بسم الله الرحمن الرحيم 💙
فى بداية الحديث أحب أعتذر جداً لتأخر الفصل وإن شاء الله الأحداث تنال إعجاب الجميع
صلى على محمد❤️
كانت سارة خائفة للغاية فنظرات يوسف لا تنذر بالخير أبداً ، هل حقاً سيفعل بها شئ بعد إنتهاءه من المحاضرة ؟ كانت تفكر ماذا تفعل؟ وما هو الحل ؟ إلى أن فكرت بطلب المساعدة من فارسها المغوار منقذها الوحيد "يونس"
- ألو أيوة يا يونس
شعر يونس بأن هناك كارثة
- خير!! هببتى إيه المرة دى
تحدثت سارة بغضب طفولى
- كدا يا يونس
- إخلصى يا سارة ورايا شغل
- فيه واحد إتخانق معايا وقالى صبرك عليا بعد المحاضرة وأنا خايفة
- إدخلى محاضرتك يا سارة وقبل ما تخلصى بربع ساعة رنى عليا وأنا هاجى خلاص
شعرت سارة بالسعادة لأجل إهتمامه بأمرها
- خلاص يا حبيبى
شعر يونس بالإختناق تجاه هذا الشعور الذى تكنُّه سارة تجاهه
- بقولك إيه سلام أنا مش فاضى
- سلام
فى الشركة التى يعمل بها يامن كان يسير ذهاباً وإياباً يفكر كيف يخبر المدير بشأن الأجازة وكان ينظر إليه إلياس بملل وتأفف
- خيلتنى ما تقعد بقى
- هقوله على الأجازة إزاى
- ما هو بصراحة مش هيوافق ، هتقوله رايح أستجم شوية فى البلد والشركة مقلوبة
- إنت كدا بتحلها يعنى
- أقولك إيه يعنى
- متقولش إسكت أحسن ، أنا هروح للمدير وهناك الكلام هيجى لوحده
- هههههه بالتوفيق يا رفيق
- غلس أوى يعنى
تنفس يامن الصعداء وقرر أن الذهاب إلى المدير دون التفكير هو الحل الوحيد ، فإنتظاره هكذا لا يجدى نفعاً
- إدخل يا يامن
- أنا كنت عايز من حضرتك تمضيلى على الأجازة دى
نظر طارق إلى طلب الأجازة بتمعن وإلى مدة الأجازة ثم نظر إلى يامن
- ممكن أعرف سبب الأجازة
نظر إليه يامن ولا يعلم بماذا يخبره ؟ فقول الحقيقة سينال الرفض القاطع
- اه طبعا لازم حضرتك تعرف سبب الأجازة دى أقل حاجة يعنى بص حضرتك هو السبب اللى يخص الأجازة إنه قصدى إن
نظر إليه طارق بنفاذ صبر ، فيبدو أن الأجازة بدون أسباب ثم تحدث بمقاطعة لحديثه
- فيه إيه يا يامن هو أنا سؤالى صعب للدرجادى ما تقولى إيه السبب عشان أشوف همضى بالموافقة ولا الرفض
إبتلع يامن ريقه بصعوبة وقرر أن يخبره بالحقيقة ربما هى المنجية
- جدى بعتلى من البلد طلب يشوفنى ومعرفش السبب إيه
- إممممم يعنى هو ده السبب اللى طلبت عشانه الأجازة
- أيوة
- ماشى يا يامن وأنا موافق على طلب الأجازة بس إسبوع ويوم هتتجازى
إبتسم يامن براحة
- حاضر متشكر جداً
- العفو يا باشمهندس
كان يامن يدندن وهو يأخذ أشياءه ويستعد للرحيل من المكتب تحت أنظار إلياس
- الليلة دى سيبنى أقول وأحب فيك
- قول يا اخويا قول ما حقك طبعاً
- ما تزوغ النهاردة وتيجى معايا
- تصدق فكرة وأبقى أجى على هنا الصبح كدا يلا أنا جاى معاك
- طيب يلا جهز نفسك وعدى عليا على البيت كدا عشان هجهز شنطتى وشنطة يوسف ونروح الجامعة نجيبه
- إشطا ، بس إنت مش كنت بتقول إنك هتروح للحلاق عشان دقنك وشعرك ده
- لا ماما قالتلى كدا أحلى يعنى وخليتنى أوعدها محلقش أعمل إيه بقى
نظر إليه إلياس بسخرية
- هههههههههه يا قلب ماما
-بطل غلاسة بجد مش كدا أحلى الشعر الطويل والدقن والشنب لايقين عليا صح ولا إيه
- يا عم لايقين عليك والله
- طيب يلا بينا
YOU ARE READING
يقين عاشق (الجزء الأول)
Romanceأنتِ الروح التي أسكنني الله إليها ، فإطمئن قلبي لتلك الروح التي تسكن روحي، أشتاق لرؤياكي وإن كنتِ بجانبي ، فرؤياكي تمر علي قلبي قبل عيني ، جمعني الله بكِ في دنياي كي تنيري قلبي وروحي وعسي أن يجمعني بكِ في جنةٍ تشبه عينيكي.
