Chapter 254
"ဖုယှီ..."
ရှအန်းက မျက်လုံးမှိတ်ထားသော ဗီလိန်ကိုကြည့်ပြီး မျက်မှောင်ကြုတ်လိုက်သည်။
သို့သော် သူစကားစမပြောခင် ဖုယွီက ဖြတ်ပြောလိုက်သည်။
"ကျွန်တော့်ကို ရှောင်ရှင်းလို့ခေါ်..."
သူ့မျက်လုံးများကို ဖွင့်ပြီးဖုယွီက ရှအန်းကို စိုက်ကြည့်လိုက်သည်။ ထိုမျက်လုံးများထဲမှ အေးစက်မှုနှင့် ညှို့မှိုင်းနေမှုတို့က ပျောက်ဆုံးသွားပြီး ကြည်လင်ပြတ်သားနေသည်။
ထို ကြည်လင်လှသော မျက်လုံးများကိုကြည့်ပြီး ရှအန်းက ဖုယွီကို သူ၏သားလိမ္မာလေးဟုပင် ထင်မှတ်မိသွားသည်။
ထိုအချိန်တွင် ထိုမျက်ဝန်းများကိုကြည့်ရင်း ရှအန်းစိတ်ထဲတွင် ဖုယွီနှင့် ရှရှင်းချန်တို့က တစ်ယောက်တည်းသာဖြစ်သည် ဟူသော အတွေးသာ ထွက်ပေါ်လာသည်။
ရှအန်း အနည်းငယ်ပျော့ပြောင်းသွားသည်။
သူမက ဗီလိန်ကြီးက ဘာကြောင့် ဤမျှကြီးကြီးမားမား ပြောင်းလဲသွားကြောင်း မသိသလို သူ့ကို ဘာကြောင့် ရှောင်ရှင်းဟု ခေါ်ခိုင်းကြောင်းလည်း မသိပေ။
သို့သော် ရှအန်းက ဤပြဿနာကို မြန်မြန်ဖြေရှင်းချင်၍ ဖုယွီကဲ့သို့ ဗီလိန်ကို ချော့မြူကာ ရှရှင်းချန် ခန္ဓာကိုယ်ထဲမှ ထွက်သွားစေချင်၍ လိမ်လိမ်မာမာလေးခေါ်လိုက်သည်။
"ရှောင်ရှင်း..."
ဖုယွီ၏ နှုတ်ခမ်းတို့ ကွေးညွတ်သွားသည်။
"နားထောင်လို့ ကောင်းတယ်..."
ရှရှင်းချန်၏ နာမည်မှာ ချိုမြိန်လှသည်။
အတိတ်က သူက အမှန်ကတယ် ကံကောင်းလှသည်။
ကံဆိုးစွာဖြင့် ထိုကံကောင်းမှုကို သူမပိုင်ပေ။
ဖုယွီက ရှအန်း၏မျက်လုံးများတွင် ကြောက်လန့်နေမှုတို့ကို ထင်ထင်ရှားရှား မြင်လိုက်ရ၍ ပထမဆုံးအကြိမ်အဖြစ် ခါးသီးသလိုခံစားလိုက်ရသည်။
ထိုသို့သော ခါးသီးမှုက သူ့တစ်ဘဝလုံးကို ကပ်တွယ်နေခဲ့သော ဖုအန်းချီနှင့် ရှိစဉ်ကပင် မခံစားဖူးခဲ့ပေ။
YOU ARE READING
၂ ဗီလိန်၏နူးညံ့သိမ်မွေ့သောမေမေ(ရှအန်း)
General Fictionအပိုင်း၂၀၁က နေစပါတယ်နော် Delicate Mother of a Villain Description ကမ်ဘာပျက်ကပ်ရက်များတွင် အလှတိုးခြင်းစွမ်းအားရှိသော ရှအန်းတစ်ယောက် သေဆုံးသွားခဲ့သည်။ သူမ မျက်လုံးဖွင့်လိုက်သည့်အချိန်၌ အမျိုးသမီးဇာတ်ဆောင် အနိုင်ကျင့်ခံရသည့် ဝတၳုတစ်ပုဒ်ထဲသို့ ရောက်ရှိ...
