၂ ဗီလိန်၏နူးညံ့သိမ်မွေ့သောမေမေ(ရှအန်း)

Chapter 256

သူမက အနာဂတ်တွင် စာအုပ်ထဲက အတိုင်းဖြစ်လာမည်ဟု မစိုးရိမ်တော့ပေ။ ထိုအပြင် စာအုပ်ထဲလို ဇာတ်လိုက်မ၏ရောင်ဝါကလည်း သန်မာမည်ဟု မစိုးရိမ်တော့ပေ။

အကယ်၍ ဇာတ်လိုက်မရောင်ဝါက သန်မာခဲ့လျှင်တောင် ကလေးနှစ်ယောက် မဟုတ်ဘူး သုံးယောက်လုံးက စာအုပ်ထဲကအတိုင်း ဖြစ်လာမည်ဟုမယုံကြပေ။

ရှအန်းက အခုထိစကားများနေကြဆဲဖြစ်သော ကောင်ငယ်လေးနှစ်ယောက်ကို ကြည့်လိုက်သည်။ သူမ၏နှုတ်ခမ်းများက ကွေးညွတ်သွားကာ မျက်လုံးများက ကြယ်ရောင်ပမာ တောက်ပလာခဲ့သည်။

"တို့တွေ ရှောင်ရွှယ်ကို သွားကြိုကြရအောင်လေ..."

"ဟုတ်ကဲ့ သွားကြမယ်လေ...."

"ဟုတ်ပြီကွ... နတ်သမီးညီမလေးကို သွားကြိုကြမယ်..."

ရှအန်း မူလကိုယ်၏သမီး ရှိရာအိမ်ကို သွားလည်ခဲ့သည်။

ဤတစ်ကြိမ်က အရင်တစ်ခေါက်နှင့် လုံးဝကွာခြားလေသည်။

ဤတစ်ကြိမ်တွင် သူမနှင့် ရှုထျန်းထျန်းသာမကာ ကောင်ငယ်လေးနှစ်ယောက်ပါ ပါလာခဲ့သည်။

ထို့အပြင် သူတို့နှစ်ယောက်၏ အထောက်အထားမှာ မရိုးရှင်းပဲ အဓိကဇာတ်လိုက်လေးနှင့် ဗီလိန်လေးဖြစ်နေသည်။

မသိလိုက်မသိဘာသာနှင့် သူမက ထိုကလေးသုံးယောက် အနာဂတ်တွင် အတူရှိနေမည့်ပုံကို တွေးနေမိသည်။

ထွက်မလာခင် ရှအန်းက ကျုးတချင်းကို ဆက်သွယ်ခဲ့သည်။

သူမက ကျူးတချင်းကို ကျုးပိုင်ရွှယ်ကိုသူမ၏ သမီးအဖြစ် အသိအမှတ်ပြုပြီး သူတို့လင်မယားနှစ်ယောက်ကိုပါ သူမတို့နှင့် အတူလာနေရန် ခေါ်ခဲ့သည်။

နောက်တစ်ခုက သူမက ရှရှင်းချန်ကို ကျူးပိုင်ရွှယ်၏ အမြွှာမောင်လေးအဖြစ် သတ်မှတ်ထားပေးပြီး ထိုလျှို့ဝှက်ချက်ကို တစ်သက်လုံး မပြောပြရန် ပြောခဲ့သည်။

ရှအန်းက ကျုးမောင်နှံက သူတို့၏ကလေးကို အရမ်းချစ်၍ အတော်လေး မပျော်မရွှင်ဖြစ်သွားမည်ဟု ထင်ခဲ့သည်။