ياقمر سود اليالي يابدر بين الاهله

55

وش غيرك يامنوة الروح واطغاك؟
على حبيب ما تخير بدالك

دنياي ما تصلح بلا شمس دنياك
والليل يوحش لو تغيب هلالك

ماينقطع ظما الهوى الا على ماك
ولا يهون حره الا ظلالك

ولا تشوف العين زين بلياك
ولا يطرب سمعي الا مجالك

ولا انتفض قلبي من الحب لولاك
ولولاك مايبدي علي مابدالك

الصباح الكل جالس يفطر
نزلت غاليه مبتسمه هي وهزاع
الجده: عسا خير وش فيكم واقفين
هزاع: بس ابشركم غاليه الحمدلله حامل
ام نعيم ابتسمت وفزت لبنتها وحضنتها: مبروك مبروك يمه مبروك بنيتي ومبروح هزاع وليدي
قامت عاليه وحضنت اختها: اخيرا بصير خاله
الجده: تبارك الله الله يتمم عليكم يارررب
غاليه ابتسمت: الله يبارك فيكم
هزاع: الله يبارك فيكم
ابو نعيم قام وحضن بنته: انتبهي لك يابنيتي وانتبه لها ياهزاع
الجازي ابتسمت: اخيرااا بصير جده؟؟؟
ضي : يارب توام على عماته
في ابتسمت: يارررررب
هزاع: توام امين عماته استغفرالله
في ضربت كتفه: خيرروور
الكل ضحك
نعيم: مبروككك ياحبيبييي ياهزاع يابو نعيم
هزاع ابتسم: على كيفك ان صار ولد سيف وان صار بنت نعيمه
الجده ابتسمت وحضنتهم: الله يخليكم لي يارب ولايحرمني منكم
نزل عمران : شفيكم
ضي: بصير عمه تخيللل
عمران : ماااااااشاءالله تبارك الله
الله يتمم لكم على خير ياغاليه وهزاااع
لكن اهم شي مايشبه ابوه
هزاع ضحك: اوريك ياكلب
الجده: يلا اجلسوا نفطر
الكل بارك لهم وجلسو
الجده: عمران
عمران : ياقلب عمران
الجده: الحين جاء وقت تفهمنا شلون رحت للعسكريه
عمران ابتسم: اول ماتوفى جدي الله يرحمه كان تقديم عسكريه وقدمت وانقبلت وبعد ماعرفت ابوي جاني قبول
وعلى طول رحت والعسكريه مقدر اطلع منها ابدًا
بس كنتم شاغلين تفكيري بس كنت مكسور من امي
الجده باست يده: لاعمرك تعيدها وتروح حنا أهلك ياوليدي مالك غيرنا ولا لنا غيرك لازم تعطينا خبر
عمران : ابشري
عاليه قامت
الجده: ياعاليه وين
عاليه: بطلع لصديقتي بنتظرها بتمرني مع سواقهم
الجده: الله يستر عليك انتبهيلك
عاليه: سمي
طلعت عاليه
عمران: انا جدتي بطلع بروح للشركه دام ماعندي دوام بشوف وش الجديد
الجده: يلا ابوي الله يستر عليك
عمران طلع وشاف عاليه بالحديقه
سحبها مع يدها
عاليه: اتركني
عمران: صارخي بعد صارخي
عاليه: نعممممم
عمران بصوت مرتفع: اركبي سيارتي بسرعه
عاليه : اتركنييييييي
عمران ركب وقفل باب سيارته
عاليه: وين ماخذني !!!
عمران: دقي على صديقتك
عاليه: لا والله ماراح ادق خلها تجي للبيت وتسال عني وتصيرلك مشكله
عمران سحب جوالها وشاف اخر مكالمه ودق
نوف: هلا ياحماره جيتك
عمران بصوت مرتفع: لاتجين عاليه معي
وذا دروا اهلي انها معي لاتلومين الا نفسك
وقفل الجوال ورماه بحضن عاليه
عمران: ماودك تسمعيني صح؟
عاليه تبكي: ولا راح اسمعك مابي اسمعك
عمران : لمتى ياعاليه؟ لمتى؟ مشتاق لك مشتاق لصوتك لريحتك لسوالفك لمزحك لمحارشك لمتى ماتبين تسمعيني !
عاليه: والله انك اخذت كل الامان الي احسه معك وكل الي بقلبي من حب لك
عمران: لهدرجه سهل عندك ولهدرجه حبي رخيص ينمحي بهالسرعه؟
عاليه تبكي: اي صح ٩ شهور وانا يوميا ابكي وولا اعرف وينك ٩ شهور ابكي لحالي بغرفتييييي كل هالوقت لحالي لحااااالي انا صرت اجلس فالبيت ما اطلع اخاف تجيني وانا طالعه اخاف تدخل علي وانا نايمه ماكنت اناااااام كنت انتظرك انتظر تجيييييني كنت تقول عمران مايتركني كل هالووقت انت كسرتني كسرت قلبي كسرت كل احساس فيني لك وكل حب لك
عمران مسك يدها: تكفيييين اهدي خليني افهمك تكفين
عاليه ببكى : بعد عمران بعد انت كسرتني انت جرحتني
كرهت الحب كله وش بيضرك لو انك قايل لي بروح عسكريه؟ وش بيضرك صدق ؟ انت حسيت باحساسي ٢٥ سنه تدور شي ماتلقاه ليه تخليني احس هالاحساس ولا عشانك حسيته بتحسس كل احد قريب منك
عمران انكسر من كلامها: عساك ماتجربين الي جربته ياعاليه بس افهميني كنت مجبور ادخلها لاني ابيها ولا ودي امي تعرف وادري بتكسر قلبك ويمكن تقولين
ويمكن ابوك واخوك يشكون فيك ما ابيك تعانين معهم ولا ابي احد يشك فيك
عاليه جلست تبكي وسكتت
عمران مسك يدها : عادي نهدا ؟ وافهمك كل شي؟
عاليه: وش تفهمني ؟ غيابك الي سببه انانيتك؟
عمران ابتسم: مقبوله منك اني اناني ماتركتك والله ماتركتك بس والله العظيم ياعاليه كنت خايف احد يدري وتفضحين نفسك اعرفك ماتهون عليك دموع امي وجدتي
عاليه: صدق هنت عليك؟
عمران : والله ماتهونين وتهون نفسي ولا تهونين في قلبي
ياعاليه انا الي صار لي يهد جبال وكنت مابي احد يدري ويني خصوصا امي وخايف تدري وابي احسسها بالي حسستني
كانت عاليه ساكته
عمران: اشتقتلك اكثر وحده تدرين
عاليه: واضح
عمران ابتسم : والله اني اشتقتلك وفقدتك جعلي ما افقدك
عاليه: كسرتني عمران
عمران: كسر يكسر يدي اذا كسرتك مره ثانيه
عاليه: لو انك مب عسكريه وكنت قادر تكلمني واختفيت بسبب ثاني صدقني مستحيل اسامحك طول حياتي
عمران باس راسها: تخرجي انتي بس وصدقيني ماراح اخليك ولا دقيقه حتى
عاليه: ماظنتي اتخرج مستواي نازل وكل استاذه تحذرني شوي
عمران: افاااااا افااااا وعد لا اخلية ترجعين احسن من قبل
عاليه صدت لان للحين تحس انها مكسوره منه
عمران: من صديقتك هذي
عاليه: نوف
عمران: والكوبه ذي صديقتك من زمان ما احبها
عاليه: عاد هي ميته عليك
عمران: افا ماتغارين علي
عاليه: لا
عمران ابتسم : مب مشكله طيب اشتقتي لي ؟
عاليه : اي
عمران: تدرين ماراح اروح واتركك لو وش يصير؟
عاليه : للاسف ما اثق في كلامك قلت بي بروح فتره وارجع وصار لك سنه ماجيت
عمران: والله العظيم ياعاليه جتني ايام ادخل ابكي من الشوق واطلع للشباب والله اني عانيت من كل شي بحياتي
واشوفك انتي الرزق واحسن شي صارلي بحياتي
تكفين سامحيني تكفيييين
عاليه : عشت ايام شينه كنت اقوم من النوم واجلس بسريري ٧ ساعات بدون ما اتحرك ولا اقوم حتى
كنت احس بمشاعر غريبه
عمران نزلت دمعته: سامحيني ماتمنيت اسوي فيك كذا
والله اني مكسور يوم اروح مكسور ومنجرح تخيلي ان مصدر الامان لك يكون كذاب وكاذب عليك كذبه كبيره
عاليه مسحت دموعه: لاتبكي تكفى خلاص
عمران ابتسم: ابشري فهمتيني صح ؟
عاليه: اي
عمران : عذرتيني
عاليه: مدري ..