Chapter 210
"လိမ္မာလိုက်တဲ့ကောင်လေး... သားက အရမ်းကို လိမ္မာတာပဲ... သားအနာဂတ်မှာ ဇနီးရလာရင်တောင် မာမားစကားကို နားထောင်ဦးမှာလား..."
ရှအန်း မေးလိုက်သည်။
၎င်းက ဟာသတစ်ခုသာဖြစ်သည်။ သို့သော် ရှရှင်းချန်က အတည်ပေါက်ကြီးတွေးမည်ကို မည်သူက ထင်မည်နည်း။
ကလေးမျက်နှာလေးတွင် အရိုးသားဆုံး အမူအယာတို့ ရှိနေသည်။
"သားက မာမားပြောတာကို အမြဲနားထောင်မှာပါ..."
ရှအန်းက ရယ်မောလိုက်သည်။
"ကလေးရယ်... မာမားက စနေတာပါ..."
ကုရှုမော့ကလည်း ရှရှင်းချန်ကို ရယ်တော့သည်။
"ဟားဟားဟား... ရှောင်ရှင်းက ငယ်ငယ်လေးရှိသေးတယ် ဇနီးလိုချင်နေပြီတဲ့... ရှက်စရာကြီးပါကွာ...."
"..."
သူ၏ နတ်သမီးမေမေနှင့် ကုရှုမော့တို့ သူ့ကို ရယ်မောနေသည်ကို ကြည့်ပြီး အမြဲလိုလို အရွယ်ရောက်ပြီးလူကြီးတစ်ယောက်လို ပြုမူတတ်သော ရှရှင်းချန်၏ မျက်နှာလေးပေါ်တွင် ကလေးဆန်ဆန်ရှက်ရွံ့မှုတို့ ထွက်ပေါ်လာသည်။
သူ ကုရှုမော့ကို နီရဲနေသည့် မျက်နှာဖြင့် စိုက်ကြည့်ကာ ရိုက်ချလိုက်သည်။
အရိုက်ခံလိုက်ရသည့် ကုရှုမော့က ရှရှင်းချန်ကို ဒေါသတကြီး ကြည့်လာသည်။
ဤသည်က ရှရှင်းချန် သူ့ကို ရိုက်သည့် ပထမဆုံး အကြိမ်ပင်။
"အကျင့်မကောင်းတဲ့ ရှောင်ရှင်း... ငါကစရုံစတာကို မင်းက ငါ့ကိုတကယ်ရိုက်တယ်...."
ထိုသို့ပြောပြီး ကုရှုမော့က လက်သီးဖြင့် ပြန်ထိုးလိုက်သည်။
ရှရှင်းချန်က ကုရှုမော့ ထိုးသည်ကို ရှောင်လိုက်ပြီး ကလေးနှစ်ယောက် စတင်ရန်ဖြစ်ကြတော့သည်။
ကလေးနှစ်ယောက် အတူတူဆော့နေသည်ကို ကြည့်ပြီး ရှအန်းမျက်နှာပေါ်ရှိ အပြုံးက ပိုမိုကြီးမားလာသည်။
ကောင်းလိုက်တာ...
ဒီလို ကမ္ဘာကို ရောက်လာခဲ့တာ ကောင်းလိုက်တာ...
YOU ARE READING
၂ ဗီလိန်၏နူးညံ့သိမ်မွေ့သောမေမေ(ရှအန်း)
General Fictionအပိုင်း၂၀၁က နေစပါတယ်နော် Delicate Mother of a Villain Description ကမ်ဘာပျက်ကပ်ရက်များတွင် အလှတိုးခြင်းစွမ်းအားရှိသော ရှအန်းတစ်ယောက် သေဆုံးသွားခဲ့သည်။ သူမ မျက်လုံးဖွင့်လိုက်သည့်အချိန်၌ အမျိုးသမီးဇာတ်ဆောင် အနိုင်ကျင့်ခံရသည့် ဝတၳုတစ်ပုဒ်ထဲသို့ ရောက်ရှိ...
