والدي لا يرحم

بارت 7

جنت نعمة جبيرة
ورحت من عندي .
وصرت نقطة ضعف
للعالم الضدي ..

#والدي_لا_يرحم
#noor_alqaisi1 انستا

________________________________

ميار :- مرت ايام وشهور مبقى على اربعينيه امي الا كم يوم وابويه مع الاسف طلع منها وهم زين لان منو راح يبقى النا او بالأحرى لو خسرانتهم ثنينهم يم منو نعيش منو يتحمل مسؤوليتنا؟ ابوية مرت فترة عليه بالكوة يمشي إلى أن تحسن الحمد لله وعادي مرت الايام بخير وماكو اي مشاكل كل واحد رجع البيته بقت ام فاطمة كل فترة تجينه وتعلمت الطبخ ولو اني امي معلمتني جانت وأم فاطمة هم علمتني بعد

مينا :- ميار شوكت الأربعين مال ماما
ميار :- بعد ٣ ايام
مينا :- ميار اني اريد اروح اشوف ماما مشتاقتلها
ميار :- اي ان شاء لله اكول البابا يودينا وياهم وانروح
مينا :- اي حبابة قنعي مشتاقتلها اريد اروحلها واكلها بلشت اداوم وداقرا زين حتى تفرحلي
ميار :- اقري زين وانجحي حتى ماما تفرح بيج لان ماما تشوفنا بس احنه منكدر نشوفها زين ؟
مينا :- ان شاء لله انجح وافرحكم وافرح ماما

ميار :- مرت الايام طبيعية ابوية من شغل للغرفة ميدري بينا اصلا والشرب معافه وميحجي ويانه حرف مينا سجلها بخط تروح وترجع وباجر الاربعينيه مالتها

ميار :- رحت على بابا احجي ويا ، بابا انروح وياكم مو
سامي :- ميصير تجون بعدكم صغار ومو مال اطبون مقبرة
ميار :- الله يخليك أخذنا مينا تريد اتروح على أمي الله يخليك
سامي :- ماشي اخذكم وياي
ميار :- لأول مرة يفرحني بشي ويقبل على شي اطلبه منه صراحة فرحت كلش ..

-طلعنا الفجر حتى نوصل والطريق جان متعب طول الطريق ايدي على قلبي وابجي ودموعي ينزلون بدون اي كلمة مني بس صافنة على طريق ومينا نامت بحضني وابوية يسوق وورانه سيارات بيبياتي وعمامي وخوالي ..
وصلنا واحس رجلي مدتشيلني مينطيني قلبي اشوف ام وجه الحلو والأبيض نايمة جوه التراب والتراب مغطي وجهه وايديها الناعمة ..
بلشوا العالم ينزلون من السيارات وكعدت مينا وكتلها وصلنا نزلنا اني وياها وبابا واتوجهنه للمقبرة ورحنا يمها جان طالع الصبح والجو بارد هيج بروده تضرب وجهي ودموعي على وجهي بحيث يجيني هوى بارد كلش باوعت لتابوت امي كلت معقولة امي جوه ؟ يعني اكيد اذا احاجيها تسمعني .. اكيد تسمعني امي بعدها عايشة بروحي حتى لو اني مو اهنا بالبيت هي تشوفني وتسمعني اكيد . اتقدمت الها ودموعي كامت اتكت كت اريد بس اوصل يمها مداكدر احس رجلي مكاعدة تشيلني ابد لزمتني مينا وكمنا نمشي سويه وهي تبجي واني ابجي وكفنا وكلهم كعدوا يقرون الفاتحة غسلوا التابوت بمي ورد وشغلوا البخور وكعدت بيبيتي ام امي تنعي وتبجي وابجي وياها ومينا تبجي وكلهم بجوا شفت ابويه تنزل من عنده دمعة ..
بجيت وبجيت واتمنيت احضنها اتمنيت اطلعها من جوه واحضنها وابوسها بكل مااملك من شوق ..
كملنا ورحنه للأمام علي زرنا وقررنا نبقى للظهر بقينا كاعدين غفيت شوية بحضن مينا وراحوا البعض منهم يشترون غراض والبعض طب يزور ويصلي جوه كعدت وصليت ودعيت انو تكون حياتنا الجاية حلوة بدون مشاكل بدون امي ..