ياهو اليرجعلي عمر
ضيعته عالمايسوه
و ياهو اليعوضني صبر
مرمر اياني الحلوة ؟
يا ناس كلبي المنكسر
مو مال اكولن فدوة ..🖤
#والدي_لا_يرحم
#noor_alqaisi1 انستا
_______________________________
ميار :- مرت الايام طبيعية ويه مشاكل ابوية الي تعودنا عليهن ، والحرق ماراح ولهل يوم باقي الاثر هه
في يوم ما ..
اجوي علينا بيت عمي الجبير
تعريف بسيط ..
ابويه عنده خوات ثنين وحدة تحبنا والثانية سمانية كلش تكرهنا وكل متجي اتسوي مشكلة وتروح .
الحبابة اسمها سماهر والحقيرة اسمها زينب
وعنده اخوان ٤ ويا ٥ عمامي واحد بالخارج عايش وثنين عايشين بالبصرة و واحد يمنا ساكن ببغداد
في الصباح .
مريم :- يمه كوموا اكعدوا عمكم احمد جاي علينا اليوم
ميار :- اهووو جاي وحده لو الكل
مريم :- لا كلهم راح يجون
ميار :- بقلبي " ايييييع راح يجي المخنث "
كمنا وننظف ويه امي وكملنا وبلشت تسوي غده وابوية فرحان عبالك جاي وزير الوزراء شلون عائلة زبال.ة
وصلوا وطلعنا انسلم عليهم
احمد(عمي) :- هلا باخوي الزوود شلونك بعد روح اخوك
سامي :- حضنته بخير دامك بخير مشتاقلك بعد اخوك اتفضل اتفضل البيت بيتكم
حنان(مرت عمي) :- شلونك خويه ابو ميار
سامي :- هلا خويه هلا بيج الحمدالله اتفضلوا
مريم :- شرفتونا عيني كل الهلا بيكم شلونج خيه اخبارج
حنان :- من وره خشمها .. بخير الحمدالله
ميار ومينا :- رحنا على عمي شلونك عمو
احمد :- هلا بيجن عمي فدوة ماشاء الله كبرانات
ميار :- سلمنا عليهم كلهم وسلمنا على لارا بنت عمي كلش حبابة .. وكعدنا وكعد يباوع عليه سعد المخنث ابن عمي
مريم :- يمه ميار كومي وياي
ميار :- اي يمه صار
مريم :- كعدت اني وميار انسوي جاي وطلعت كليجه و طلعت المي من الثلاجة .. يله يمه كومي روحي قدمي الماي
ميار :- اي يمه صار انطيني
طلعت قدمت الماي لعمي ومرت عمي وابويه وانطيت اللارا وصلت يم المخنث وجان يلزم ايدي بسرعه ويباولي بنظره مشمئزة سحبتها اييييع نكسسس نكسسس حجيت بقلبي وطلعت بسرعة
ميار :- يمه وتالي يعني وتالي
مريم :- شكو شبيج صوتج نصي لج
ميار :- يعني بعده هستوه وصل ولزم ايدي واتحارش
مريم :- استغفر الله ربي وتالي يعني وتالي شوكت اخلص اني شوكت ، ممنوع تبقين بمكان هو بي طبي الغرفتج اخذي مينا ولارا وروحوا للغرفة
ميار :- خوش يمه ، طلعت للبنات تعالوا امشوا انروح للغرفة
مينا :- اي يله لارا امشي
ميار :- طبينا للغرفة وكعدنا انسولف
لارا :- ميار يعني بعد مدرسين؟
ميار :- اي شسوي لعد بابا ميقبل
لارا :- الله كريم اخلي بابا يحجي ويا ويقنعه بلكت يقبل
ميار :- ان شاء الله
شوية وصاحتنا امي على الغدة كمنا انساعدها ومرت عمي كاعدة حاطه رجل على رجل ، كملنا نقل الاكل وكعدنا كلنا سوية
