الدُغا

مقاومة

"كان يُشِعلُ نارَهُ..
‏ثمَّ يُطفِئُها بِ نارْ
‏ كان يَغْلِي قلبَهُ..
‏ثم يَنتظرُ المَزيد مِنَ البُخَارْ"

‏

الساعة 7 الصباح

المفروض اني ابدا اتجهز للدوام لكن طاقتي صفر
كم بقيت بالسرير؟ كم فكرة جت وراحت؟
حسيت اني هواء غير مرئية لهم لكني ثقيلة جدًا
ايمن: كل دا غارقه بافكارك
التفت له جالس على طرف سريري
متى جا ما حسيت فيه

ايمن: بوصلك للدوام
قلت وانا اشد البطانية على راسي: ما بروح بنام
ايمن سحب البطانة بقوة: يكفي نوم حرام عليك نفسك
التفت له وساد الصمت بيننا كم دقيقة اشاح بنظرة عني
هل عيوني واضحه له؟
بل ما داخل عيني واضح؟
معقوله انا شفافه لهم
اخذ نفس وقال: اعرف تصرف امي كسر فيك والله اني ادري واشوف نظراتك ادري بس ما عمرك استسلمتي دُغا انت اول وحده كسرتي قوانين دا البيت تذكرين؟

ابتسمت ودموعي بدت تنزل
انا اضعف من دا كله بس يعز عليّ القول يا يامن

اكمل: اول وحده تداوم شفت مساء وتنام عند صحبتها وترجع مع سواق حتى خالد ما يقدر يداوم شفت مساء

مسك بيدينه وجهي ومسح دموعي
يامن: ليش بس الدموع هذي
باس راسي

وخرج بدون ما ينتظر ردي

وقفت امام التسرحيه
تاملت شعري الي بدا يطول وحبوب جديدة بوجهي واهم علامه جديدة
كدمة زرقاء كبيرة بخدي اليسار
ما اخفي عليكم لمن شفتها انذهلت لونها غامق واضح الكف كان من قلبها
حسيت اني ودي ابكي
بس نفضت هذي المشاعر

اخذت نفس وحاولت اخفي العلامة بالميك اب 
فكرت شويه
حطيت كنسيلر غامق
وبعدها كنسيلر فاتح
وقلت ليش ما تكمل؟
الايلاينر والروج الصارخ

مني راضيه عن النتيجة بس مستحيل اطلب مساعدة اميرة

———————————

دخلت الشركة متوجهه للمصعد
-: دُغا هلا
التفت لها: هلا رحمة كيفك؟
حضنتني : وحشتيني يا بنت وينك؟ ووحركات حركات وش دي الحلاوة
ابتسمت مجاملة صراحه مالي خلقها
بس حلو ما لاحظت الكدمة يعني الميك اب توب

وبعد ما حاولت اهرب منها توجهت لمكتبي اخيرا

عُدي: جيتي
دُغا: انت نايم هنا ولا ايش؟
جلس امامي على الكرسي وهز رجولة
عُدي بقلق: بيطردوني معطيني مهله غصب اقنعها
دُغا: اعطيها الي تبغاه
عُدي باستغراب: وش آلي تباه
دُغا: الاتنشن
عُدي: .........
قلت بطفش: يا رجال حسسها بالاهتمام وانك هتموت عليها وعلى شكرتها وخلاص بتجيك
عدي: وش تقولين انت؟ انا متزوج....
دُغا: ارمل كل الشركه تدري
عدي: حتى ولو انا ما زلت احبها.
دقلت وانا احط راسي على الطاولة: خلاص خلاص انا بتصرف بس فكني دحين مصدعه
عدي:وجهك اصفر، ارتاحي بمكتبي اذا تبين انا عندي اجتماع

وبصراحة ما فوتها دخلت مكتبه طفيت الانوار ونمت على الكتبه البيضاء العريضه
رغم اني نمت يوم كامل الا ان جسمي تعبان احتاج الطاقه

———————————————-

بمكان بعيد كثير

-: طبقت الي بغاه؟
برجاء-: مو لصالحك فكري شويه بس
بحدة-: لا تحسب نفسك تمون حدك خدام تجيب لي طلبي
بحزن-: خذي الاوراق الله يهديك ويصلحك
اخذت الاوراق وانا طايره من السعاده
ركبت السياره وشغلت حاجات اغنيه دُغا المفضلة
على اعلى صوت وانطلقت
ضحكت بصوت عالي اتخيل تعابير وجههم المصدومة
صدري يحس بالشفاء اخيرا
البدايه
تظن ميس محد يدري عن حياتها السريه
كيف بتكون نظرتها لمن تدري اني ادري؟
ولا كيف مروان؟ دا لوحده حكايه
زفرت  بتفكير
ابوي حتى وهو بعيد مزعجني
شديت يدي على الدركسون
بس مجرد فكرة ان ابوي ممكن يضرني تقهر تحرق صدري بس كيف أعالج الوضع؟ ما اقدر استخدم ضده اي خدعة
مساس اي جزء منه باذى بيمسني كوننا عائلة سمعتي بتتضرر معه اي تهديد مني له ما راح ياخذه بجديه

وقفت عند الاشارة
اخذت جوالي دخلت اشوف اخر ظهور لدُغا
كان من يوم!
يوم كامل ما فتحت الواتس ليش؟ مو من عوايدها
اوووف مو يكفي مشاكلي مع اهلي وكمان دُغا
دقيت على عُدي

فتحت الاشارة

قلت: ايش صاير مع دُغا؟
عُدي باستغراب: ما صار شي داومت اليوم عادي وقلت لها ترتاح بمكتبي
اسرار: حمار انت؟ البنت اخر ظهور لها من يوم؟ وكيف تنام بمكتبك؟
عُدي بامتعاض: لو انك مهتمه بدل تساليني اساليها وبعدين شفت وجهها اصفر قلت اريحها
غيرت طريقي لشغلها
قلت: انكتم! اعطيتك مهمه سهله حمار زيك مو عارف يسويها واخر مره تحتك فيها كذا
عُدي بسرعة: ما احتك فيها
اسرار بعدم تصديق: انقلع بس
فصلت الخط

————————————————

دُغا

فتحت عيوني من انزعاج النور
كاني المح شخص على الكنبة المقابله لي
فزيت بسرعه
قلت بصدمة: اسرار!
كانت جالسه امامي حاطه رجل على رجل تناظرني مثل نظراتها دايما
اخذت نفس احاول افهم ليش هي هنا؟ قدامي وبمكتب عدي
مسحت على وجهي
اسرار: تكنيكاتك في الميك اب سيئة
بلعت ريقي بصمت
اكملت: من مكاني هنا اقدر اشوف الكدمه
طالعت في عيونها
وهنا انا انهرت ما قدرت امسك نفسي اكثر
انتحبت بصوت مرتفع

مرت ثلاث دقائق

اسرار: ما كنت ادري ان حياتك بهذا التعقيد الكبير
جاوبت وانا اخذ نفس: شوف مين يتكلم؟ نسيتي انا ايش شفت ببيتك؟
اسرار: ما نسيت محد يقدر يضرني منهم
دُغا: بس الغريبه ذيك تقدر تجبرك تسليمها الاوراق 
وقفت تتمشى بالمكتب وقالت: تقصدين ميس؟ لا ما تقدر صار كل شي رسمي باسمي -والتفت لي- الميك اب انهار تحبي اعدله لك؟
ناظرتها بقهر
هل هذي طريقتها في قول اسف؟
هل هي تشوف ان علاقتنا المفروض ترجع بعد ما تعدل لي الميك اب؟
هل هي تستهزئ فيني؟
—————————————

نهاية البارت

شرايكم في الأحداث؟
دُغا كيف هتتصرف مع رانيا؟
واسرار ايش تخفي وراها؟
واسرار ودُعا هتستمر علاقتهم او لا؟
وعدي واسرار كيف يعرفون بعض؟
واخيرا اسمعوا الاغنية

كونوا بخير🤍
اكتبو تعليق ولا تنسوا 🌟