THE BILLIONAIRE'S REVENGE

Fourteen

          NANG makababa si Gareth sa kaniyang sasakyan, tahimik na pinagmasdan niya ang kabuuang hitsura ng mansion ni Don Celso. Walang gaanong nagbago doon gaya noong una siyang mapadpad sa nasabing mansion. Last na pagbisita niya yata rito ay buwan since busy siya sa kaniyang kompanya. Gusto niya tuloy mahiya kay Don Celso na kung hindi siya inimbita ay hindi niya ito mapuntahan. Malaki ang pasasalamat niya sa matandang lalaki na kumupkop sa kanila at siyang nagpaaral sa kaniya sa mamahaling unibersidad. Ang matandang lalaki ang unang naniwala sa kakayahan niya simula mapadpad sila sa maynila noon kasama ang pamilya.

          Tila nagbalik pansamantala sa nakaraan ang utak ni Gareth, habang pinagmamasdan ang mansion at ang paligid nito.

          "Walang silbi! Idiot!" Sigaw ng may-ari ng isang restaurant sa binatilyong si Gareth nang makabasag siya ng ilang pirasong plato na kaniyang hinuhugasan. Pumasok siyang isang dishwasher sa nasabing restaurant.

           Ito ang unang trabahong pinasok ni Gareth sa manila nang umalis sa sa Sta. Rosa, dahil hindi sanay sa buhay sa syudad kaya nangangapa pa. Hindi sumagot si Gareth sa boss, dahil kapag ginawa niya iyon ay tiyak na mawawalan siya ng trabaho na ayaw niyang mangyari. Dahil umaasa sa kaniya ang kaniyang ina, kapatid at ang ama niya na nakikipagsapalaran rin.

           "Ibabawas ko sa sahod mo ang mga nabasag mo!" Muling sigaw ng lalaki bago umalis sa kusina ng restaurant at lumabas sa mga taong naroon na nakangiti na tila kanina lamang ay walang puso siyang nilalait. Tiniis iyon ni Gareth hangang sa napagpasyahan na niyang mag-resign doon at namasukan naman bilang barker sa sakayan ng jeep.

            Naging kargador din siya sa palengke at kung anu-ano pa ang pinasukang trabaho para maka survive lamang sa syudad ng maynila. Sa bangketa lamang sila nakatira noon, dahil mahal ang mga upa sa maynila at hindi pa nila afford. Kaya ranas na ranas niya na matulog ng nakaupo dahil sa hindi sila kasya sa higaan. Halos patayin ni Gareth ang sarili sa pagttrabaho upang makaipon at makaupa ng bahay. Nakikipagsapalaran si Gareth sa buhay, habang nilalabanan niya ang pighati sa nangyari sa kanila ng kasintahang si Samantha.

            Dumating ang araw na nagkasakit si Gail, ang bunso nila, kinailangan nitong ma-confine dahil sa taas ng lagnat at todo kayod na naman sila ng kaniyang ama na nang mga panahong iyon ay nagkakasakit na rin dahil sa pagod. Si Mike, kasamahan niya sa palengke ang umeextra noon sa mansion ni Don Celso bilang tigalinis ng swimming pool at ng mga sasakyan ni Don Celso at isinama siya nito. Doon niya nakilala ang matanda.