المهيار '' غوَائِلُ هَالِكة ''

- التهلكة 15 -

#المهيار "غوائل هالكة "

-

‏"ضائع بيني و بيني
‏جُزء مني يُريد شيئًا و الآخر يُحاربه
‏كيف أنجو من حربٍ طرفيها أنا؟"

-

^^^^^^^^^^^^^

زاهرة

نزلت خايفه اواجهم بخيبتي وغلطي وندمي كلشي بيه مخربط ومحد يكدر يصلحه ويرتبه غير عمتي اخخ يا عمتي وينج يا ديره لمتج ويـن ضايعه وعايفتني اواجه هذا كله وحدي ...فتح الباب مهمين جانت الدنيا بعدها صبح ماعرف شوكت مر وقت ولا انتبهت على ساعه ومالي خلك اال إي شي ....

دار وجهه عليه وحجه بهدوء يخفي ارتباكه عبالك هوه مسوي الجريمه مو انـي ...

مهمين - بس تدخلين سلمي عليهم ولاتكولين انتِ يم عمتج جنتي مو المصلحتج صدكيني انـي اكلهم لكيتها ببيتهم بالبصره لان ماكايللهم دورت بي ...

هزيتله راسي موافقه على كلامه واتجاهلت فضولي ليـش مــا اكول جنت يم عمتي شكو قابل هيه بلاخير عمتي !

دخلت ويا باوعت على سياراتهم والحديقه حسيت روحيي ردتلي واني اشوف بيت جده رغم قبل ﻼ اطلع جنت اشوفه رعب مو امان ....

جانت شيماء بالمطبخ شفتها من شباك المطبخ مبينه تغسل اماعين مــا انتبهت علينه ... دخل مهمين وسمعتها ترحب بي وتهلي وفرحانه ... دخلت للمطبخ باوعت عليها ... صارت تدك على صدره وتكول ...

شيماء - يمه زاهره اجتي يمه يااا عود صدك انتِ زاهره

اجيت يمها وسلمت عليها هيه مــا انطتني مجال وحضنتني حيل وتحجي صوتها تغير ...

شيماء - لج خوفتينا شصار بينه وراج نعادت الايام السوده علينا ...

ضليت ساكته رفعت راسي شفت مهمين يباوع عليه وعيونه بيها لمعه وبعده واكف يشوف المقتل مالتي ...

على صوتنا اجو ڪلهم بالمطبخ ... اول مــا اجه كبالي عمي مصطفى بس شفته انهاريت وكمت ارجف وابجي بحضنه ...

عبالك جنت مخطوفه ولكوني واني ابجي كل عقلي واني اصلا مسويه الجريمه .. من شفت خوفهم عليه حسيت بندم وتأنيب ضمير ڪلش قوي كلبي عصرني واني اشوف عيونهم مدمعه خاصتاً عمامي اول مره اشوفهم يبجون وعليه هم .... سهاد نفس الشي من حضن الحضن ... ميعرفون شيحجون واحد يكول ويـن جنتي واحد يكول منو جابج ليـش رحتي شسويتي بينا ...