بقلم هند محمد
الحلقه السادسه ( احنا كده )
رانيا : لالا اوعى تيجى انا هشوف كده وهكلمك ماشى
فجر: خلاص هستنى منك تليفون مع السلامه
ابراهيم : انته هتعمل زى ما ماما قالتلك وتجوز ندى ؟
فجر : لا مش عارف انا مابقتش عارف حاجه انا كل ما احلها من مكان تتكربس من مكان تانى انا كنت مخطط اتجوز رانيا ونسافر اخد المجستير والدكتوراه ونرجع اشتغل فى الجامعه واقدر اجيب شقه ونعيش مرتحين جه ابوها بقى وحطلى العقده فى المنشار
ابراهيم : برضو مردتش على سؤالى انته هتجوز ندى
فجر : قدامك حل تانى
ابراهيم : ازاى واحده تجيلنا امبارح نقولها اتجوزى واحد متعرفوش طب افرض هى قالت لا منظرك قدمها هيبقى ايه هتحرج نفسك على الفاضى انا رئيى تحاول مع ابو رانيا تانى يمكن يافق او على الاقل تكتب الكتاب ويبقى معاك قسيمة جواز تسافر بيهاا حتى لو لوحدك مش لازم هى معاك
فجر : وتفتكر انا مقولتلوش كل الحلول دى انا قولتلو هكتب على نفسى شيك بملوين جنيه وهو دماغو جزمه عاوز شقه وعفش ومهر وفرح
اقولو لما ارجع من السفر نعمل ده كلو وهو دماغو
ابراهيم : حاول تانى معاه وانا رئيى انك تقول لرانيا ان فى بنت تانيا غيرها ساعتها هتغير وهتعمل قرد عشان ابوها يوافق
فجر : عندك حق هى بتغير عليا اوى هقولها ربنا يخليك ليه يا هيما يا اخويا يا رب وميحرمنيش منك ابدا حبيبى ههههههههه
**** ( بقلم هند محمد @isis Mohamed ) ****
ام فجر : ها يا كوثر عرفتى عنها ايه
كوثر : كل حاجه من اول ما راحت عند خالتها فى القاهره لحد ما جت عندنا امبارح بس تعرفى خالتها دى كانت وحشه اوى تصدقى بتقولى كانت بتزعق لها وتضربها وكان ولاد خالتها نفس الكلام مكنوش حبين انها تبقى معاهم
ام فجر : طب قوليلى هى متعلمه بتقرا وتكتب وكده
كوثر : اه معاها دبلوم صنايع بتعرف تخيط وكانت شغاله فى ورشة خياطه وبتعمل فساتين وحاجات وكانت اخر سناتين بتكسب حلو اوى ومحوشه كمان من شغلها قرشين كده
ام فجر : طب ما كنتش مخطوبه او حد متكلم عليها
كوثر : لا عمرها ما عرفت حد كانت من المدرسه للبيت او من الشغل للبيت وعشان خالتها كانت عصابيه ولسنها مش حلو مع جيرنها محدش اتقدملها من الجيران خالص
ام فجر : هى قالت كده على خالتها ربنا يستر طب يا بنتى اذا كانت بتقول كده على خالتها اللى ربتها هتقول عنانا ايه دى شكايه
كوثر : بصراحه يا ماما هى صعبانه عليه دى ورتنى اثار حرق وضرب من وهى صغيره سيبه اثار لحد لدوقتى عندها حق وبعدين فى قعدة البنات بيبقى فى فضفضه وكلام ملوش حدود متعرفيش انتى فيها
