المهيار '' غوَائِلُ هَالِكة ''

- التهلكة 13 -

#المهيار

-

مرة وحيدة مررتِ بشارعنا.. حينها اتكأتِ على
شجرة كافور لتستريحي ، الآن كلُّ مَن يدخل
حجرة نومي يتساءل: ماذا يفعل جذع الشجرة
على السرير ؟

خالد صدقة .

-

$$$$$$$$$$$$$$$$

زاهرة

ورا رسالتي نص ساعه وما شفت جواب صارت ب٢ ضبط وشفته يكتب خليت اصابعي بحلكي اكل بيهن من التوتر واني انتظر اشوفه يمسح ويرجع يكتب اخر شي دز ...

( مالي خلكك زين سوالفك قديمه )

بسرعه رجعت جاوبته ...

(انـي زاهره مو زين شبيك ؟ )

مهمين ( لنفترض انتِ زاهره معقوله بهل غباء هيه وتعرض روحها للخطر وتدزلي وبهيج وقت ؟؟؟)

جان كلامه واقعي الصراحه بس ميدري اسويها واكدر اسوي الاضرب منها من غبائي وفهاوتي واصلا مــا احتاج احد يخرب حياتــي انـي بيدي اخربها عدوتي الوحيده نفسي ...

جاوبته ( كلامك معقول بس اذا مو مصدك عادي المهم اريد اكلك لاتدور عليه وتتعب روحك لان البيه مكفيني وانته تزودها عليه ممخلي احد مكايله عليه وتدور عليه مثل الخبل شبيك متكلي ماعدك شغل عمل دروح شوف حياتك اتزوج استقر مجلب بيه)

مهمين ( انتِ ويـن زاهره ؟ )

جاوبته ( يعني مــا تتوب هم تريد تعرف ياخي فك ياخه عني)

مهمين ( معقوله انتِ زاهره خاف يزن وزين وتضحكون عليه مسويني نصبه لان ماعدكم غيري تحركون باعصابه )

شفته قافل على القضيه وعباله يزن وزين قررت ادزله بصمه بكل برود وحجيت بالبصمه ( هلاوو مهمين انـي اختك زاهره هههه )

دزيتها بقيت عشر دقايق اباوع على المحادثه اشوفه متصل بس مــا يجاوب حسيته انصدم وما مصدك بسرعه اجاني اتصال من عنده !!!

توتر حيل خفت اجاوب ويلكه موقعي بس اتذكرت انـي مو على الرصيدد هذا ماسنجر واكدر اجاوب براحتي بس هم خفت والتوتر الف بس اخر شي قررت اجاوب واحلها ويا واخلي يعوفني بحالي ويسمع من عدني الرفض ويتأكد احسن..