المهيار '' غوَائِلُ هَالِكة ''

- التهلكة التاسعة -

#المهيار

-

وَكَيفَ لِتِلكَ العَينينِ أَنْ تَقْبِضَ أَنفاسّيَ بِمُجَرَدِ رُؤيتِهما
وَأَيُ جَمالٍ بَعدَ جَمالِ عَينيكَ يُذكَرُ؟ 💙💙.

-

𐮛𐮛𐮛𐮛𐮛𐮛𐮛𐮛𐮛𐮛𐮛𐮛

باهرة

درت وجهي من سمعت صوته يحجي بعصبيه ويا ابواول مره اشوفه هيج يصيح ويعصب على خالو معقوله هذا علي لو اتوهم ... كمت من مكاني واحس رجلي مخدره وماكدر اكوم اوكف على حيلي ..

كل مــا اكوم ارجع اوكع ماحس بيهن بسبب كعدتي الطويله... بيه مابيه كمت والزم بالحياطين حتى الزم نفسي واوكف عدل .. فتحت الباب مال استقبال يـصيـر خشبي وبابين كبار ينفتح على البيت كله ...

شفته واكف بنص البيت وشعره مخربط وخده مضروب جرح طويل وبيه دم ... خفت حيل ونرعبت منضره ميوحي الي هذا علي عبالك وحش يريد يهجم علينه  كلنه واولنه خالي ..

اطرافي رجفت ومن خوفي على علي وخوفي منه ماعرفت شســوي بقيت واكفه اباوع على المعركه الطاحنه بينه وبين خالي ...

خالي يعرف شبي !! بس يسئله يريد يتأكد السمعه صح ؟

وعلي واكف يهدد بيهم ڪلهم الموجودين بالبيت ... خالي ناصر واكف على صفحه مصدوم من حاله ... مراهق عمره ١٥ سنه ...

رفعت راسي شفت امي واكفه على الدرج ملامحها بارده مثل كل مره لو احد يموت كدامها ماتعبر ولا تنطي رد فعل جليد جبلي واكف على الدرج مــا شفت امي ...

جانت عيونه حمر وتشيرته مشكك وبنطلونه بي تراب وحذاءه مليان دم منضره مرعب خفت حيل منه وخايفه عليه مشاعري مشاعر طفله من تشوف ابوها يضربها بس تريد تحضنه وتحتمي بي منه ...

اخر عيطه جانت من خالي يهز بي وهوه مثل الاسد يرد الصاع صاعين ...

- فهمنيييي شلون لكيتهم انتَ شلون هيج تسوييي فهمنييي ويـن اوديككككك بيا ديره بيا بلدددد !!!

جاوبه يدفعه بعيد عنه ويحجي صوته راح من الصياح ...

- يريدونن ياخدوهااا انـي شفتهم بعيني اكثر من مره بس جذبت عيوني وعبالي اتوهمم بس شفتهممم يردون ياخدوهاا وهيه ماتعرف ماتنطوهااا الي هيه الييييي !!

عافه خالي مصدوم من تصرفات ابنه ميعرف شلون يتعامل ويا مراهق عمره خطر تصرفاته مو واعيه ولا هوه بهذا الوقت واعي على روحه عبالك مجنون مثلهم ...

نزلت امي من نتبهت عليه واكفه مــا فاهمه شي بس اشوف واسمع ... انتبهلها خالي ناصر راد يحجي سكتته وتقربت من عدهم ونظرتها مثبته عليه ...