والدي لا يرحم

بارت 4

يجي يوم ونعيش بخير
وترد ايامنا الحلوة ..
يجي يوم التعب يسوه .

#والدي لا يرحم
#noor.alqaisi1 انستا

_________________________________

مريم :- بقيت يم ميار الليل كله وهي جوه وماخلوني اشوفها ، طلعت الدكتورة

الدكتورة :- بنتج هسه يله حالتها استقرت ، وضروري ماتحاجونها ب حجايه وحدة بنتكم حالتها النفسية فد مرة ف اهتموا بيها شكد ماتكدرون ..

مريم :- ان شاء لله حبيبه تسلمين الله يوفقج ويخليلج اهلج يمه ماقصرتي

الدكتورة :- ولو هذا واجبي يمه ، وها هسه تكدرين تشوفيها

مريم :- خوش يمه ، طبيت ركض لبنيتي وابوس ب ايديها ووجهه يمه يروح امج اكعدي شوية خلي اسمع حسج الحلو "ب بجي

ميار :- فتحت عيني واشوف اني روحي بغرفة ومغذي بصفي وامي من جهه الثانية ، صحت بتعب يمه

مريم :- فتحت عيني شفت ميار كاعده ، ها يروح امج كعدتي شلون صرتي تحسين بوجع

ميار :- يمه موجوعه جسمي كله يأذيني وراسي راح ينفجر ، يمه كوليلهم لحد يعالجني اريد اموت الله يخليج

مريم :- ب بجي ، يمه شنو هالكلام فدوة اروحلج من عمري العمرج كون كمت اصيح الممرضات اتشوفها

ميار :- جتي الممرضة وحطتلي مغذي ثاني واني اصيح واكلها ماريد ماريد اريد امووووووت عوووفوووني

الممرضة :- راح انطيها مهدئ حتى ترتاح اكثر
مريم :- اي يمه فدوة اروحلج
الممرضة :- تدللين خاله

ميار :- ماجنت اعرف شنو احجي وشويه شويه كمت مااشوف والدنيا كامت تظلم وبعد ماحسيت بشي

في المركز ..

الضابط :- احجيلي شنو هاي وشلون صار ببنتك هيج ؟
احمد :- سيدي الضابط بنتنا خطفوها واعتدوا عليها وضربوها ضرب مبرح وطلبوا من عدنا فلوس وانطيناهم واخذناها بسرعة وجبناها للمستشفى
الضابط :- حجيك مامقتنع بي اني ؟
سامي :- سيدي والله احلفلك على القرآن اخويه مامجذب بحرف وياك
الضابط :- راح احجي وياها اني بنفسي واتأكد من كلامك
سامي :- بتلعثم ، هاهيه سيدي
وطلعونا ورجعنا للمستشفى صحت مريم وفهمتها شيحجون
- شوفي مريم اذا تحجين الصدك بالحسسين الشهيد الا اذبحكم على القبلة انت وياها

مريم :- بخوف ، ان شاء الله
طبيت فهمت ميار شتحجي وهي تكول
ميار :- ماما خلي نخلص من بابا وشره الله يخليج خليني اكول الصدك
مريم :- يمه شبيدي منو النا بعدين الله يخليج والله يكتلنا ثنينه وميرفله جفن

ميار :- بفقدان صبر وتنهدت اهخ يمه تالي وياج نضل هيج نتعذب وننكتل طول عمرنا على اسباب تافهه

مريم :- نزلت دمعتي وحجيت ، الله كريم يمه الله موجود ويشوف

ميار :- اجوي وحجوا وياي واني حجيت نفس الشي بس مصدكوني حسيتهم كالوا هاهيه لعد وطلعوا ..
من طلعوا حسيت جان فرصتي بس راحت .. نزلت دمعتي وبجيت من كل قلبي شوكت اخلص من هالعذاب ؟