احنا كدا ( الجزء الاول )

الحلقه { 1 }

 بقلم هند محمد

بسم الله الرحمن الرحيم

احنا كده حكايه بتحصل مع ناس كتير بنقسى على بعض بنبيع اللى بيشترينا و ونخون اللى بيخلصلنا وللاسف فى الاخر بنقول يارتنى ما كنت ظلمت او خونت بس ده طبع البشر فا يارتنى فى الاخر احنا كده ابدء القصه مع ابطال الحكايه القريبه من الواقع

فجر وهو فى السنه النهئيه لليسانس حقوق فى جامعة الاسكندريه وهو متفوق جدا لدرجة ان كل سنه بينجح بتقدير امتياز

ابراهيم وكوثر وفاطمه اخوات فجر

فاطمه هى الاخت الاكبر متجوزه وعندها 2 ولد وبنت محمد واحمد ومنى وعايشه فى بيت ابوها فى شقه مستتقله تقدرو تقولو بيت عيله

وابراهيم هو الاخ الاصغر وكوثر الاخت الوسطى ومخطوبه

والاربع اشقاء كانو عيشين فى بيت واحد ملك لابو فجر واخوه احمد الذي تزوج وترك البيت من سنين طويله.

فجر هو الابن المدلل لوالديه امه الحجه سميره وابوه الحج قاسم للأنه كان مطيع جدا وكان فيه كل الصفات التى تجعله المميز وسط العائله مثل الزكاء وحسن اللسان وخوفه على ولده وأمه واخواته ولاكن كا كل البشر كان فيه عيب وانه كان انانى وكان بيحب دائما يبقى الاول فى كل حاجه وكان ييحب يوصل لهدفو تحت اى ظرف وتحت اى تضحيات

كان فجر بيحب زميلته فى الكليه واستمر الحب هذا طوال الاربع سنوات دراسه وكان مخطط ان اول ما يخلص جامعه يتقدم لخطبة رانيا حبيبة قلبه وحبو الاول

وعشان فجر كان متفوق جدا وطلع بتقدير امتياز استطاع التئهل الى منحه دراسيه الى لندن لحصوله على المجستير والدكتوراه ولاكن شرط السفر والفوز بهذه المنحه انه يكون متزوج حتى لا يقيم او يتزوج من احد الفتيات فى لندن وعدم حصوله على الجنسيه لان القوانين تمنع تعدد الزوجات فى الخارج وكان امامه طريقه وحده بس وهو الزواج من رانيا

فجر : بابا ارجوك اعمل حاجه انا لازم اسافر المنحه دى مش لازم تضيع منى انا كنت بذاكر وبنجح كل سنه بامتياز عشان اسافر واخد المجستير والدكتوراه من بره

قاسم : يابنى وانا فى ايدى ايه اعملو قلتلى اروح اطلبلك البنت رحت واخت امك وابوه مش موافق وبصراحه عندو حق انته لا شقه ولا وظيفه وبعدين هتاخد بنتو لندن وهتسافر مين هيقبل على بنتو كده

فجر : خلاص الشقه اللى تحت فى الدور التانى نوضبها ونفرشها واتجوز فيها هو المشكله عند ابو رانيا هى الشقه

قاسم : انته عارف ان الشقه دى شقت اختك وخلاص جوزها على السنه الجايه هيكتب الكتاب وهيتجوزو

فجر : كوثر جوزها المفروض هو اللى يجيب الشقه مش احنا

سميره : انته عاوز اخواتك البنات يتجوزو ويسبونى لا انا بناتى متسبنيش