المهيار '' غوَائِلُ هَالِكة ''

- البداية -

# المهيار

بسم الله نبدأ ..

‏ًڪلّ شَخصٍ لدَيه قصة حُزن بدآخله !
شخصٍ عانَى منْ أشخاص أحبّهُم أو مازآل يُعآني !
و شخصٍ تعب من التّضحية .دونَ نتآئج !
و شخصٍ يبكي ڪلّ يومٍ على أشخاصٍ رحلۇآ منَ الدنيآ !
وشخصٍ يُعآني من الغُربة حتّى وهو بينِ أهلهِ وعشيرته
و أشخاصٍ يقرؤۇن هذآ الگلآم ليجدۇآ أنفسهم . في بعض السُّطُۇرِ
هيَ الدُّنيآ .. ولهذآ سُمّيت دُنيآ ..فقطْ خُذْ نفساً عَميقاً .. وقُلْ "الحَمْدُ لله
فَـ آلقآدم أفضلْ بإذْنِ الله🤍.

أستمتعواا....
__________________________

صافنه وافكر بشغله براسي صارلها مدة واتذكر اشياء واحاول اربط الاحداث وما اوصل الشي وارجع النقطة البداية طلعتني من سهوتي عمتي وهيه تحاجيني ...
- يمه زاهرة كومي الباب يندك صارله ساعه متسمعين
- كايمة مهاوي
- مهاوي يمه مو يتربيتي

ركضت للباب تفلش على راسنه وما وكف دك
- شنيه دصبروا
حجه صوت مره من ورا الباب
- بنيتي جا صارلنه ساعه

فتحته واشوف مره مهندمة واكفه وربطتها ايرانيه تخبل والوجه ضاوي حجيت

- تفضلي خاله
- ولج بنت مهاوي انتِ

- ايي بنتها

- يمه تعاي احبنج آروح فدوا لهل وجه
- مشكوره خاله بس منو

جان تجي عمتي وتصفن بوجه المره وتدمع ركضتلها المره وحضنتها وثنينهن يبجن اني ضليت مفهيه وصافنه عليهن ..

دخلنه جوه واشوفلج عمتي العيون تلمع وتباع بالهفه للمره
حجت وياي عمتي
- سلمي على خالتج زاهرة
ضليت فاتحه حلكي شنو خالتي منيلي خاله الاعرفه عندي بس عمام وهمه نفسهم اعتبرهم خوالي هم
- شنو يمه

حجت المره
- اخت امج مهاوي زاهرة حقج متعرفيني بس الوكت اغبر طشرنه يخاله وما لحكتي تعرفيني

مها - يمه هاي اخيتي وصاحبتي وسري
ضليت ساكته كمت بوستها وصبيت عصير عنب الهم وكعدت على صفحه اشوفهم يحجون باللهفه واشتياق
حتى عمتي نستني وكمت اغار

- يمه راح آروح انام
- جا والعشه بنيتي
- شبعانه وبقيلي عود
ضلت تباوع عليه وسكتت .

رحت لغرفتي وكعدت وصفنت شديصير شنو اخت جديده طلعت مادري منين ؟

اكو فد شي ناقص بحياتي بس ماعرف شنوه
صح عمتي ربتني وكبرتني من واني صغيره حتى مــا اتذكر امي ولا ابويه هيه تكفلت بيه من انفصالهم وكل واحد راح الطريقة غير هل شي ماعرف عمتي جانت ماتحجيلي ولا تفتح موضوع يمي بس اعتبرها امي لان مــا اتخلت عني ولا خلتني احتاج شي ،

كعدنه ببيتها من ورث جدي بالبصره صح احنه اصلنه بغداد بس ساكنين محافظة البصره الحلوه .