والدي لا يرحم

بارت 11

ودي ابوكن جسمي وابعد
ودي افك باب السنين السوده واشرد
ودي لكن!!
شدوا برجلي جرس يشهد عليه
وبس اشيلن خطوتي الحراس تكعد .

 
                               **
*لا تنسون التصويت + والكومنت ما بين فقرة وفقرة*🤍

#والدي_لا_يرحم

                              **

                   *بسم الله الرحمن الرحيم*

________________________________

ايهم :- مر اسبوع على وفاة ابوية البيت ماله حس غير بس بجي ... امي تبجي اختي الجبيرة تبجي اني صافن احس جذب وهذا حلم ابويه بعده عايش بعده ..

- ماكو بس مر هالاسبوع اجه عمي صالح ..

صالح :- شوكت تطلعون منا ؟؟

سماح :- جا خويه وين انروح مو اني مرت اخوك وهذوله أيتام أيتام وين انروح وين انطي وجهي بيهم

صالح :- وين متروحين روحي مايخصني اني هذا البيت ينباع ينباع وماكو نقاش بعد ..

- اجه عمي حجه هالحجايتين وراح امي كامت اتجهز وتلم بغراضنا وغراض ابويه قفلت الا تاخذهم وأخذت كلشي كلشي مبقى بالبيت غير الأثاث التعبان المكسر بقته اجني ام كرار وأم إيهاب يحاجون بينا نسكن وياهم بس ليا دوب ؟ لشوكت نبقى ؟؟

ماترهم ف امي قررت انروح البيت خوالي .. ثاني يوم ودعت الولد إيهاب وكرار اصدقاء عمري واخوتي هذوله

اجرنا سيارة ورحنالهم طريق جان يبعد ب 5 او 6 ساعات جانوا عايشين بالجنوب

ورى مدة وصلنا مااحجيلكم على المكان على الجو على المزارع على الجمال يعني اول مرة اشوف هيج مكان كلش ارتاحيت واتمنيت ابقى طول عمري اهنا ...

طبينا جوه جدي رحب بينا هذاك الترحيب لان اول مرة يشوفنا ..

                    **

ميار :- فتحت عيني واني بغرفة مادري وين ؟ احس كلشي مغوش عندي شفت نفسي مربوطة فجأة يطلع ابوية كدامي ..

سامي :- هه واخيرا ؟

ميار بدوخان :- اني وين ؟

سامي :- راح تنكتلين وتلحكين امج واختج اليوم

ميار بخوف :- شنو شتكول ؟

- هههههههههه بس مو هسه راح يكون موت على البطيء ..

ميار :- نزلوا دموعي واني اشوف الإنسان الي المفروض يكون سند الي ديحاول يكتلني ويعذبني ..
بحياتي ماناسية الوجع الي انوجعت بي بوقتها .. كام جاب سجينة و بلش بالعذاب ..

السجين كامت تدخل بجسمي شوية شوية .. اي نعم ابوية زرف ايدي ورجلي

ميار :- اااااااااههههههههخخخخخخخخخخ يابببببببببههه الله يخليك كاااااااافيييييي اني مظلومةةة والله ماطخيتهااااا والله ماسويتلها شي