.
.
.
.
منار : من كالي بنت ابو المخضر هجمت علي بلا وعي
كمت اضرب صرت شرسة فد مرة اضرب واخرط حجي
الغريب هو مارد اي شي بس يصد ضرباتي ماسوة شي
حسن : عبالك عتريس مو بنية يا محمد
منار : تحجي على ابوية اللي ما خلا بحلكنه لكمة حرام ..
جاي تحجي على شايب الله ما خلا مصيبة ما زتهة فوك راسو ماخلا قهر ما حطو بكلبو جاي تحجي على ابوية مو
هو توك كاعد تحضن بنت عمتك هاي بدال ماتصون شرفك كمت تطعن بي
حسن : كافي لغوة اسكتي عاد
منار : ما اسكت ارد اشوف اذا انت رجال سكتني ..
كلت هيج لو طشيت بانزين عالنار . . .
لزم ايدي ليورة رجعت بيد وحدة ولزم حلكي بيده كام يفرك بي تاذيت كمت ابجي وماداير بال
حسن : مو رجال مو
منار : رجال بس هد حلكي
حسن : مو رجال كلتي ميحتاج تعيدين
منار : كلت خل اعيد تمثيلية مال يغمى علية
سويت روحي نمت والله ايده رخت مددني بفراشي كام يطبطب على وجهي بهوادة ويكول منار منار
...ضليت ساكتة ماحجيت .
اشو هذا كام يرفع الهندي ويمشي ايده على بطني
لزم البجامة جان صيحتله ياا ادب سززززز ..
هوو كام يضحك ما تحمل
حسن : لعد جاية كدامي تسوين روحج ميتة ولج !
منار : حتى تعوفني
حسن : من هسة ملعبة باجر شتصيرين
منار : اصير رنين
حسن : شكلتي ؟
منار : اصير رنين ..
وية ما عدتها لزم فچي كال اذا جبتي طاريهة نوب اموتج
منار : نيالها
حسن : اصلا بحياتج متوصليهة
منار: والله ادري
حسن : صدك ؟
منار : اي والله
حسن : شقصدج ؟
منار : شفت لبسهة شكد حلو ؟ شفتها شلون معززة مكرمة ؟؟ شفتها شلون تمشي عبالك شيخة ..
لو من تريد تجي يمي توخر عبالك اني مزبلة بس حقها والله هية وين واني وين
حسن : اني رايح انتي نامي
منار : طلع وتمددت بفراشي وكبل اجا براسي جهاد ..
كمت افكر بكلامه وشلون هيج سواني ملاك ياربي والله كيفت ..
رجعت اتذكر ابوية واتذكر هذا يكول بنت ابو مخضر
ليش شبي المخضر
مو رزق حلال
لوما ابو الخضرة منين نجيب هذا الاكل الراقي
ارقى الاكلات خضرة
ااااااخ يا دنيا شكد حقيرة
تذكرت مدرستي شسون طالبتي وابوية شكال علية لو شنو اهلي هسة شيسوون
مانمت للثنتين خفت يخلص لايت شحن عاد نمت كبل ...
أنت تقرأ
آلمني ظلمهم
Genel Kurguبنت راحت فصلية لشاب مريض نفسيا بالشك تنحدر من عائلة فقيرة على كد الحال وتروح تواجه مصير مضلم .... الرواية حقيقة ١٠٠٪ بدون حرف زيادة . ملاحظة : القصة منقولة على لسان البطلة حصرا يعني مو كل الابطال يحجون انما هية تحجي اللي شافته واللي كالو .. مجرد...
