آلمني ظلمهم

بارت (3)

ضلمة ودرب عاثور
ليلة شتة وغــــت
روحي اشتهت ملكاك
عتتني لك عـَــَــت
هاخوية ها .. ها . ها
كول انه عينـــاك
مامال حملي وكلفك
چا ويــنه حچيك ..  
(رياض احمد )

.
منار : رجعت بسرعة ليورة كلت له والله مو هيج والله اني مابنيتي ابوك ولا اسوي شي بس جنت اريد..

حسن : اااششششش ولا حرف سكتي ..
اصلا مبينة من يا طينة من اول ما شفتج صدكيني
بس ابوية لطمني  على حلكي كعد يحجيلي مواعض وحكم
كدما على نيتة قشمرتي بمكرج  ..
المهم .. هذا مكانج طبيتي هنا تطلعين منا ميتة انسي شي بحياتج اسمه عيشه افتهمتي

منار : ومدرستي شلون عندي امتحان

حسن : هه ودعيها بيباااي

منار : شنو يعني

حسن : ثولة انتي ؟

منار : لا

حسن : اشك بامرج الصراحة ..

منار : يعني شنو

حسن : هذا الجرار ديربالج تفتحي ولاتفكرين وهذا  الثاني دربالج تتقربيله الفوك الج تاخذي حطي الخرك مالاتج واي صوت او شي اسمعه منج ماعندي غير الطخ راسج بالحايط وعاد اني فد مشتهي الطلابة  ورايد اسوي عركة من لا شيء فديري بالج واخذي حذرج

منار : طلع من الغرفة ركع الباب قوي صيحت كلت له يا انتتت جان عالسريع انفتح الباب وعيونه حمر تجدح كال شكلتي عيدي ؟!
كلت له بس اريد شي امسح الكاع والله وصخة ماكدر  افرش عليهة

حسن : عيدي شكلتي ؟

منار : عدت كلامي جان يرفع حاجبه كال تمام ..
جان اكو سطل مال  زبالة مليان ورق مال كتب وقط مال اقلام واشياء مهملة جان يشيلة ويفرغة بالگاع  بقيت صافنه ماتحملت جان دموعي تجري حجيت كلت له  والله العظيم امي فلا تخليني انام عالوصاخة ابد حتلو فقيرة والله  ما متعلمة على هيج شي عاد كمت الملم الوصخ بيدي واخلي بالسطل بيد شايلة السطل وبيد الم الورق واخلي بالسطل ودموعي تجري هو واكف يباوع رفعت راسي باوعلته جانت ملامحة مال واحد انقهر كام برجله زاح الوصخ كال هاي مشكلتج بعد حيري بنفسج تحجين حجاية اسوي عكسهة .
منار : اني شنو ذنبي

حسن : لعد تريدين اكتل ابوج

منار : دنكت راسي كام ينفض حتى خشمي كام يجري وجهي صار حار راسا يجي منظر ابوية براسي ..
والله حتى دموعي تنكط عالكاع ينفض التراب بس سمعت صوت الباب انسد باوعت هو طالع عاد كلت هية هاية مصيبتي مثل ما كال لازم اني اتحمل كلشي

..
كمت عزلت الغرفة جان اجت بالي فكرة اشطف الغرفة من حنفية التواليت بس بشنو انگل مي باوعت للغرفة ماكو غير سطل الزبالة كمت فرغت الجرارة  الاولى خليتهن الغراض على سطح الجرارة   وفرغت سطل الزبالة بالجرارة وطبيته قوي ورحت جبت مي اول شي فركت بي السطل وفرغته وبعدين كمت انكل مي واشطف طلعت هدوم جديدة لبستهن وخليت الهندي الي جنت لابستة هو الممسحة واعصر وامسح وانگل المي افرغة بالتواليت وهيج الى ان نظف الكاع مبقى بي ذرة تراب بس كتلني البرد ولازم انتضر الغرفة تبس حتى اكدر افرش انتضرت تقريبا ساعة يبست الغرفة والدنيا صارت ضلام برة كمت رجعت الوصخ بالسطلة  ورجعت الغراض بالجرارة وفرشت الفراش والمخده بس متت برد تلفلفت  بالبطانية جانت نوعا ما مو ثخينة بس كلت احسن من الماكو بقيت انفخ بيدي وادفي بيهة جان ينفتح الباب حسن شايل بيده خبزة وطماطة ..
صفنت كلت هو هذا اكلي واني من الصبح ماماكلة ولا لكمة ؟! 
حسن : هاي شنو شلون نظفتي الغرفة .؟؟