ပြိုင်ဘက်ရန်သူတော်ကြီးရဲ့ သားပေါက်လေးနဲ့အတူ ထွက်ပြေးခြင်း

Part-5

ကျန်းကျင်းရဲ့ တုန့်ပြန်မှုက ကျန်းမျန်မျှော်လင့်ထားတဲအတိုင်းပါဘဲ ။ ဒါပေမဲ့ ကျန်မျန် သူ့ရဲ့မျက်လုံးနဲ့ တိုက်ရိုက်တော့ မမြင်လိုက်ရပေ ။ မြင်လိုက်ရတာက သွားပြောပေးတဲ့ ကျန်းရှန် ။

"သူမက မြေကြီးထဲ ၃ပေလောက်တူးရမယ်ဆိုရင်တောင် အဲ့ဒီ့ဆန်ကုန်မြေလေးကောင်ကို သူမရှာချင်တယ်တဲ့လေ ။ ဒါပေမဲ့ အစ်ကိုကြီး တားလိုက်ပါတယ်"

ကျန်းကျင်းတစ်ယောက် ပြင်းထန်ကြမ်းတမ်းပြီး အပူတပြင်း ဖြစ်နေမှာကို ကျန်းမျန် မြင်ယောင်မိတယ်။ ဖုန်းတစ်ဖက်ကို ချဉ်ပြုံးနေတဲ့ မျက်နှာနဲ့ ပြုံးလိုက်ကာ သက်ပြင်းချလိုက်မိတယ် ။

သူဒီလိုရွေးချယ်မှုကို လုပ်ခဲ့လိုက်ပေမဲ့ သူ့ရဲ့ အစ်ကိုကြီးရော ဒုတိယအစ်မရော သူရဲ့ မိုက်မဲမှုကို မကျိန်ဆဲတဲ့အပြင် အဲ့ဒီ့အစား သူ့ဖို့ ခုခံကာကွယ်ပေးတယ် သူ့ဖို့တိုက်ခိုက်ပေးကြတယ်။

သူအဲ့ဒီ့အကြောင်းကိုစဉ်းစားပြီးတဲ့နောက်မှာ သူ့ရဲ့ဒုတိယအစ်မကို စပြီးဖုန်းခေါ်ဖို့ လုပ်လိုက်တယ်။ ဖုန်းကိုင်လိုက်သည်အထိ ဒေါသထွက်နေဆဲ သူ့အစ်မက

"ငါ့ကိုဖုန်းခေါ်ဖို့ သိသေးတယ်ပေါ့"

ကျန်းမျန်က အဲ့ဒီ့အချိန်မှာ သိုးပေါက်လေးအတိုင်း ကောင်းကောင်းမွန်မွန်ရှိနေကာ

"ကျွန်တော်မှားသွားပါတယ် ဒုတိယအစ်မ"

"မျန်မျန် , မင်းဘာစဉ်းစားနေလဲ အစ်မကြီးကို ပြောပါဦး ။ အကြောင်းပြချက်မရှိဘဲ အခြားတစ်ယောက်ရဲ့ ကလေးကို ဘာကြောင့် ပြုစုပျိူးထောင်ချင်ရတာတုန်း ။ မင်းကလက်မထပ်ရသေးဘူး ။ အနာဂတ်မှာ မင်းက ကလေးတစ်ယောက်နဲ့ လက်ထပ်ဖို့ အယ်လ်ဖာကို ဘယ်လိုရှာမတုန်း ။ မင်းရဲ့ Heatကာလတွေ တစ်လျှောက်လုံး inhibitorတွေနဲ့ပဲ ကုန်ဆုံးသွားတော့မှာလား"

"ဒုတိယအစ်မ , ကျွန်တော်အဲ့ဒီ့အကြောင်းကို စဉ်းစားပြီးသွားပါပြီ"

ဒါက အခြားတစ်ယောက်ရဲ့ ကလေးမဟုတ်ပါဘူး ။ သူ့ရဲ့ကလေး သူတို့ကျန်းမိသားစုရဲ့ ကလေးလေး။

ကျန်းမျန်တစ်ယောက် တော်တော်လေး တရားသေ ယူဆပြီးသွားပြီဆိုတာကို ကျန်းကျင်းသိလိုက်ရတယ်။ သူမ မတားနိုင်တော့ပေမဲ့ ရှည်ရှည်လျားလျားကို ဖျောင့်ဖျလိုက်တယ် ။ သူတကယ်ပဲ အဲ့လိုဆုံးဖြတ်ထားတာ မြင်ရတော့ သူမ တိတ်တိတ်လေး သက်ပြင်းချရုံပဲ တတ်နိုင်တော့တယ်။