Lost Control (Zhanyi) ✅

34 කොටස

"හරි මොකද්ද කියන්නකෝ මගේ මැණික ගේ ඔලුවට ආපු විසඳුම...."

මම අහද්දී කේශූ මගේ දිහා බලාගෙනම කතා කරන්න පටන් ගත්තා...

"අගී... මගේ ගැන වැරදියට හිතන්න එපා හොඳේ මෙහෙම කිව්වට... තාත්ති ඉන්නේ සහස් ගේ අප්පච්චිට ණය වෙලා නම්.. ඔයාට බැරිද එයාට ඒක ගෙවන්න උදව් වෙන්න?? මම දන්නවා මේ ඉල්ලීම ආත්මාර්ථකාමී එකක් කියලා... ඒත් ඔයාට බැරිද මම වෙනුවෙන් එයාලට උදව් කරන්න??"

ඇස් වල කඳුළුත් පුරවන් මගේ කොල්ලා අහද්දී මම එහෙමම පහත් වෙලා එයාගේ නලල ඉඹ ගත්තා..

"ඒකට උඹ ඇයි ඔය තරම් බැගෑපත් වෙන්නේ මගේ මැණික?? දැන් එයාලා මොන විදිහට හැසිරුනත් මට මගේ අම්මා තාත්තා වගේ හිටියේ ඒ දෙන්නා... ඒ නිසා එයාලට උදව් කරන්න මම දෙපාරක් හිතන්නේ නෑ.. එහෙම උනොත් අපි හෙමීට අක්කා එක්ක කතා කරලා බලමු... ළඟ තියෙන සල්ලි මදි නම් ප්‍රොපටි එකක් විකුණලා හරි අපි ඒක කරමු මැණික්... "

"ඔයා කොහොමද අගී ඔය තරම් හිත හොඳ මනුස්සයෙක් උනේ.... "

මම එයා අහපු ප්‍රශ්නෙට උත්තර දීලා ඉවර වෙද්දි කොල්ලා ඇහුවේ මගේ කම්මුලක් පිරි මදින ගමන්....

"ඔයා තමයි මේ ලෝකේ ඉන්න හොඳම මහත්තයා අගී... ඒ වගේම තමයි අපේ පැටියා ආවට පස්සේ මේ ලෝකේ ඉන්න හොඳම අප්පච්චි වෙන්නෙත් ඔයාමයි... "

එයා අහපු ප්‍රශ්නෙට මම හිනාවක් විතරක් දෙද්දී කේශූ එහෙම කිව්වේ දිගටම මගේ කම්මුල පිරි මදින ගමන්...

"මොනවද මැණික ඔය කරන්නේ...."

කේශුත් එක්ක අක්කලා ගැන කතා කරලා තවත් දවස් දෙකක් ගෙවිලා යද්දී දවල් ෆැක්ට්‍රි එකට ගිහින් හවස් වෙලා මම ගෙදර එද්දි එහෙ මෙහෙ දුව දුව මල් පැල වගේකට වතුර දදා ඉන්න කේශුව දැකලා මම එතනට ගියේ ටිකක් කේන්තියෙන්....