آلمني ظلمهم

بارت (2)

ترى الماينحجن مَرات مُرات ...

.
.
ترددت على مسامعي هاي الكلمات مثل الصاعقة شنو ابيع الدكان شنو ابيع البيت  انداريت شفت امي كاعدة بالكاع وحاطة راسهة عالحايط وصافنه بنعاس وعيونهة دموع مبللة 
وحواليها اخوتي ثنينهم اجا ابوية ضهره محني يباوع علينه كال سوو مجال شوية

اشواق : شبيك سرمد شنو سوو مجال

سرمد : سوي مجال بس الشيخ واخو يريد يجون يحجون كدامكم تعدلي

منار : تعدلت امي وتلفلفت لبست عباتها وشيلة سودة وتلثمت وفاتو زلم ثنين كبار واحد لحيته بيضة وطويلة ومبين  علي يخاف الله واللاخ كاله استريح خوية خل نحجي ..

والله كعدو  كالولها حجية زلمتج دعم ابنا وتوفى دريتي لو لا
هو مع ما كال هيج امي كامت تبجي وتمسح دموعها بچسع ايدها اني شفتها هيج كمت انوح وصامة حلكي

اشواق : خوية اخذوني  خدامة لرجليكم انطيكم مالي وحالي امروني بشنو تريدون بس خلو البيت والله ماعدنه غيره

الشيخ عزام : خيتي عيب هذا الحجي احنا اوادم تخاف الله ما تسمح غيرتنه نخليكم بلا بيت بس اللي مات ابني الزغير توه طالب طب مرحلة ثانية عمره عشرين سنه يا خيتي هلكنا ليما وصل هالمرحلة وبثواني يجينا اتصال ابنكم بالمستشفى وهذا قدر الله بس مو وحدي عمامه طلبوكم طلابة دم واني وكفت بوجهم وكوف وخليتها تخف عليكم يا امي

اشواق : هسة ما فتهمت ياخوية اذا لا بيت ولا فلوس شتريدون لعد

الشيخ عزام : نطالبكم بفصل بنتكم .

اشواق : خوية فصل شنو انت شدتحجي انت تعرف بنتي شكبرهة

منار : جت امي علية ركض سحبتني وجابتني يمه كالت له شوف شوف هاي بنتي شوفهة شكدوتهة خوية وهية ايدي اليمنة اني اشتغل على باب الله اعين ابوها وهية  تعاوني بالبيت خوية  فصل شنو

الشيخ عزام : طأطأ راسه وكال يا ابوية بنتج احسن من ما يكتلون زلمتج واني شاربي مو علية اذا ما اعينج انتي  وبعلج بالمصرف والله شغلتي مو واكفة علية عنده عمام واخوة وام والله مو بس علية لو علية اني رجل مؤمن بقضاء الله وقدره وهذا حد يوم وليدي بس شسوي يا امي توكلي بالله وكولي يا الله

منار : اباوع بوجه ابوية كاعد وجهة ممبين مدنك فد مرة واباع امي كاعدة تساوم وياهم  واني ماسامعة بحياتي شنو كلمة فصل يحجون وساكتة اباوعلهم

اشواق : خوية  الشيخ عفية غير حل اصيرلكم خدامة والله

شيخ عزام : يخسى اللي يخليج خدامة الله يعزج اختي هذا كلام مابي مفاهم زلم اتفقو علي وانتهى هالشي 

منار : باوعلي  الشيخ بنضرة حزن وكال لامي يلة يمة خلي تلبس هدومهة حتى تجي .....!!؟؟

هذا شديحجي ؟ تجي شنو ؟ ويامن اروح ؟ زين وباجر امتحاني شلون ؟
باوعت لامي باستفاهم ؟