المهيار '' غوَائِلُ هَالِكة ''

- التهلكة 14 -

#المهيار "غوائل هالكة"

-

عليك أن تدرك جيدًا أن لكُلِّ مرحلة في حياتك إستقلالية منفردة عن غيرها، ونمطًا معيشيًا مغايرًا لما سبق فمن عرفتهم بالأمس ليس بالضرورة أن يكونوا مناسبين لليوم، ومن كنت لا تهتم لأمرهم في الأمس قد يصبحوا اليوم وحدهم في المقدمة، فلا تُبرهن أفعالك لإرضاء أحد، ولا تُربّت على قلب من هجرك طوعًا ولو عاد حاملًا السبعين عذر، يكفيك أنّك خضت صراعًا ضاريًا لتحرير مساحاتك الروحية من هيمنة الألم، ويكفيك أيضًا أنك كنت ولا زلت وستبقى في معيّة الله، وعلى القلب بعد الراحلين ألف سلام

-

🖤🖤🖤🖤🖤🖤

•••••••••••••••••••••

باهرة

دخل علي وبيده تلفونه ومشغل اغنيه بحيث من الصدمه وصوت الاغنيه الواضح بسبب الهدوء الصار حسيت اطرافي بردت واحنه بعز الصيف واني اشوف عيونه تطلع من مكانها من صدمته عبالك شايف جني ...

وخرت الجكاره من حلكي لان اختنكت واريد اتنفس ويا مــا وخرتها اجه تقرب بسرعه سحب ايدي الي لازمه بيها الجكاره وعصر ايدي وايده والجكاره طفت بأيدي ماعرفت على شنو اتوجع على لزمته القويه الي راح تكسر ايدي لو الحرك الصار بيها ...

كمت اكمز واني واكفه كباله وبعده لازم ايدي ويباوعلي بحده لو النظرات تگتل جان گتلتني واني واكفه ...

هدئت شويه استوعب الصار كله اريد بس يوخر ايده يزيد عليه الوجع مال حرك من يعصرها ....

باهره - وخر ايدك راح اموت علي والله بعد مــا اعيدها بس وخرها ...

شاغت روحيي وهوه ولا تحرك خطوه من يمي ... اخر شي قربت راسي من ايده وعضيتها حيل اريده يوخرها وصدك سحبها بسرعه فتحت ايدي اشوف طبع الحرك الصار بأيدي دائره سوده صارت بنص كف ايدي ... بجيت واني اشوفها ولامره محروكه بأي شي بحيث خليت الساني على الحرك اريده شويه يهدء ...