الحلقه ( 30)
رانيا : تتجوزنى انا دلوقتى محتجالك تحمينى ويوسف كمان محتاج اب ليه انا مش عاوزه منك اى حاجه فجر انا بحبك قولت ايه
فجر قولت ايه بحبك
فجر : انا مش عارف اقولك ايه بس لو قولتلك انا موافق تيجى معايا للمئزون دلوقتى ؟
رانيا : مئزون دلوقتى لا بابا لو عرف ممكن يجرالو حاجه لو عرف انى اتجوزت من وراه وبعدين انا نفسى فى فرح وزفه وشهر عسل معاك نفسى افرح انا مع فؤاد مفرحتش صحيح عملى فرح وجابلى شبكه وسافرنا بس ده كلو مع واحد مش بحبو انا نفسى اعيش معاك انته الحاجات دى
فجر : لو بتحبينى صحيح تيجى معايا دلوقتى للمئزون وتتنزلى على كل حاجه وكفايا نكون مع بعض
رانيا : ( بدلع ) لا طبعا لازم فرح ولازم زفه وفستان جديد ونسافر شهر عسل كامل عاوزه اعيش أجمل ايام عمرى معاك
فجر : وانا كمان بس انا مش معايا فلوس لده كلو
رانيا : انته مش لسه كنت بتقولى انك معاك 100000 جنيه وكنت هتعمل بيهم مكتب خلاص المكتب موجود وشقتى موجوده نستمتع احنا بيهم بقى
فجر : بس الفلوس دى مش بتعتى دى بتاعت ندى هى ادتهانى لما مراد وباسل رفضو يفتحو مكتب معايا اخد انا بقى الفلوس دى اتجوز بيها عليها طب ازاى ؟
رانيا : وايه يعنى هى مش ادتهملك خلاص تفتح مكتب تشترى عصافير وطيرهم تتجوز انته حر
فجر : طب سبينى افكر
رانيا : ماشى فكر بس انا واثقه هتوافق انا عرفاك
فجر : هههههههه انتى شايفه كده
رانيا : طبعا قولى بقى نتكلم جد شويه بما انك وفقت على فكرة جوزنا هتعمل ايه مع ندى
فجر : مش هعمل معاها حاجه تقصدى ايه ؟
رانيا : يعنى هطلقها ولا هتسبها ولا هتعدل بنا انا عن نفسى موفقه انها تقضل معاك بس بشروط
فجر : ( بأندهاش وسخريه ) شرووووووط ايه بقى هى الشروط
رانيا : اول حاجه توافق على جوزنا ما انا مش هقبل انى احس انى خاطفة راجل من على مراتو انا مش خطافة رجاله
فجر : دى اول حاجه ؟ تمام وتانى حاجه
رانيا : هى حاجه صعبه شويه بس بجد انا عارفه انها شاطره اوى فى كده انا عاوزها تعملى فستان فرحى
فجر : انتى مصدقه نفسك فى الى انتى بتقوله ده ؟
رانيا : ليه لا يعنى مش هى بتحبك خلاص اللى بيحب حد بيتمنالو السعاده حتى لو كان مع حد تانى
فجر : انا مقدرش اعمل فيها كده وبعدين انا فكرت لو اتجوزنا يبقى فى السر مش هقولها
رانيا : انا مش بسرق ولا بخدك سرقه
