Lost Control (Zhanyi) ✅

38 කොටස

"ඔ.. ඔයාලා???"

සාලේ වාඩිවෙලා හිටපු අය අපි දිහා බලන් ඉද්දි මම වගේම කේශුත් ඒ දිහා බලන් හිටියේ රාණි අම්මා මගේ දිහා වරදකාරී බැල්මකින් බලන් ඉද්දි...

"අගා... වරෙංකෝ... මුලින් පොඩ්ඩ එක්ක ඇවිත් වාඩිවෙයංකෝ...."

කිසිම දෙයක් හිතා ගන්න බැරුව හිටපු මගේ ළඟට ආපු ඉසංක මගේ අතින් අදිනකොට මම ඌ දිහාත් බලලා ඇවිත් කේශූ එක්ක සෝෆා එකෙන් වාඩිවුනා...

"ඇත්තටම අගා... රාණි අම්මා උඹට කතා කරලා කියන්න ගියේ... මමයි එයාව නැවැත්තුවේ එපා කියලා.... "

දිගටම ඉසා කියවනකොට මම කේශූ අපි දෙන්නම හිටියේ කිසි දෙයක් තේරුම් ගන්න බැරුව...

"දැන් මේ ප්‍රශ්න ඇදුනා ඇති බං... ඇත්තටම මම පුදුම උනා අද උදේ පාන්දර අක්කලා අපේ ගේ දොරකඩ ඉන්නකොට... "

ඒ එක්කම මම පුදුමෙන් බැලුවේ අපිට ඉස්සරහ සෝෆා එකේ වාඩිවෙලා ඉන්න අක්කයි අයියයි දිහා වෙද්දී ඒ දෙන්නා බිම බලාගෙනම හිටියේ මම ආයේ ඉසංක දිහා බලද්දී...

"අක්කලා හිතන් ඉඳලා තියෙන්නේ උඹලා දෙන්නා ඉන්නේ අපේ ගෙදර කියලා... ඒකයි හොයාගෙන ඇවිත් තියෙන්නේ... අක්කා කිව්වා උඹලත් එක්ක කතා කරන්න ඕන වගේම වෙච්ච දේවල් හරි ගස්සන්න ඕන කියලා..."

ඉසංක කියද්දී කේශූ මගේ අත තද කරලා මිරික ගත්තේ අයියා හිටපු තැනින් නැගිටලා අපි ළඟට එද්දි...

"මල්ලි...... "

මෙච්චර දවසක් බල්ලෙක් ගාණට දාලා මට කතා කරපු අයියා මල්ලි කියලා ඇවිත් අපි ළඟ හිටගෙන කතා කරද්දී මමත් වාඩිවෙලා හිටපු තැනින් නැගිට්ටා.....

"මට සමාවෙන්න මල්ලි......"

එක පාරටම අයියා මාව බදා ගද්දි මාව ගැස්සිලා ගියේ වෙච්ච දේ හිතා ගන්න බැරුව වෙනකොට අක්කත් මගේ ළඟට ඇවිත් මගේ ඔලුව අත ගෑවේ මාව බදාගෙන හිටපු අයියගේ උරහිස් ගැස්සෙද්දි....

"මම... මම මහ නරුමයෙක් මල්ලි.... සල්ලි බිස්නස් නිසා මට මගේ පවුල අමතක උනා... මගේ දරුවගේ සතුට මට අමතක උනා... මට ඕන උනේ මුලු ජීවිත කාලෙම කරදරයක් නැතුව ඉන්න ඕන එක විතරයි... ඒත් මම වැඩ කරලා තියෙන්නේ අන්ධයෙක් වගේ මල්ලි... මට සමාවෙන්න... දරුවෙක් වගේ හදපු උඹට කියපු කතා වලට.. මම දන්නවා ඒවට සමාවක් දෙන්න බෑ කියලා.. මොකද මම හැසිරුණේ මනුස්සයෙක් ගාණට.... "