الحلقه الثامنه والعشرين 28
ندى : مالك يا فجر حصل ايه مالك فى حاجه حصلت
فجر : جواب الوزاره جه وعينونى فى الجامعه
ندى : طب مبروك الحمد لله طب طب انته زعلان ليه كده مش انته كنت بتحلم بكده
فجر : انتى عارفه انا هروح جامعة ايه ؟
ندى : اسكندريه !
فجر : لا القاهره
ندى : القاهره طب ليه مش المفروض انته ساكن هنا ودارسة هنا يبقى تشتغل هنا
فجر : انا مش عارف كل حاجه اتلخبطة ليه كده
ندى : طب ايه احسن هنا ولا جامعة القاهره
فجر: لا طبعا القاهره بس انا بقى هسافر كل يوم
ندى : طب ما ناخد شقه هناك ونعيش هناك
فجر : مش عارف بقى انا دماغى خلاص انا نازل تحت اتمشى شويه
ندى : طيب
فجر : مالك انتى كمان مديقه ليه انا مش واخد بالى
ندى : اصل التحليل المفروض هروح اجبها انهاردا ما تيجى معايا انته بلاش مرات عمى وكوثر
فجر : بطلى دلع وبعدين هما هيزعلو وممكن يفكرو ان احنا مخبيين حاجه عليهم ويعملو مشكله خليها عليكى معلش وروحى معاهم وخلاص
ندى : طيب حاضر انا هقوم البس على شان المعاد قرب
فجر : وانا نازل اتمشى على البحر لو اتئخرت متقلقيش
ندى : ماشى مش هتتغدى طب
فجر : مليش نفس
**** ( بقلم هند محمد @isis Mohamed ) ****
( ونزل فجر يتمشى على البحر وندى لبست ونزلت على شان تروح للدكتور وكان معاها ام فجر وفاطمه وكوثر )
ام فجر : اتفضل يا دكتور كل التحليل والاشاعه احنا عملنها اتفضل
الدكتور : تمام بسم الله
طب ما كل حاجه تمام اهو والنسب هايله وكل حاجه مظبوطه الحمد لله
ام فجر : انا مش فهمه يعنى ايه يا دكتور
الدكتور : يعنى مدام نادره تمام ومعدهاش اى مشكله تمنعها من الانجاب اطلاقا
ام فجر : طب ليه ماخلفتش لحد دلوقتى دى متجوزه من 4 سنين
الدكتور : والله يا حجه انا شايف كل حاجه مظبوطه ومفيش اى مشكله
ندى : ( وهى فرحانه جدا ) يعنى العيب مش من عندى صح انا ساليمه ؟
الدكتور : اه الحمد لله وتقدرى تحملى فى اى وقت
كوثر : طب مالك فرحانه اوى كده ليه طب العيب منين يعنى يا دكتور