ياقمر سود اليالي يابدر بين الاهله

13

-          البنات دخلو المجلس وكانو العاملات
وام الريم والجده والعمه الجازي والجوهره وام نعيم
مجهزين حفلة يوم ميلاد الريم ومخططين مع البنات

الجده تقدمت وحضنت الريم: كل عام وانتي بخير يايمه وبصحه وسلامه يا اغلى من عيوني كل عام وانتي نور وضوء للبيت الله يديمك يابنيتنا
الريم جلست تبكي ومبسوطه وتبوس جدتها: وكل عام وانتي احلى جده بالحيااااااه احبك احبككككككك نور البيت انتي والله
ام الريم حضنت بنتها وجلست تبكي : ٢٣ سنه وانا للحين اشوفك ام شهرين احبك والله يديمك لي مداد العمر
الريم تبكي وتحضن امها: الله يديمك لي يارب ويخليك ويطول في عمرك
العمه الجازي قربت وحضنتها: كل عام وانتي بخير يابنت اخوي الغاليه
البنات حضنوها وشغلو اغاني ورقصو معها
غاليه حضنت الريم: ياقرب لي من قلبي علي كل عام وانتي اختي مو بس بنت خالي احبك
ضي: احبك يا احلى من خال بالدنيا كلها
عاليه حضنت الريم: يا الله صارت فيني البكيه احبك مره وكل عام وانتي اخت وصديقه وكل شي
في : نحبك ريمي الله يديمك لما عمر
العنود وسرى وساره هنوها وعاشو معهم الفرحه
الريم: الله يخليكم لي كلكم والله ماتتخيلون قد ايش احبكم
دخل الجد وابو نعيم وابو الريم
الجد : وين حبيبة جدها وين حبيبة قلبي
الريم قامت حضنت جدها: ياعيون حبيبتك يا احلى جد بدنيتي
الجد: كل عام وانتي بخير وهذي هديه بسيطه
الريم انصدمت مرررره وشهقت: سياررررررره؟؟؟؟؟؟
وحضنته وصارت تبكي بكل شدتها لانها السياره الي تتمناها
الجد: تستاهلون كلكم بناتي
ابو الريم قرب لبنته: كل عام وانتي بخير ياباباا الله يخليك لنا
الريم باست ابوها : ويخليك لي يا احلى اب بالدنيا
ابو نعيم: عقبال مانبارك لك عروس يابنتي
الريم ابتسمت وباست راس عمها: بغيت اقول عقبالك
والكل ضحك
بعد ماعطوها هدايا واحتفلو فيها 
الكل راح لغرفته يجهز اغراضه لان الصباح بيمشون للشرقيه
الريم بغرفتها تشوف الهدايا ومبسوطه
فجاءه طق الباب
قامت تفتح وتشوف هديه عند بابها ( كل عام وانتي بوسط قلبي تعيشين )
الريم استغربت وواخذتها
دخلت غاليه: ماشاءالله اشوف نعيم عند بابك
الريم: يمه يعني هذي منه!
غاليه: اهااااا وتقولين عني اجحد !!!!!
الريم: اجلسي قولي السالفه من الالف بسرررعه
غاليه: اعترفت
الريم ضربتها مع كتفها: ياكلبه !!! مب قايله لك هو يعترف اول
غاليه: الريم غرت غرت بنفجر بموت خلاص
تخيلي هاجر المشؤمه ذي اختارت له عطر
وتهاوشت معه وقلت له كلمه ماتنقال
الريم: وع شفيها لزقه ذي !
غاليه غطت عيونها: تخيلي قلت مب رجل !
الريم شهقت: ياكلبه !!!!!! ماتنقال ذي ياويلي هزاع عصبي وش سوا فيك تكفين
غاليه: وصلنا حدود االعراق من سرعته شوي ونموت
وجلست انزل دموع التماسيح وبالغلط مسكت كتفه من الخوف والله لو درا نعيم وابوي اني لحالي معه ينحرونه ويرجعون لي
الريم : يمه يمه يمه صار كل ذا!
غاليه: ماجتك الزبده بعد يوم مسكت كتفه قلت له احبك
الريم غطت وجهها: يابت ياخفيفه !!!!!
غاليه: والله يالريم شعور الغيره على شخص بقلبك يغث
الريم: تساليني عنها ياحلوك بس
غاليه: المهم بكذب على نعيم خليه يتحرك دام جاب لك هديه
الريم: كفيني شرك ياغلاوي
غاليه: شفتي هزاع يوم يقول (ياغلاي) ؟
الريم: سمعته سمعته بس والله ياهاجر عطته نظره
غاليه: اقول تصدقين مدري شلون بتحملها بكرا الله يعين
طقت العنود الباب: صاحين؟
الريم: حياك الله تعالي تعالي اي جالسين
العنود : يا الله يابنات احس ازعجتكم
غاليه: العنود ليه تبين نطول بالرسميه ادخلي بس
العنود: بنات في شي بقلبي بقوله لكم
غاليه: قولي ياعمري
الريم: ابد نسمعك
العنود: ادري من جيتكم وانا غامضه
الريم بضحك: والله شوي رسميه
العنود: امس صارلي شي وياخي خواتي توهم صغار مقدر اصارحهم بكل شي
الريم: تكفين تكلمي صبيتي عظامي
العنود: امس قبل الغدا تخيلو شصار
غاليه: شصارررررر مت بسرعه
العنود: تخيلو بنات
الرييم : والله تخيلنا
العنود: دخلت  صالة الطعام فجاءه اشوف عمران قدامي وشافني بدون حجاب تخيلو
غاليه: يوه لطيف عمران مره طيب وقلبه قلب طفل اتوقع نساك
الريم: صدق عمران مافيه خباثه على خباثة عمتي الجوهره الا ان ولدها تبارك الله قمة بالاخلاق
العنود: المهم خفت وطلعت بسرعه وقفت على الباب كنت خايفه
ودخل نعيم بعدها قال لعمران بصارحك بشي
اني كل الي اسويه مع العنود مو حب بس ارحمها
اعترف ان هنا انكسرت وضاق صدري بس اصلا من زمان وانا حاسه نعيم مب لي وحاسه برضوا انه يجامل
من ايام بريطانيا ودايم يصدني ماتقرب مني الا بعد الحادث يوم سكنا هنا خلاص بعدها ماعرف شي عنه
الزبده قال عمران : صارحها ولاتجرحها اكثر
وانا باخذها
هنا دخلت وهزئتهم وطلعت يوم سمعت قصيدة عمران على الغدا حسيته يقصدني ومتضايقه مره
الريم: يوه يوه يوه كل ذا بقلبك ؟؟؟ ليه يالعنود ليه؟ ماقلتي لاحد منا ليه؟ لو تعتبرينا فعلًا خواتك لاتخلين شي بخاطرك وترا والله ماقولك هالحكي ارغبك بعمران
لكن عمران رجل رجل رجل
غاليه: والله يالعنود زعلت منك مره مره ليه ماتقولين لنا
وذا على عمران تاكدي لو بتصيرين معه بيحميك من كل ضرر وبتصيرين عيونه فعلًا
العنود: تصدقون اول مره رجل بالحياه يدافع عني
صح صارت لي مواقف مع نعيم يدافع عني وفزع لي
بس كلها بناء على طلبي واني ارمي نفسي
بس حبيت نفسي وتخليت عن كل شخص يجاملني وللحين نعيم اخو وعزيز وهو الي بعد الله ساعدني لكن مستحيل ارجع احبه ويمكن ماكان حب قد ماكان اعجاب
الريم هنا ارتاحت: الله يعوضك بخيرًا منه يارب العالمين
وذا جت عليك يالعنود تستاهلين الي يحبك ويصونك والله انك محترمه وبنت اقول قعدتي هنا اسبوع وشوي ماشفنا منك ومن خواتك الا كل ادب واخلاق
غاليه: وفعلًا دامك مع عمران اطمئني
بحياتي ماشفت مثله طيوب واخلاقه تبارك الله وخدوم
صدقيني مابيقصر معك بشي وفعلًا يوم فهمت سالفتكم
١٠٠٪؜ قصيدته لك يمكن يوم شافك انعجب فيك
والحب يجي مع الوقت
العنود: تتوقعون يجي يوم من الايام احبه؟'
الريم: عطي نفسك فرصه وافتحي صفحه جديده
العنود: ودي اصير هنا لسبب
الريم: انتي هنا وقريبه لقلوبنا وحبيناك
العنود: الريم عادي اصارحك
الريم: سمي
العنود: بتصارحيني؟
الريم: اكيد
العنود: تحبين نعيم صح؟
غاليه بلقافه: اي تحبه وترا من كانت صغيره
العنود: ليتي عرفت من قبل ولا مريت معك بهالموقف
لاني مب طبعي  احد من احد
الريم: مابيننا شي والله يالعنود
العنود: تبون ننزل للحديقه مع البنات؟
غاليه : قدام
الريم: انزلو وبجيكم بس بقى مكياجي بحطه بالشنطه
العنود: يلا اجل
نزلت العنود وغاليه
والريم كانت ترتب
فجاءه انفتح بابها ودخل نعيم
الريم شهقت بخوف : خيرررررررررررررررر!
نعيم قفل الباب: اسكتي لحد يسمعك اسكتتنتتتتتي
الريم سحبت الغطا : خير نعيم ! خير خير
نعيم: الريم بعتذر لك
الريم: مب بهالطريقه مب بهالطريقه
نعيم: انا احبك واكتشفت ان قلبي يميل لك مهما سويت
الريم: نعيم خلاص! اطلعععععع
نعيم يطالع في عيونها: عطيني فرصه وحده بس
الريم: ناسي كلامك؟ حب من اول رف ؟
نعيم: انا اسف وكلمتي مب هينه وبعتذر لك عليها من اليوم لين ترضين
الريم : وانا مابي اعتذار ! ابيك تطلع
نعيم: والله يالريم ما اطلع لين ترضين
الريم: نعيم اطلع انا مخطوبه
نعيم انصدم ووقف على حيله: شلون مخطوبه؟
الريم بابتسامه: ليه ماقالت لك غلو ان سلطان اخو بيان والبنات طالب يدي ؟
نعيم بعصبيه : شلون طالب يدك ومحد عرف !
الريم: ننتظر يشوفني واشوفه ونتكلم
نعيم صبخ الدولاب بيده: ورب البيت لو تفكرين توافقين ان يموت قبل تصيرين له فاهمه ؟
الريم ابتسمت: وان وافقت؟
نعيم شزت عروق يده ووجهه : والله لا اذبحك ! تفهمين!!!!!!
الريم عطته ظهرها وتدخل اغراضها
نعيم سحب يدها: وانا اكلمك ماتعطيني ظهرك!
الريم ببكى: اتركنيييييي طول هالوقت انتظرك وبالنهايه تهاوشني عشان وحده ! تهزئني عشان وحده ! يكفي انك ماسك يدها وجالس معها فالارض ! شاون تبيني اثق فيك!
نعيم: والله ماحبها والله ماحبها صح يمكن قد حملت لها مشاعر بس قسم بالله حصلت مواقف خلتني اكرها
الريم: تكرها تمسك يدها؟!!
نعيم: اقسم بالله وقتها كسرت قلبي لا اكثر ولا اقل
الريم: اطلع عشان ما اكسر قلبك نعيم
نعيم: اسمعيني واخر كلام عندي بتاخذينه اقسم بالله لا اخليك ارمله من اول ثانيه تفهمين!شوفي لي الدرب
شافت له الريم الدرب وطلع