ياقمر سود اليالي يابدر بين الاهله

37

- صـالة المطـار - الصالة التنفيذية
-هزاع- غاليه- الريم- نعيم-عاليه-عمران-ضي-في
ام الريم وام نعيم والجده والجد والعمات الجازي والجوهره -
هزاع: مشتاق لباااااريس
نعيم : انا مشتاق للغربه كلها شكلي بكمل دراستي
ام نعيم: لا والله مستحييييل انا ماصدقت تجيني
عاليه: العنود اشوفهم مصورين ببريطانيا بمستشفى
الريم: اي ياعمري الله يشفي عمهم ويخليه لهم
نعيم: امين
غاليه: فقدناهم مررره
عاليه: مره فقدت سرى وساره
عمران قام
الجده: وين ياعمران
عمران: شويات وجاي بكلم
الجد ضحك وغمز له: من تكلم
عمران كان متضايق من كلام امه: صديقي خالد
وراح يكلم
الجد: الله يهديك يالجوهره وياقو قلبك شوفي الولد شلون ضايقتيه
الجوهره: يايبه انا وش ذنبي ؟انا الي قلت لابوه رح واتركنا؟
الجده: لا انتي الي تضايقينه كل ماجا طاري ابوه
الجوهره: لاني انا ربيته ! وولدي لحالي !
نعيم حب يغير الجو: ماعليكم من عمران بنسيه بهالسفره كل نكد وضيق قولو لي وش تشربون قهوه
الجد : نسكافيه
الكل ضحك على الجد
الجد: خير انت وياها قايل نكته
هزاع ابتسم: لا بس حلوه منك ياجدي نسكافيه
الجد : قم قم جب لنا بس مع نعيم
هزاع: ابشر
راحو يجيبون مشروبات
نعيم: انت اطلب لهم وانا بطلب لجدي ولجدتي والريم وامي
هزاع: تمام
نعيم طلب وطلب للريم نفس مشروبه
وراحو يجلسون
نعيم ارسل للريم: ادري ماتشربين حار بس ابيك تحبين الاشياء الي احبها
الريم ابتسمت: مع اني ما احب الحار بس هذا حبيته
نعيم ابتسم: لانه ذوقي بالعافيه عليك
الريم: يعافيك
نعيم: تدرين بتجلسين بجنبي بالطياره؟
الريم: خير نعيم ماتشوف نظرات امي علي
نعيم: بعد مايجلسون كلهم بغيرانا وغاليه لان هي تبي عند هزاع وانا بعنايه حجزت كذا
الريم ابتسمت: فشيله احس
نعيم: تبين اقعد كل هالوقت بعيد عنك؟
الريم ابتسمت: ماتقدر؟
نعيم: ما اقدر ومستحيل حتى
الجد: ليت عيالي جايين معنا بس
نعيم: ماعليك لارجعنا وقتهم يسافرون ابوي وابو الريم
دخل وقعد عمران وكان ملتزم الصمت ومب عادته
الجده: يابوي عمران جب لك قهوه
عمران ابتسم: ابشري ياجده شوي واجيب
عاليه مدت قهوتها له : امسك ما ابي قهوه انا ما اشربها
عمران: لا اجيب لي بعد شوي
عاليه: تجيب لك وذي موجوده؟ انا توني اكلت مقدر اشرب قهوه
عمران : تمام
الجد: الحين كم يبيلنا ننتظر ونروح للطياره
نعيم: ساعه ونص باذن الله ياجدي
الجد: على خير ان شاءالله
غاليه: الريم تبين نقوم نشتري اشياء من المطار
الريم: يلااا
راحت الريم وغاليه يشترون عطر وخرابيط
عمران: انا بطلع شوي ربع ساعه وعندكم
طلع عمران ولحقته عاليه
وكان طالع يدخن
عاليه: وش الشعور الي يجيك وانت تدخن؟
عمران فز: شجابك انتي !
عاليه: الي جابك
عمران: تدخنين ؟
عاليه: لا طبعًا بس كذا جيت وراك
عمران: ارجعي مالي خلق محارشك والله
عاليه: ليه؟
عمران: بس مالي خلق شي
عاليه: ليه؟
عمران: ماتفهمين؟ اقولك مالي خلق !
عاليه: عمران ليه تتعامل معي كذا جايه اشوف شفيك
عمران: لاتشوفين وش فيني خلاص
عاليه: الا ولد عمتي بشوف شفيك
عمران: عاليه ! مب من النوع الي اتكلم وافضفض خلاص بابا روحي يلا
عاليه: تمام ارسل لفي عشان تجي تفضفض لها؟
عمران: الرابط العجيب وش دخلها في
عاليه: ناسي بالاسطبل كيف تعاملها شكلها تعز عليك
عمران: اكيد تعز علي بنت خالتي تراها
عاليه: لا شكلها معزه ثانيه
عمران: بنت اضبطي هرجك ولاتخربطين بالكلام عشان ما اصفقك على وجهك
عاليه: اعترف عادي
عمران: مجنونه انتي ؟ بنت خالتي وامون عليها وش المشكله؟
عاليه : وتحبها بعد
عمران: اكيد احبها!
عاليه: شفت قايله من اول
عمران: احبها نفس ماحبك عادي يعني
عاليه : لا تحبها اكثر
عمران: اي اكثر منك ملسونه انتي محد يطيقك
عاليه: محد يطيقني ؟
عمران: اي ملسونه تلوعين الكبد ولسانك طويل وخبيثه
عاليه: انا ؟
عمران : تسوين بريئه يعني ؟
عاليه : وش شايف مني عشان اصير خبيثه؟
عمران: مستفزه
عاليه: الشرهه علي الي جايه اشوف شفيك
قامت عاليه على السرعه وصبخت بصدر شخص
ومسكها
: سوري ماشفتك!
عاليه ابتسمت: اسفه انا قمت واستعجلت
: اسف والله رحلتي على باريس وكنت مستعجل اقص واجلس بالانتظار
عاليه: اي معااانا
: انتي رحلتك باريس؟
عاليه: اي
عمران قام يوم شافها وقرب لها
عمران: عسى ماشر فيه شي؟
: لا
عمران: تمام يلا توكل
سحب عاليه مع يدها : شرايك تقولين له قصة حياتك بعد
عاليه: عادي سالني
عمران: وانتي اي احد يجيك تعطينه وجه مشفوحه انتي
عاليه : اترك يدي يالنفسيه يالمريض يلا ضف وجهك
لاتحسب اني عطيتك وجه شوي تجي تتحكم فيني !
تخسى وتعقب مشفوحه ويلا انقلع
راحت عاليه وجلست مع البنات
وعمران دخل وكان متوعد في طولة لسانها ومتنرفز منها
نعيم: عمران يكفي ترا يجيك شي
عمران: وشو؟'
نعيم غمز له: الي طالع عشانه
عمران ابتسم: صايدني يعني
الجد: الله يهديه هذي الصفه السيئه فيك ياعمران
عمران: الله يهديني يارب
الجوهره: يمه عمران مب جوعان؟
عمران مهما كان مستحيل يزعل على احد
عمران ابتسم:لا
هزاع: وين راحو ذولي طولو
نعيم: بروح اشوف وينهم
راح نعيم جاب غاليه والريم ورجع
هزاع: يلا هذي طيارتنا بيجون ياخذون شناطنا الحين ويجيبون لنا السيارات عشان يوصلوننا للطياره
بعد ماركبو السيارات متجهين للطياره
نزلو وركبوا اغراضهم
ضي-في
نعيم-الريم
هزاع-غاليه
عمران-الجد
الجده-عاليه
ام الريم-ام نعيم
الجوهره-الجازي
نعيم : اقراي دعاء السفر
الريم: ان شاءالله
هزاع مسك يد غاليه: هذي اول سفره ويدي بيدك
غاليه: مب اخر سفره ان شاءالله
هزاع: ان شاءالله ياحبيبتي انتي

وطارت الطـيارة