آلمني ظلمهم

بارت (8)

.
.
.
.
.
انفتح الباب بسرعة رجعت ليورة عالسريع انضربت بالمحجل 
هيج مفتوح مربعة بالنص نباوع منها عالبيت  الجوة ..
انكلبت ليورة جلبت بالحديدة بديني وضليت معلكة كمت اصرخ ...
اجا حسن ركض جلب بيدي وجري حيل رفعني من الحديدة

حسن : انتي راح تسويلي جلطة لو تموتيني على غير حيني

منار : حسن راسي  كام يوجعني

حسن : تستاهلين دوة بيج والله

منار : حسيت راسي ثكل من صدك هالمرة وبعدها ماحسيت بشي ...

فتحت عيوني لكيت نفسي بفراشي وحسن يمي يفرك راسي من شافني كعدت كالي ها شلونج

منار : زينة بس نعسانةة

حسن : هاي جبتلج اكل اكلي ونامي وبعد لتعيديها اذا تضلين تدورين وراية تتعبين ترة

منار : مادورت وراك

حسن : لعد ليش حاطة اذنج عالباب

منار : مادري فضول

حسن : مافيدج ترة

منار : بشنو تفيدني

حسن : مستقبلا مافيدج

منار : فهمني بشنو تفيدني

حسن : والله يمكن ثولة انتي 

منار : انت تحجي كلام ما مفهوم

حسن : عوفج من هالسوالف باعي اكلج شغلة ..
راح اجيبلج تلفون صرصر  اخلي بي رقمي خاف اني مو موجود احتاجيتي شي ومحد موجود تدكين علية

منار : حطلي بي افلام

حسن : اكللها صرصر تكولي افلام

منار : لعد العاب

حسن : همزين كلتي

منار : ليش

حسن : حتى ما اجيب تلفون واتورط من هسة كاعدة تريدين العاب وافلام .

منار : لعد ماريد

حسن : يكون افضل ..

خلاني وراح من طلع مباشرة اجت ياقوت كالت امي تصيحلج  

الشيخة : اليوم اريدج تعزلين البالكون

منار : شيخة ما اندله

الشيخة : تدليج علي ياقوت عود

منار : صار شيخة .

ياقوت : امشي وياية

منار : مشيت وياها ودتني ورة البيت وبديت اشتغل  ضليت فوك الساعتين انظف بي ..

لكيت ورقة ملفوفة بتيب اسود شكلهة مثل الصليب  ..

خفت افتحهة تخوف
قربتهة لخشمي بيهة ريحة تكتل كتل تموت 
جيت اتهوع لعبت نفسي رحت كبل عالشيخة
شفتهة نايمةة دسيتهة حتى تكعد
الشيخة : وعمة شبيج ليش گعدتيني