الصباح الساعه 8
الكل مانام كويس وكان متضايق بعد الي حصل أمس
الجد كان يفطر والكل جالس عالسفره ماعدا الريم ونعيم
الجد: مهما حصل انا وجبة الفطور ما اسمح لاحد يتعذر
غاليه بضيقه وماتبي احد يشك بالريم: اساسا الريم كانت تتجهز وبتنزل
الجده بحزن : وين نعيم وينه؟
عاليه: مارجع من امس
هزاع: مو راضي يجي
غاليه قامت للريم في الغرفه
الريم كانت منهاره بكى
غاليه دخلت الغرفه: حبيبي حبيبي يكفي قطعتي نفسك بكى
الريم: تعبت تعبت من امس احاول ادور مبرر للي سواه بابا ! معقوله يعطيني بارده مبرده ! ليه سهله انا
انا بنته الوحيده ولا حبيت اواجه بابا واكسر كلامه قدام الكل لكن مستحيل اخذ سلطان مستحيل مستحيل
غاليه حضنتها: مستحيل واصلا نعيم ماراح يرضى
لو يصير الي يصير تاكدي انك لنعيم !
والحين ابيك تغسلين وتتجهزين وتجين معاي والله يالريم
مب منطق يشك فيكم احد ! تكفين اسمعيني لو مره
الريم: مب طايقه اشوف احد
غاليه: تبين يشكون فيك؟ يقولون لا هي ولا نعيم!
اصلا هم شاكين لاتتركينهم يتاكدون تكفين
الريم بحزن: وليه وين نعيم!!!
غاليه: مانعرف والله
الريم : وتركتوه يروح وهو بذيك الحاله ؟؟؟؟
غاليه حضنتها وهي متضايقه : ماقدرنا نسوي اي شي
الريم قامت تغسل وتتجهز
نزلت هي وغاليه
ابو الريم كان متضايق من ردة فعل بنته وليه هي بهالهدوء ؟
وكان يطالها بس هالمره ماصبحت عليه ولا باسته كالعاده
الجد: ماصبحتي علينا يابوك
الريم: صباح الخير
الجده: وش بك يابعد جدي
الريم رفعت عيونها لأبوها : ولا شي ياجده بس مخنوقه من صحيت وكاني مستنكره شي
ابو الريم تضايق مره : ماتشوفن شر يابنيتي
الريم: شفت الشر وخلص لكن تمون يابابا
الجد قام وهو متضايق من كلمات الريم
ابو نعيم: بسم الله عليك وانا عمك
العنود وخواتها انسحبو من المكان ..
وعاليه وضي وفي برضوا انسحبو
هزاع وعمران انسحبوا
الجده: الحين نبي نفهم الموضوع يامحمد ليه عطيتهم بنتك؟
محمد: انا ادرى بمصلحتها
الريم: بابا انا من امس افكر ولا ذقت النوم
كذا تسوي ببنتك الوحيده؟ ارخصتني ارخصتني كسرتني
محمد بانفعال: وانا وش سويت عشاني قبلت في سلطان؟ وش فيه سلطان؟
الريم: سوا سلطان او غيره انا ما اتزوج بهالطريقه
في شي اسمه تشاورني وانا اقرر واستخير !
الجد رجع من سمع اصواتهم: ابوك يابنتي يبي مصلحتك
الريم بسخريه : سلطان مهددكم في شي ؟ خايفين منه ؟ عادي قولو بتبيعوني عليه؟ وش لاوي ذراعكم فيه عشان تقدموني ليه وليه انا ؟ ليه؟ وش مشكلتكم معي ! الله بسماه ما اخذه ولا يدخل علي ولا ينكتب اسمي بأسمه استوعبوا !
الجد بصراخ: بس ووجع وعطاها كف قوي
جدك وابوك وعمك تواجهينهم كذا بزر من بزراانا تتكلمين كذا ليه ان شاءالله لييييييه؟
الريم بسخريه: الحين تاكدت
قامت الريم ودخلت جوا جلست تبكي بكل قوتها وهي خلاص متضايقه
دخلت الجده كان منكسر خاطرها على الريم
الجده: بس يايمه بس لاتكسريني تكفين
الريم: ياجده مابي مابي اتزوج تكفين خلاص انا تعبت
الجده: مابي اخوفك يايمه بس جدك معـند بعد كلامك ..
الريم: ماكنتوا كذا وش غيركم؟ كنتوا متفهمين وش غيركم ؟؟؟؟ ودي ادري ليه ليه كذااااااااااا
الجده: تقبلي يايمه الامر
الريم وهي تبكي : ليه ماتوقفين مع حفيدتك؟
الجده نزلت دمعتها وضمتها: العين بصيـرة واليد قصيـره
الجد دفش الباب ودخل: اسمعيني الحين تقومين تتجهزين وتتغسلين الولد جاي يشوفك المغرب والله ماعاش الي يحط راسه براس سيف العالي والله ماعاش الي يعاندني ويرفع صوته علي ويعصاني
الريم قامت : تبيها عناد ؟
الجد رفع عيونه عليها: جربي يابنت محمد والله ان ماكفاك الكف لا أكمل عليك
الريم: يصير خير
طلع الجد والجده
ودخلت غاليه وهي تبكي: ريمي تكفين تكفين لاتسوين شي نندم عليه تكفيييين
الريم طاحت بالارض وجلست تبكي : انكسرت غاليه انكسرت
غاليه: بسم الله عليه ياقلب قلبي انتي بسم الله عليك
الريم وهي تشاهق : واخوك مسوي يحبني وهو مختفي من امس ! كسرني كسرني تركني اواجهم لحالي ليه؟ ليه هرب؟ ليه خايف من المواجهه؟
غاليه: ماتوقع نعيم يسويها ماتوقع والله وهذاني احلف ما اختفى الا لسبب والله
الريم ببكى: اتمنى
بالمجلس
ابو الريم منكسر قلبه وتمنى ان لسانه انقطع قبل يوافق
الجد: والله يامحمد لو بنتك تعصيني ما اعتبرك ولدي
ابونعيم: يايبه تكفى ماتنحل هالامور بالطريقه
الجد: انت اسكت ولا ابي اسمع صوتك يكفي الي سواه ولدك
ابو نعيم: بس الريم مالها ذنب يبه مالها ذنب بالي بيننا وبينهم
الجد: طولة لسانها وقلة ادبها تنفعها وانا قلت لابو سلطان يجي اليوم هو وسلطان
عمران: ياجدب تراك تسرعت ماينفع مب عناد السالفه
الجد: ترا قدرك عالي ومرتفع لاتتدخل بشي مالك دخل فيه
عمران: ولو ياجدي الريم بنت خالي وبالنسبه لي اخت ما ارضى عليها
الجد بعصبيه : يااااعمران خلك بحالك
الكل سكت ..
اما عند نعيم الي على بالهم مختفي بدون سبب وبدون وجه حق
الي اول ماطلع من المزرعه كان سلطان مراقب له واتجه وراه لين عرف وين راح نعيم
ودق على رجاله ووصاهم يخطفون نعيم باي مكان محد يعرف عنه شي ويوصيهم مايطلع لو وش مايصير
والرجاب نفذو بالوعد خطفو نعيم ..
نعيم الي طلع يفكر بحل ويفكر مليون ومليونين مره..
فجاءه جته سياره فيها ٨ اشخاص وتهجمو عليه
حاول فيهم وقاومهم مره ومرتين وثلاث .. لكن الكثره تغلب الشجاعه وغلبو نعيم وفقد الوعي واخذوه عندهم
بمـزرعة جدًا جذًا بعيده عن حدود الشرقيه .. وبين وبين الشرقيه ٩٠ كيلو وكانوا مخدرينه عشان مايفضحهم ..
دخلوه في مكان يشبه المستودع بعيد عن العالم والناس .
واصلا هالحركه مب مستغربه على سلطان المسجون مرتين وله سوابق بالخطف والقضايا لولا تستر ابوه عليه
اما نعيم بعد مافاق
كان مستغرب كل شي حوله واخر شي تذكره خطوبة سلطان للريم وجن جنونه وجلس يضرب فالباب بكل شدته لكن مافي اي مجيب حاول يطلع ماحصل مكان
يقدر يستنجد فيه او يطلع منه
في المزرعه عند اهل نعيم ..
الجد جته مكالمه : ياهلا ابو سلطان اعذرنا على الي حصل وابد حنا على وعدنا اليوم المغرب تجون يشوف البنت ومب حاصل الا الي تبون
ابو سلطان بسخريه: كنت واثق من هالموافقه ولا راح تتركون طفل يتحكم فينا وانتم تدرون وش بيصير فيكم لو الرفض تم
الجد: حنا يابو سلطان مانتهدد ولا جابته امه الي يهددنا
وذا ولدك ناسب البنت بياخذها مانسبها ماراح ياخذها
ابو سلطان: وعندي شرط
الجد: الي هو؟
ابو سلطان: نملك عليهم قبل حتى نرجع الرياض
اليوم الشوفه وبكرا الملكه
الجد انصدم: بيصير الي فيه الخير
وانتشر الخبر على عايلة العالي
والكل منصدم
من يمينها عمتها الجازي تحاول تهديها
اما الريم منهاره وخلاص يأست من كل شي
ام الريم انكسر قلبها على بنتها
وغاليه والبنات الي مابيدهم حيله ومتكتفين بحزن
هزاع وعمران الي يدررون نعيم بكل مكان
وام نعيم وغاليه وعاليه الي يبكون على نعيم الي مختفي .
أنت تقرأ
ياقمر سود اليالي يابدر بين الاهله
Poetryعائلة سيف العالي العائلة المتكاتفه الحنونه الي يحملون الحب لبعض من اعمام وعمات واحفاد واجداد وكلن يختار نصيبه بنفسه بعد مشقات وبعد خيارات بين قلبين يختار الحب المناسب له مابين العز والدلال وحياة الرفاهيه وحياة البساطه مع الجماعه لا احلل نقلها
