# المهيار
_
مسافرين
وتغفى بعيوني المحطات وصورها
مسافرين
وترفه ياعيني المواعيد وصورها
رايحين
وذبلت جفوني التعب بيها سهرها
#غازي ثجيل
_
•________________________•
جان اشوف ولد غريب يأشرلي على تلفوني واكع بالكاع واني اركض غير ردت ابجي بنص الشارع من الهبطه وكفت شويه وجابليا خطيه ..
تشكرت من عنده واخذته ورجعت امشي سريع ارجع للشارع العام حتى آروح للعماره اشوف الشقه واستقر لان احس روحي تايهه ....
أجرت تكسي وانطيته العنوان وتحركت السياره ضليت صافنه على الشوارع والمحلات واجواء المدينه ...
اباوع واتذكر طفولتي والنقص بالذاكرة دائما ملازمني ! صح اتذكر طفولتي من عمر ٨ سنوات... الباقي مجهول وفراغ ماتذكر ابد
وعمتي جانت تكول وكعتي على طابوكه وفقدتي الذاكره وصح كلما اريد ارجع اتذكر طفولتي ماكو حتى مــا اتذكر امي وابويه جانت عمتي تشوفني صورهم بس همه بالحقيقه ماشفتهم او نمسحوا من ذاكرتي ؟؟
جان هذا الشي مسببلي عقده مرات اضرب نفسي على راسي بس اريد اتذكر شويه من حياتــي قبل وشلون جنت عايشه ؟
وامي جانت تحبني ؟.
ابويه جان مدللني ؟ .
ويـن جنت رابيه معقوله عمتي متكفله بيه من الصغر لحد هسه مستحيل لان هيه شابه وصغيره .
اتذكر مره جان عمري ٩ سنوات جان بوقتها صيف وحاره والبصره حاره نار ..
جانت عمتي تخبز بالتنور مال طين فوك البيت واني كاعده على الدرج متخليني اصعد واحترك بالشمس
وجان عدنه تلفون عمتي اشترته بوقتها اول مره يجي تلفون ابو الدكم عدنه وعمتي كامت متستخدم الارضي جان هذا تخابر بي الكل ، واني جنت مكيفه بي ادوس دكم بي هيه تطفي من وراي خاف اتصل والرصيد غالي عليها ...
ضليت كاعده على الدرج ورن التلفون بوقتها حيل فرحت راح تخابر عمتي جده وتحاجيني هم وفرحانه طايره رحت اخذته من الكومدي وصعدتلها اركض فحطانه وفرحانه بنفس الوقت ...
لكيتها تخبز حجيت وياها بفرحه ..
- يمه يمه خابرواعلينا خابروا
عمه
- يا ولج انزلي جوه ولج تسمط سمط طبي
- يمه هسه بس جاوبيهم الجهاز جاي يركص
عمه
- خايبه دجيبي شهرتينه بالسطح احنه كلها سمعت
صدك جاوبت الاتصال وسدت التنور واخذت صفحه يم الظل واني وراها لازكه بيها اريد اسمع شتحجي ؟؟.
اسمعها تحاجي جدة تكلها
- يا شجابه شيريد بعد سوه سوايته وطفر نوب يريد يجيب مصايبه ويا
شفتها فرفحت وتحاجي جده بحركة كلب احسها شلون التوترت وخايفه من شي ...
عمه
- انه شكتلج يمه مو كلت لاتنطينه مجال هذا واحد مــا يتأمن يمه شي انسان ميخاف الله ولاعبالك منا وبينا ومن دمنا !!!
أنت تقرأ
المهيار '' غوَائِلُ هَالِكة ''
Mistero / Thrillerاذا كان اشد انواع الظلام القَتام ، أذاً ماذا يسمى دواخله ؟؟ - باوعتله وعيوني دم وكُلي حقد وأستنفار منه اشوفه يلبس قناعه الاسود بي حرف من جهه اليسار مــا عرفت شنو الحرف جان باللغه اليابانيه، تحرك سريع وجاب البوت الاسود جان كل ملابسه اسود وگلبه اسود ش...
