ياقمر سود اليالي يابدر بين الاهله

60

عمران دخل البيت وكان الكل نايم
وراح لغرفته جلس يفكر شيسوي مع عاليه
شلون يخليها تسامحه لانه غلط عليها
طلع من غرفته ودخل غرفة عاليه
عاليه: نعم؟
عمران قرب لها وسحب يدها وحضنها: اشتقتلك
عاليه: بعد عني
عمران حضنها وشد عليها عشان ماتبعده
عاليه: بعد عنيييييي
عمران: اهدي وخلك بحضني
عاليه صارت تبكي وحضنته: شلون تصدقها وتختارها
عمران : والله اني عطيتها درس بحياتها ماراح تتكلم عنك
عاليه ضربت صدره وتبكي: ليه تقولي ذيك الكلمه ليه
لييييييه
عمران نزلت دمعته: اسف اسف تكفين لايصير بيننا مشكله عشان اي احد!
عاليه: والي سويته انت؟ والي سويته عشانها
عمران: اسف والله حقك علي بس كلمتك مب رجل لعب براسي ابليس بعد
عمران حضنها
وهي كانت تبكي ودموعها تنزل وهي ساكته
وكان احساسها متطمن ومرتاح ..
عاليه: ما احس بالامان معك
عمران الي انكسر قلبه من كلمتها ومسك يدها
عمران: والله العظيم لا اخليك تنسين كل شي سويته فيك
عاليه كانت تبكي وحاطه راسها على صدره
عمران. شقالو فيك المستشفى وليه رحتي؟
عاليه : نقص اكسجين
عمران: ياجعل روحي تنقص وتزيد فيك !
ياعيوني الثنتين انتي
عاليه : اطلع عمران
عمران شد على حضنها: ماراح اطلع وبقعد عندك طول الليل وبنتفاهم على كل كلمه وبقولك كلام كثير
عاليه: مب متحمله منك ولا شي خلاص ياعمران
عمران ابتسم: مب متحمله شي وقاعده بحضني؟
قامت عاليه : عمران اطلع!
عمران: لا ماراح اطلع ومفتاح بابك معي ماراح اطلع لين اخلص كلام
عاليه: تكلم!!!
عمران: ما اخفيك انها ارسلت صورتها لكن ماحركت فيني شعره وحده انا قلبي معك وبس
عاليه دفته : واضح والدليل انها تمسح على ظهرك
عمران ابتسم: لا والله كانت تبعد حشره وعموما ماسكت لها
عاليه: ليه تبتسم انت؟
عمران: مبسوط اني معك
عاليه: طيب وش الدرس الي عطيتها؟
عمران: مايحتاج اقوله يكفي انها تتذكره
عاليه: بتقول ولا شلون؟
عمران: رحت فضحتها عشان مره ثانيه ماتتجرى تكذب عليك!
عاليه: لهدرجة اهمك! وانت قايل لي كلمه ماتنقال
عمران : ياعاليه انتي قلتي مب رجل وجت ذي قالت انك مدحتي نواف جاء ببالي انك قلتي مب رجل عشان كذا
وانعميت
عاليه ودموعها تنزل: بس انت تعرفني وتعرف تربيتي!
عمران: وانتي تعرفيني وتعرفين تربيتي ليه تتنرفزين مني وتقولين مب رجل! وانا مابيني وبينها شي ولاعطيتها وجه حتى كلمة مب رجل مابي اسمعها
وصدقيني لو اسمعها عشان اي سبب من الاسباب
ماراح يكون بيننا اي شي قدام!
عاليه: ممكن تطلع؟'
عمران بعصبيه: مب طالع يابنت الناس اسمعي الكلام عاد!
عاليه: والحين عشان مابي ارضى عصبت؟
عمران: ماعصبت بس انا بررت لك!
عاليه: وذا بررت؟ وش المطلوب! كلمتك كايده!
عمران: انتي قلتي لي كلمه ورديت لك كلمه خلصنا!
عاليه: طفل انت!
عمران: اي طفل
عاليه: ماراح ارضى الا بشروطي اذا بتسويها
عمران ابتسم: الي هي؟
عاليه: ماتروح لهم ابد
عمران رفع حاجبه: تستهبلين!
عاليه: اي استهبل ! تبي تروح مابييييك!
عمران: شلون اشوف جدتي وجدي !
عاليه: تروح ظهر مايكونون موجودين !
عمران: تم
عاليه: اشوف جوالك
عمران فتحه وعطاها
شافت محادثتهم وعجبها رد عمران على جوري وتزبيده
عمران: شتبين
عاليه عطتها بلوك
عاليه: والله ياعمران والله هذاني احلف لو تفتح بلوك
ان ينتهي كل شي بيننا
عمران ابتسم: ابشري
عاليه: بعدين ذي كم فلتر حاطه وقحه
عمران: تصافينا خلاص؟
عاليه ابتسمت: مهما صار بيننا الكلمه ذيك ماتقولها!
عمران: من عيوني وانتي ماتقولين ذيك الكلمه!
عاليه: تمام
عمران باسها: انا بطلع
عاليه انحرجت مره: تمام

الصباح
غاليه تعبانه من الحمل وكانت طول وقتها مصدعه
وكان هزاع بكل شي يساعدها
غاليه: هزاع
هزاع: عيوني
غاليه: وش تتمنى ولد ولا وبنت
هزاع: الي من الله بخير وصحه اتمناه
غاليه ابتسمت : يارب بس ابي ولد
هزاع ابتسم: ولييييه ولد يعني
غاليه: مدري اتمنى كذا
دخل نعيم : انا بروح افطر تقول جدتي ينزلون
هزاع: يلا ابنزل
بعد مانزل الكل للفطور
الجده: وين عمران كل هذا نوم
الجازي: لا يمه طلع لدوامه بدري
الجده: هو غريبه مب عادته
الجازي: يقول عنده مهمه اليوم بالدوام
الجده تضايقت: الله يستر عليه ويحفظه يارب
عاليه تضايقت: يلا يمه انا بطلع اختبر وراجعه
غاليه: ركزييي
نعيم : عاد غبيه ذي
عاليه: خير انت وياها ماما شوفيههممم
ام نعيم: بس انت وياها بالتوفيق حبيبتي
ابو نعيم : شدي حيلك يابوي عشان الجامعه
عاليه ابتسمت: من عيوني
طلعت عاليه وكان عمران شاغل بالها
ارسلت له: كنت اتمنى اني شفتك باول فاينل لي
عمران بدوام خلص من المهمه ورجع للمقر
فتح جواله قرا رسالتها
عمران ارسل لها: قولي للسواق انك بترجعين مع صديقتك
عاليه ابتسمت: خير لا
عمران: تكفين
عاليه: مستحييييل اشوفك ببيت جدتي
عمران: ان شاءالله شدي حيلك عشان تتخرجين ونتزوج
عاليه ابتسمت: ان شاءالله