يـوم جديد وصبـاح جديد
الكل جـالس يفـطر
ابـو نعيم دخل: عمران ابوك بالمجلس ينتظرك
عمران : تمام هذاني رايح له
الجوهره: بجي معك
عمران: كملي فطورك بشوف شعنده وبجي
الجوهره شالت هم وسكتت
وعاليه كانت خايفه ابوه ياخذه عنده
طلع عمران للمجلس
ودخل على أبوه وكان أبوه جايب عياله وبنته
عمران: السلام
الكل: وعليكم السلام
ابو عمران: ياهلا بوليدي ياهلا وسهلا
عمران ابتسم: ياهلا والله
ابو عمران : سلموا على اخوكم الكبير
عبير ابتسمت وقربت لعمران: ماتدري وش كثر سمعنا فيك واخيرا شفناك انا عبير اختك عمري ٢٣
عمران ابتسم وحضنها: الحمدلله جاء هاليوم
قرب عمر وحضن عمران: اخيرا شفت اخوي الي اتمنى اشوفه انا عمر عمري ٢٢ بيني وبينك ٣ سنوات
قرب خالد : انا خالد عمري ٢٠ قرة عيونا فيك ياخوي
قرب معاذ: انا معاذ القعده عاد عمري ١٨
قربو لاخوهم وحضنوه
وكان عمران طاير بالسماء من السعاده ومبسوط فيهم
عمران: عبير حبيبتي تعالي معي ادخلي للبنات
عبير ابتسمت: استحي ادخل لحالي
عمران: تستحين مع اخوك؟
عبير بحياء: والله على كثر ما اسمع فيك احس اني اعرفك لي ٢٣ سنه
عمران ابتسم: يابعد قلبي ياخيتي تعالي يلا
مسك يد عبير ودخل عليهم وكانو البنات والجده والعمات جالسين بالمجلس
دخل عمران وماسك يد عبير
عاليه اول ماشافته فزت وقامت
عاليه: مين؟
عمران ابتسم على غيرتها: ياجده ذي اختي عبير بيني وبينها سنتين خليها معك ومع البنات تنبسط وتتعرف على اهلي
الجده ابتسمت: ياهلا وسهلا والله شرفتينا ياحبيبتي والله دامك اخت عمران بتاخذين من غلاته
ابتسمت عبير بحياء وكانت مره حيويه خصوصا اول مره تشوفهم
عاليه ابتسمت وارتاحت: ياهلا والله عاد انتي احلى من عمران الحمدلله
الكل ضحك
ماعدا الجوهره الي انقهرت وراحت لغرفتها
غاليه: تعالي تعالي حياك الله
الريم: يلا عاد تعالي تقهوي معنا حياك الله
عمران ابتسم: انتبهوا لاختي عاد لحد يضايقها
عاليه: ماعلييييك بالحفظ والصوووون
عمران ابتسم: هذا الي خايف منه
الكل ضحك وطلع عمران لابوه واخوانه
عمران: ياحياء الله اخواني
عمر: الله يحيييك ياخوي
عمران: ياليتي كنت اعرفكم من زمان
خالد: يلا مايفوتنا شي ماعليك بنسوي كل شي جميع
معاذ: اخيرا جانا اخو اكبر من عمر ويشخص عليه
الكل ضحك لمعاذ
عمران: ماعليكم بطلع عيونكم
ابو عمران ابتسم ونزلت دمعته: والله اني احلم في هاليوم
عمران قرب لابوه وباس يده وراسه: الله يخليك لنا يارب ولايحرمنا منك وصدقني كل يوم بيمر علينا انا واخواني وعليك حلو ان شاءالله
عمر نزلت دموعه: ماقدرت امسك نفسي اكثرر
عمران حضنه: يابعد روحي انت الله يخليكم لي يارب
والله اني يوم عرفت ان عندي اخوان خفت من اول لقى بيننا ماتوقعته كذا
ابو عمران ابتسم: الله يحفظك انت واخوانك انت السند والعزوه لهم بعد عيني انت الكبير يابوي
عمران ابتسم: الله يحفظك فوق راسنا يارب
ابو عمران: امين يارب
عند البنات
عاليه: والله واضح انك عسل ياعبييير
عبير ابتسمت: ياعمري والله انتم واضح عسل
غاليه: هاه ترا خلاص كل شوي بتجيييين عندنا
عبير : ان شاءالله
الريم: اي وش تخصصك ياعبير
عبير: انا تخرجت لغه عربيه
عاليه : يوه شاون تحملتي
عبير ابتسمت: كنت احبه صراحه
في: ماتدري اني اهرب كل حصه
الكل ضحك عليها
عبير: يلا بنات انا استاذن مسوين حفله ببيتنا لعمران
وبيجون عماتي وبناتهم وخالاتي
عاليه: ياحليلهم بناتهم موجودين
عبير بابتسامه: اي ينتظرون عمران على احر من الجمر
عاد وحده راسمه طموحها مع عمران
الكل ابتسم وصار يطالع عاليه
عاليه الي حست بالغيره: اممممم
دخل عمران: عبير انا بتجهز وبعدها بطلع معكم انتظريني
عبير ابتسمت: ان شاءالله
طلع فوق ودخل ياخذ شور
عاليه دخلت وقفلت الباب وجلست تنتظره
طلع عمران ولابس الروب فز يوم شافها
عمران: شفيك يابنت بسم الله
عاليه غمضت عيونها: ادخل للحمام البس
عمران ابتسم: تمام بلبس وبجيك
دخل عمران للحمام ولبس ثوبه وطلع
عمران: عيوني قلبي شفيك
عاليه: مابي تروح
عمران ابتسم: محتفلين فيني الحين وتقولين لاتروح
عاليه: عمررران
عمران ابتسم: عييييييييييوني
عاليه: تكفى عمران لاتروح
عمران ابتسم: عطيني سبب يابوي انتي
عاليه: مابي احس كذا بس
عمران: طيب شرايك تجين معي
عاليه: تطقطق عمران صح
عمران: والله ماطقطق روحي تجهزي باخذك معي
عاليه: خير عمران تدري مستحيل يصير هالشي
عمران قرب لها وهي لزقت بالجدار خافت
عمران: لاقلت لك كلمه قولي ابشر يلا روحي تجهزي
عاليه ابتسمت بخوف: شكلي غلط جايه معك
عمران: عاااااليه تجهزي ماتفهمين انتي
عاليه : تمام
وكانت عاليه خايفه شلون بتروح معهم وش المناسبه
طلع عمران وراح لجدته وباس راسها
الجده: حيا الله وليدي
عمران: ياعيوني انتي ابطلبك طلب
الجده: سم
عمران: ابيك ياحبيبتي تجين معي
الجده : هو شلون اجي
عمران: ماودي ادخل عليهم لحالي ابيك معي
الجده ابتسمت: من عيوني اجل بقول للريم تجي معي
عمران: لالا عاليه تجي قايل لها تتجهز عشان تجي تمسك يدك وتجلس جنبك تشوف وش تحتاجين
الجده: يلا اجل اطلع خلني اجهز وانزل
عمران: تمام تمام
نزل عمران وكانوا اخوانه حواليه
دخل نعيم وهزاع
نعيم: السلام عليكم
الكل: وعليكم السلام
عمران: تعالو تعالو شوفو اخواني
هزاع ابتسم: افا وحنا خلاص راحت علينا؟
عمران ابتسم: تغار من اخواني ؟
هزاع بابتسامه: حسيت فيها
تعرفو على اخوان عمران وانبسطو مع بعض
عمران: يابوي جدتي بتجي معي
ابو عمران: حياها الله بين اهلها وناسها
عمران ابتسم: الله يحييك خلاص روحو انتم وانا وجدتي نجيكم
طلعوا اهل عمران
في الصاله عند البنات
غاليه: يابنات ماشاءالله شفتو اخت عمران
في: موت حمر صدق جميييييله!
الريم : اي والله تموت
دخل هزاع: وين زوجتي وينهاااا
غاليه ابتسمت: موجوده ياروحي
هزاع: شلون البيبي اليوم
غاليه: نفس كل يوم مافي جديد
هزاع مسكها: يلا تعالي فوق بس اتركي عنك ذولي
ضي: خير اوريييك
هزاع ضحك
نزلت الجده كاشخه
الريم : ماشاءالله وبن هالزين وين
الجده: بروح مع عمران انا وعاليه
هزاع ضحك: ليه ترا اهله
الجده: كل تبن انت طلبني ولا رديته
دخل عمران وكان كاشخ وريحت العطر والبخور ماليه البيت كله
نزلت عاليه بعباتها
الريم بضحك : حتى انتي بتروحين!!!!!
عاليه الي كانت منحرجه ولا تدري ان جدتها بتروح: ليه من بيروح
الجده: هو انا ماقالك عمران
عمران: الا انا قايلها تجي عشان تمسك يدك
عاليه بخوف وربكه: اي هو قال لي
عمران: هاه جاهزين؟
الجده: اي
غاليه تعطي عاليه نظرات: خففي الاحمر الروج
الريم: تموتين ياحماره
عاليه ابتسمت: شفيك ياكلبه تبيني اخليه يروح عند بنات عماته ياكلونه
الريم بابتسامه: غلوي نسينا حركاتك مع هزاع
غاليه ابتسمت: اي بس ذي وضعها غلط
عاليه: انطمي بس شجعي اختك بعدين معي عبير
ضي بضحك: تحسسيني لك سنه تعرفينها
في: ابد ان بغيتي فزعه دقيييي
عاليه ابتسمت: كفووو يلوموني ياخي
عمران عند الباب وسمع كل كلامها وابتسم : عاليه ننام يعني اخلصييييي
عاليه: يلا يلا جيتك
نعيم: ليه بتروح ذي
عاليه: بروح عشان جدتي بتروح وقالت لي تعالي ماتبي لحالها
نعيم : كفو انتبهي لجدتي اجل
عاليه ابتسمت: من عيوني
وطلعت
عاليه كانت لابسه فستان اسود وروج احمر وشعرها ناعم مره ستريت
أنت تقرأ
ياقمر سود اليالي يابدر بين الاهله
Poetryعائلة سيف العالي العائلة المتكاتفه الحنونه الي يحملون الحب لبعض من اعمام وعمات واحفاد واجداد وكلن يختار نصيبه بنفسه بعد مشقات وبعد خيارات بين قلبين يختار الحب المناسب له مابين العز والدلال وحياة الرفاهيه وحياة البساطه مع الجماعه لا احلل نقلها
