المهيار '' غوَائِلُ هَالِكة ''

- التهلكة السابعة -

# المهيار

-

يقولون إن الإنسان يشيخ عندما يتقدّم به العمر ، لكنه في الحقيقة يشيخ عندما ينطفئ ضوء ما كان في روحه.

- شمس التبريزي🖤.

-

❥❥❥❥❥❥❥❥❥❥❥❥❥❥❥❥❥❥

زاهرة

محتوى الرساله جان صادم منو دزلي هيج وليش خفت وتوترت الكلام جان عباره عن ...

< عمتج مهى محتاجتج >

ماعرفت شســوي دكيت على الرقم يطلعلي الرقم مغلق او خارج نطاق التخطيه ضليت اراسل الرقم واسئل منو وعمتي ويـن ؟ ومنين عرفتوا رقمي ؟؟

محد جان يجاوبني وعرفت بعدين الرقم حضرني ضليت ابجي على حضي المصخم لو مدازيلي هاي الرساله احسن
خفت ﻼ بيها شي وصدك محتاجتني ورقمي القديم كسرته ورا شلون راح تكدر تتواصل وياي وهيه يوميه ادك عليها من رقمها وماتجاوب ويطلع مغلق ...

زين ليـش حضرني والله راح اتخبل ...

ضليت ابجي قرابه الساعتين واندب حضي ... باوعت على الساعه صارت ب٤ العصر كلت اخابر عمو سمير ويخليني احجي ويا الرجال الراح يساعدني لان بعد ماعندي صبر كلشي بده ينفذ من عندي طاقتي خلصت ...

والله بدلت وتحركت سديت الباب وقفلته زين وراي لان العماره هاي مو امان ... اريد اشوف عمتي وبعد اطلع من عدها لان بديت اخاف واحساسي يكلي لاتبقين ...

نزلت للمكتب لكيت عمو سمير من بعد مــا خابرته كلي انـي قريب وصدك لكيته موجود سلمت وكعدت وحجيت ويا ابدي بالموضوع مباشرتاً ...

- عمو اريدك تخابرلي الرجال ويجي هنا وافهمه انـي بنفسي

سمير
- خابرته قبل ﻼ توصيني حتى لان ردت اليوم احاجي وشويه ويجي على الموعد الساعه ب٥

وصدك مرت ثلث ساعه وشفت سيارة طبكت على الرصيف ونزل منها ابو العماره المالك ... هسه هذا شنو جابه مــا اعرف ويا حضي اجه ... نزع نظارته وجان وحده تقدم للمكتب واني كُل ضني يروح للعماره ضجت بالزايد ...

شفت سمير كام ووكف يمي  .. فتح الباب ودخل بس شافني عكد حاجبه وأشر براسه لعمو سمير بمعنى شعدها هنا ...

ضحكله عمو سمير وراح هوه كعد على المكتب اجه سمير كعد كبالي وبده يحجي ...

- زاهرة طلبت من عندي تساعدها ..

ضليت ساكته واحجي على روحيي انـي شورطني ردت اكوم وانسحب بعدين تذكرت الرساله اتشجعت قابل شراح يسوي هوه يساعدني وبس ... نوب اخر موقف جان مو لصالحي ابدد شنو من بشر هذا مصلحتي كلها يمه !!!