مادري مينا شصار بيها بس كاعدة على صفحة وحاضنة رجليها وتبجي بصمت وأم فاطمة انتهت وابو فاطمة واكف على صفحة وعيونه مدمعة ، ماكو لا خوال لا عمام لا أهل لا أحد ..

من عرفت ابويه عايش وامي ماتت حقدت عليه اكثر واكثر واعرف بسببه ماتت ،

قبل يوم واحد ..
ميار :- من جانت امي دتبدل شفت ابويه شال السم ووداه للسيارة ف عرفت

نرجع ..

كرهت ابويه لأن كلشي راح يصير وصار بسببه اتمنيت مايعيش اي الصراحة مااتمنيت يعيش لان راح يشوفنا نجوم الظهر ..

عرفت امي شصاير بيها المخ مالتها مطشر بالكاع ب مكان الحادث الضربة صايرة من اتجاهها ومكلوبة السيارة بيهم اكثر من ٤ مرات .. روحي طلعت من سمعت هالحجي امي ماتستاهل هيج موته امي ماتستاهل والله ماتستاهل كله منك يا حقييير حسبي الله ونعم الوكيل جنت دائماً من صغيرة امي تكلي اذا احد ظلمج او حجه عليج او اذاج بحجاية وحدة رددي هالحجاية وكولي حسبي الله ونعم الوكيل و الله راح ياخذ حقج منهم ..

اجوي عمامي وعماتي وخوالي كلهم وبيبيتي ام امي وأم ابويه

ام امي(سماح) :- يمه بنيتي راحت عمت عيني عليج يايمه رحتي وبقن بنياتج ياهو الهن منو البقالهن ب بجي

ام ابوية(فاتن) :- يمه عليكم الحسين بشروني ابني شلونها حالته بدموع

الدكتور :- يمه اهدوا الله يخليكم هم اكو مرضى هنا ، الوالد بخير الحمد الله بس اكو كم كسر برجلة وأيده اما الوالدة ف انطتكم عمرها اعتذر سويت كل الي اكدر عليه وزايد الله يشهد عليه

ام امي(سماح) :- بجت وتنعي يايمه يا مريم ماشفتي يوم حلو بحياتج حتى بموتج لا اعتراض على حكمتك يا ربي الحمد الله على كل حال

ميار :- عمي أحمد ومحمد كالوا الكل ترجع للبيت ورجعنا كلنا بس هما بقوا وكالوا الصبح نروح ندفن مريم بالنجف ، رجعنا واني مالي خلك شي واسمع نسوان عمي والشماته الله اكبر امي ماتت وبعدهم يحجون عليها طبيت وكمت اغلط عليهن واسب وبيبيتي ام ابوية سكتتهن ورزلتهن وطبن للديوان كعدن واني اخذت مينا وطبينا للغرفة لليل كلها نامت بقيت اني وحدي كاعدة الليل كله ابجي وادعي الربي يكعدني من هالحلم ادعي وادعي كون حلم كون مو حقيقة اريد اكعد عاد كافي كلبي مات انتهيت ماكدر احرك اصبعي من الرجف والبجي اريد احد يكعدني من نومي مااريد ابقى بهل حلم التعيس معقولة ؟ مريومتي وحبيبتي امي وروحي وكل دنيتي راحت ؟ يعني بعد مااشوفها ؟ بعد مااحضنها بعد مااشتم ريحتها الطيبة ؟ بعد مااشوف ضلها وحسها بهل بيت ؟ معقولة بعد مااسمع ضحكتها معقولة بعد مريومي متبجي متحضنا متصبرنا متبوسني؟ ممصدكة ابد

ثاني يوم ..

ميار :- الليل كله منمته ابجي واصلي وادعيلها و قريت قرآن الروحها ، بلشوا يكعدون اليوم يجيبون تابوت امي وردتي وحبيبتي كون اني بمكانج ولا انتِ ، بعد مرور ساعات سمعت خوالي وعمامي اجوي وصوت عالي طلعت للصالة اني ومينا واشوف ام وجه الحلو هههه بالكاع .. اي بالكاع شفت تابوتها بالكاع وملبسينها هيج مثل الغطى ابيض مثل وجهه الابيض اتقدمت بخطوات بطيئة ورحت يمها

عمي أحمد :- عوفوها خلي تجي هي ومينا يشوفون امهم لآخر لحظة

ميار :- اتقدمت لأمي واهز بيها يمه دكومي شبيج كافي عاد صار يومين مسامعة صوتج محاضنتج دكومييييي يمه كومييييي الله يخليج كوميي واهز بيها واعيط يمه الله يخليج يعني هيج تعوفيني بوسط الوحوش وتروحين منو يبقى وياي منو يحميني بعد الله يخليج يمه اكعدي فدوة اروحلج وخرت الغطى الابيض عن وجهه وشفت وجهه

اهخخ اتهسترت بهل لحظة لهل يوم ماانسى شعوري وخوفي وماانسى وجهه وملامحها

ضليت اعيط عليها واكلها اكعدييييي لج يمه شوفي وجهج ليش هيج بارد بردانه مو هسه اجيبلج غطى واغطيج الله يخليج كعدي اعرفج انت متروحين وتعوفيني والله اعرفج مينطيج كلبج اصلا تروحين وتعوفيني الله يخليج كوميييي اباوع على بيبياتي يبجون ونسوان عمي ماعرف شلون نزلت عليهم رحمه وبجوا على امي ماادري بجوا بشماته مادري انقهروا على حالتي اني ومينا انوب اباوع على مينا منتهيه تبوس ب ايد امي وتبوس بخدها وتبجي وتكلها ماما راح اداوم بدونج منو راح يسويلي ريوك ويكلي انت شاطرة وراح تنجحين

ميار :- مبقوها ١٠ دقايق ١٥ دقيقة بس واخذوها من شفتهم كاموا اجوي دياخذونها وكفت وكلت اميييي متطلع مناااا انت تطلعوننن متاخذوها واعيط عليهم متطلع امي عوفوها ولزموني نسوان عمي ويبجن واني اعيط واكلهم متاخذوها وماحسيت بعد بشي واغمى عليه

مرت ساعات وصحيت لكيت روحي بالمستشفى وهم مغذيات مشكلين بس هالمرة بدون امي .. بدون وجهه الحلو مع الاسف الله يرحمها يارب واتمنى كلكم تدعون الها بالرحمة والمغفرة ..

يتبع ..