الكثير يا أمي يتمنون
انكساري ..
ولكنهم لا يعلمون ان
دعوتك ،
تحميني
#والدي_لا_يرحم
#noor_alqaisi1 انستا
___________________________________
ميار :- مرت ايام وشهور والحياة طبيعية وروتينا كلش ملل مينا تروح للمدرسة وترجع وابوية مثل مذكرت سابقاً حالته غريبة ومينفهم ، اني مكضيتها تنظيف وتعزيل بيت ومسلسلات وانقطعت علاقتي بزهراء نهائياً ،
قبل فترة اترددلي احد على برنامج الفيس جان حاط صورته جان كلش حلو بشرته صافية لحيته الغامقة طويلة بس خفيفة محددها حواجبه الثخان السود عيونه حلوة سودة ورموشة حلوة وطوال ضليت صافنة على شكله اني مشايفة هيج احد من قبل
جنت دائما انشر حالات على الفيس وهو جان يحط قلب لو لايك لو هذا الايموجي المتفاجئ جنت ماجاوبه ابد لحد ما دزلي شي وانصدمت ..
"3:00 صباحاً"
"شعجب مكاعدة تطلعين"
"ليش مختفية"
"صايرلج شي"
"مكاعد اشوفج تمشين بالشارع؟"
"مريضة؟"
"ماريد شي منج بس جاوبيني وكوليلي بيج شي لولا؟"
- انصدمت شنو هذا ؟ منين معقولة يعرفني مجاوبته بس قريتها بس ميطلع يمه انو قريتها ، كلت معقولة هو بالمنطقة هنا يمنا ؟ زين منين جاب حسابي ؟ ضليت مثل الصنم اخاف اجاوب واريد اجاوب اريد اعرف منو ، غلست وعفته هو اني حالي حال الضيم انوب احاجي ولد ؟ حتى استاذ سامي يذبحني على القبلة ههههههههههه
المهم اذن كمت صليت رحت يم غرفة بابا واسمع
سامي :- هاي شبيج تبقين زعلانة يعني ، اهووو وتالي وياج ، يابه مو داكلج فترة واجيج هسه ماكدر ، وتالي يعني تبقين هيج ، اي بابا اي افتهمت ، دروحي نامي حبيبتي نامي ، اي وعيونج اي والله ماجذب عليج ، مو داحل الج هاي شبيج ، استغفر الله وتالي وياج ، رايح انام احسن من المشاكل والنك مالتج ، ديله يله ، مازعلان والله اريد انام ، يابه والله مازعلت شبيج ، ديله كومي نامي عيني ، اني هم ، تصبحين على خير
ميار :- شنو هاي معقوله بابا يحجي ويه بنيه ؟ ديخون امي؟ بس لا يتزوج ، نزلت دمعتي ورحت على سجادة صليت وجنت احجي بداخلي ، يمه محد يحبج غيري شفتي ابوية شفتي الي ضيعتي سنين من عمرج تحبينه وتخافين منه شفتي شلون ديخون بيج ؟ اهخخ يمه والله محتاجتج محتاجة حنانج وحبج وخوفج علينا ياريت ابوي رايح ولا انتِ ، كمت واستغفرت ربي ورحت لفراشي مينا نايمة ولزمت تليفوني وهم راسلني
هذا
"ليش متجاوبين؟"
"ادري بيج كاعدة"
"جاوبيني احسن الج"
"ماريد شي منج لا تخافين مني بس اريد اعرف اخبارج واروح"
"ميار جاوبيني "
- انخلست من كال ميار معناتها صدك يعرفني اني حتى مجنت كاتبة اسمي على الفيس اني جنت كاتبه اسم مستعار ، هم مجاوبته وغلست عليه خفت بالزايد انوب تفلت على حسابه خرعني وانطيته بلوك بسرعةةةة ونمت ..
