عسىٰ و بلچَـن
تلوحك من بگايا ايامـنة
صفنة
و تفر دولاب وكتك
وين مادرنة
عريان السيد خلف ..
****
#والدي_لا_يرحم
*لا تنسون التصويت و التعليق بين فقرة وفقرة*💜
*بسم الله الرحمن الرحيم*
_____________________________________
ايهم :- من كلتلي الممرضة امي متخربطة احس روحي طلعت خفت خفت لا اخسر امي همين خفت لا تنعاد هذيج الايام بوقت موتت والدي ، رجعت ذاكرتي لهذاك الزمان المر والتعيس ....
قبل سنين ..
ايهم :- يله ولك انطيني باص
إيهاب :- جوت جوت كرار
كرار :- هاك ايهم
إيهاب :- كووووووووووووول
كرار + إيهاب :- كفووووووووووو منك ايهمناا
ايهم :- احتفلنا بفوزنا اني وأصدقائي إيهاب وكرار ضلينا انكمز ونضحك ونعيط ونهوس وفرحانين ومااشوف الا ابن عمي صالح ، مصطفى جاي ب اتجاهنا هو وجماعته السرسرية
مصطفى :- ههههههههه شباب شوفوا منو ابن الس****
جماعته :- هههههههههههه
ايهم :- اتجاهلته ومشيت
كرار :- شكد غثيث ابن عمك هذا
ايهم :- دعوفه هو يمسلت هواي
إيهاب :- بكد القندرة ولسانه هل طوله لا تربيه لا اخلاق
ايهم :- غلسوا شباب
- مشينا دنرجع كل واحد البيته واحنه كلنا بنفس الفرع مااشوف الا سيارات ودنيا محتركه يم بابنا باوعت للولد والولد هم باوعوا عليه مصدومين شكو شصاير ؟
- طبيت للبيت ركض جان اشوف امي تبجي وجوارينا وأم إيهاب وام كرار يصبرن ب امي
ايهم :- يما شكو شصاير ؟
سماح :- يما يبعد امك شلون بيه اني
ام كرار :- ماكو شي حبيبي امك تعبانه شوية
ايهم :- خاله هو شنو ماكو شي لعد شنو هاي السيارات بره وابوية وين ؟؟
سماح :- يما شحجيلك يمااااااا
ام إيهاب :- اهدي خيه اهدي كلنا وياكم ماعوفكم تجون البيتي والله وانتِ تعرفين هذا بيتج والحسين الشهيد
ام كرار :- خيه والله بيتي بيتج تجين يمي يم ام إيهاب ماكو فرق احنا خواتج الله شاهد
ايهم :- يما شكو شصاير فهميني وين البنات وين ابوية
سماح :- ب بجي ،،،
يما اجه عمك صالح وطردنا من البيت يكول هذا بيت ابوية ويريد يبيعه وياخذ حصته يريد يهجولنا بشوارع وابوك اتخربط وفد مرة حالته وراحوا ابو كرار وابو إيهاب يودونه للمستشفى وعمك قافل فد قفله يريد يبيع البيت
ايهم :- اني سمعت هيج وعيوني صعدن فووووك هذا عمي كلب وحقير ونذل حاقد على ابوية فد حقده ويكرهنا كلنا وامنيته بس يشوفنا ب اتعس الحالات ميحب يشوفنا مرتاحين ،،
