ياقمر سود اليالي يابدر بين الاهله

54

قايز وش هالتفاعل🥲 ضايقتوني صراحه
اشتقت لكم واشتقت لتفاعلكم
باللـيل بعد ماسوو عشاء لرجعـة عمران
والكل دخل غرفته ينام
بجناح غاليه وهزاع
غاليه: ياالله هزاع تعبانه مره تتقلب كبدي كثير
هزاع ابتسم: لايكون الي ببالي ؟
غاليه: لا ما اتوقع مافكيت انا
هزاع: تبين نشوف ؟
غاليه ابتسمت: خلها الصباح
هزاع: مافيني صبررو
غاليه: الحين بنام ومالي خلق والله احلل واشوف
هزاع حضنها: تمام حبيبي
غاليه: والله الحمدلله رجع عمران
هزاع: منجد الحمدلله رجعت الحياه للبيت
غاليه: صراحه رحمت عمتي اول مره ارحمها
هزاع: الي سوته محد يسويه تستاهل صراحه
غاليه: مسكين عمران كل ماقال زانت طلع له شي
هزاع: مسكين مره
اما عند نعيم والريم
نعيم حاضن الريم ويسولف عليها
الريم: نعيم
نعيم:عيوني
الريم: تكفى كلم عمران يحاكي امه مب معقوله هي محترقه وتعبانه ٩ شهور ويكلمها ببرود
نعيم: الي حسه عمران مب طبيعي ترا تخيلي ابوك ماتشوفينه ٢٥ مب شي سهل ابد
الريم: بس ام هذي
نعيم: الي نفس امه مب ام ولو امي سوت فيني نفس كذا والله ما اسامحها طول عمري
الريم: انتبه تقوله كذا
نعيم ابتسم: مستحيييل
الريم: يلا خل ننام ميته نوم
بعد مالكل نام
وعمران وجدته بالحديقه جالسين
الجده: عمران شلون شركة جدك بتتركها؟
عمران: لا ياجده بساعدهم فيها ان شاءالله
الجده ابتسمت : الحمدلله ياولدي
عمران: شغلي مريح ياجده ارتاحي
الجده : شلون قدرت تبعد عنا كل هالوقت
عمران: بكرا بسولف عليكم كل الي حصل لي اليوم تعبان ياجده لكن لاتتوقعين ان هالوقت مر علي بالساهل
لا والله ماجت بالساهل
الجده باسته: قم ودني لغرفتي يلا بس
قام عمران مسك يد جدته ووصلها غرفتها وطلع وشاف غرفة عاليه
وراح بيفتح الباب شافه مقفول ولا يقدر يطق عليها
طلع جواله ودق عليها مقفله جوالها
وراح لغرفته وهو متضايق عليها وعرف انها شايله عايه
الصـباح
الكل جالس يفطر
نـزل عمران وعلية البـدله العسكريه وكان الكل مبسوط ومبتسم برجعة عمران
الجده ابتسمت: والله مازانت الا عليك
عمران باس راسها
نعيم: والله ياهي صح عليك
هزاع: اي والله
ابو الريم: حي ضابطنا
ابو نعيم : ماشاءالله تبارك الله
عمران ابتسم : الله يسلمكم
ضي: الحين دايم تداوم فيها؟
عمران :لا عادي مرات بالبجامه
الكل ضحك
عاليه الي انكسرت بعد ماشافته وكان مبسوط مره كانه ماحس فيها ابد قامت وراحت لمدرستها
خاف يلحقها والكل يحس لان الانظار كانت عاليه
وتضايق عمران
نعيم: الحين شلون بروح للشركه بدونك
عمران ابتسم: من قال ماراح اساعدكم ؟
هزاع: لاتخلينا ترانا ولا شي بدونك
عمران: فيكم الخير والبركه ومستحيل اترك اخواني بنص طريقهم
ابو نعيم: هذا عمران الي نعرفه
قام عمران وباس راس امه وطلع
وكان الكل مستغرب وكانت امه طايره من الفرح
طلع لعمران واتجه للدوام كان كل تفكيره بعاليه
وكان متضايق عليها
فالمـدرسه
نوف: بنت شفيك؟ ترا اخر السنه ركزي باختباراتك
عاليه بضيقه: مب طايقه شي والله
دخلت الاستاذه : ماشاءالله شرفتينا يابنت العالي
عاليه كانت ساكته لانها مب طايقه احد
الاستاذه: مستواك ليه متدني ؟ ليه؟ قلتي جدي توفى قلنا تمام لكن ترا ان ماعديتي الفاينل بتسسقطين
عاليه: تمام ان شاءالله
الاستاذه: ان شاءالله ولا نشوف شي
عاليه قامت وطلعت وراحت لدورة المياه وجلست تبكي
وكانت ماتبي احد يكلمها لان دموعها تنهار وتنزل اول ما احد يهاوشها ويكلمها وكانت متضايقه مره خصوصا ان عمران جاء ولا عبرها حتى
طقت نوف عليها: عاليه افتحي
عاليه فتحت
نوف : شفيك؟؟؟؟ شفييييك؟
عاليه حضنت نوف وجلست تبكي وتطلع كل الي بقلبها
نوف : بنت شفيك تكلميييييي
عاليه: عمران يانوف رجع
نوف ابتسمت: وليه تبكين؟ لييييه؟ بدال ماتكونين مبسوطه؟
عاليه: مبسوطه يانوف؟ في احد يحب يترك ٩ شهور بدون حس ولا خبر في احد يترك احد يحبه كل هالمده
طيب في احد يرجع بعد ٩ شهور ولا حتى يسلم عليك
نوف: قلت لك واضح عمران قلبه مب لك وبس من اول قايله لك بس مافهمتي
عاليه اقرب فكره صارت لها ان فعلًا في غيرها عشان كذا ماعبرها
نوف: صدقيني كان ماخذك لعب لو ناوي فيك خير كلم اهلك اصلا
عاليه: كنت اكذب كلامك دايم واحساسي لكن هذا الصدق
واصدق صدق قدامي
نوف: مايستاهل دمعه وحده منك شوفي شكلك عاليه
عاليه: شفيني
نوف سحبتها قدام المرايه: شوفي شلون خدودك راحت شوفي شلون نحفتي ؟ شوفي شلون عيونك شوفي وجهك شلون نحف كل هذا من عمران وفقده لعلمك الي يحبك يسعدك ويخليك احلى من قبل مب كذا
عاليه تركتها وغسلت وجهها وراحت للفصل
وكانت داخله هواجيس وفكرت انها تشد حيلها
وتشوف طريقها نفس ما عمران شاف طريقه وسوا الشي الي يحبه وتركها
الظـهر
دخلت عاليه بعد المدرسه
الجده: وين وين يابنت
عاليه ابتسمت: بروح غرفتي
الجده: خلاص خلاص الغرفه
عاليه: تعبانه ياجده
الجده: كلهم جايين من دوامات وجالسين يتغدون
عاليه: منسده نفسي
الجده: يابنتي انتي نحفتي خلاص اقعدي قولي
ضي قامت وسحبتها: اقعدي مافييييييه !
هزاع: غاليه ابوي يلا
غاليه: يلا
ابو نعيم : وين وين
هزاع : بنروح مشوار وجاييين
ابو نعيم: زين
الجده: اجل متى يخلص دوام عمران
الجازي: المغرب يخلص ويجي
الجده: الله ييوفقه يارب
الريم: امين يارب
بعد ماخلصو غدا والكل راح لغرفته يرتاح
المغـرب جالسين فالحـديقه
دخل عمران وكان تعبان من بعد الدوام مره
وسلم على الكل ماعدا عاليه الي ماشافها ابد
عمران: بروح اخذ شور واجيكم
الجده: يلا نعيمًا
عمران راح لغرفة عاليه ودخل حصلها نايمه
قفل بابها وجلس بالسرير يتاملها
وفزت عاليه : نعم؟
عمران ابتسم: واخيرا حصلتك؟
عاليه قامت من فراشها بعصبيه: اطلع من غرفتي
عمران استغرب منها: هدي هدي بكلمك
عاليه: قلت لك طس من غرفتي اطلع!!!!!
عمران: عاليه شفيك؟ بكلمك طيب وبعدها بطلع
عاليه : بتطلع ولا اصرخ واخليهم كلهم يجون شلون تدخل غرفتي انت نعممممممم!!!!!!!!!
عمران ابتسم: ناسيه اني عمران؟
عاليه بعصبيه: اي ناسيه وناسيه من تكون ويلا طس من غرفتي
عمران: تكلمي بادب جاي اتكلم معك بهدوء !
عاليه بصراخ: اطلعععععععععع
عمران بعد ماشافها معصبه قام وطلع
وعاليه قفلت بابها وانهارت بكى وكانت كارهه وجوده
وصارت ماتأمن حبه بقلبها بعد كلام نوف وبعد صده وغيابه عنها هالشهور كلها والي عاشته بغيابها مب سهل
عمران دخل غرفته وكان يحس جبل فوق صدره ومتضايق مره مره ويحس من حقها تسوي كل ذا
وكان ندمان انه ماقال لها وين بيروح !