والدي لا يرحم

بارت 5

مابيه حيل آخُذ نفس ،
ماعندي واهس للحچي !
من برا تلگاني أبتسم ،
بس جوا أطُگ من البچي !
مابيه أكمّل هالدرُب ،
تعبانه خلوني أنتچّي .

#والدي_لا_يرحم
#noor.alqaisi1 انستا

_______________________________

ميار :- الله بهل يوم فرحت وحسيت رجعلي النفس ورجعتلي طاقتي من سمعت راح يولون بيت نعلان *بيت سعد ، ثاني يوم والله وصدك راحوا اني عبالي جذب بس راحوا روحه بلا رده اباوع على امي الكاع مسايعتها من الفرح انوب باوعت على ابوية ضايج وطاكه روحه استغفر ربه وكال طالع اني
بكلبي * كون لا رديت ، اعرف البعض راح يكول حرام عليج وهذا ابوج بس .. انتوا ماعشتوا الي عشته وانتوا ماعانيتوا وماجربتوا الضرب والإهاين والغلط والفشار المتكرر علي يوميا

..

مرت الايام ورحنا للمستشفى وفكينه الجباس مال مينا ورجعت ايدها طبيعية الحمد الله وابويه عادي نوعاً ما يوم زين يوم مو زين يوم يضرب ويغلط ويوم ميحجي حجايه للأسف الشديد ابوية رجع للشرب ..

ابويه انسان متدين كلش جان بس مع الاسف واحد من جماعته مشى بدربة وضل يكله اشرب وياي واشرب وكام يشرب واجتي فترة وتركه وهسه للاسف رجعله

اجه وقت المدارس واني واكفه ببلعومي الغصة وأريد ارجع وأريد افتح الموضوع ويه ابويه بس اخاف اخاف كلش باليوم يشرب بطلين 3 يعني حتى بوقت الي مديشرب تلكونه سكران ..

يوم من الايام قبل المدارس ب اسبوع ..

مريم :- يمه مينا يله دنروح للسوك بدلي عالسريع
ميار :- يمه جا وانا ؟
مريم :- شبيدي ييمه والله داحجي ويا ومديقبل قافل
ميار :-هاهيه يمه ماقصرتوا ، وركضت الغرفتي وابجي واشهك صديقاتي كلهم راح يداومون واني ميخلوني حرام والله حرااااام ماعندي اي مشكلة اعيد سنه المهم ارجع الدراستي بس ماخلاني

مينا :- الله مامي اني فرحانه ومو فرحانه بنفس الوقت
مريم :- جا شني هي حزوره فرحانه ومافرحانه ليش بله؟
مينا :- مامي فرحانة لان الدوام راح يبلش ومفرحانة لان ميار مراح اداوم وياي ..
مريم :- دنجبي انجبي هي بالحالتين ماداوم وياج انت بمدرسة وهي بمدرسة
مينا :- بضحكة مامييي المهم يعني نقرأ سوى ونكتب سوى
مريم :- الله كريم يمه
رحنا لسوك واشتريتلها صدرية رصاصي وقمصان ثنين وقرطاسية كاملة وجواريب وجنطة وشنو بنفسها اشتريت مع هذا اشتريت تراكسودات وبناطير لميار وبعد غراض اشتريتلها حتى لو متطلع من البيت بس المهم افرحها ..

ميار :- راحوا امي ومينا وابويه طالع واني بالبيت كاعدة اباوع على الحيطان فجأة اتذكرت زوزاية زهرائي خلي اراسلها كمت جبت تليفوني ودكيت مرة مرتين مجاوبت للعلم * اني عندي تليفوني عادي وعندي بي الألعاب وبي سيمكارت وبي واتساب وفايبر وبس مابي اي شي بعد المهم بالثالثة جاوبتني ..