آلمني ظلمهم

بارت (11)

.
.
.
.
منار : حسن كول والله ؟

حسن : والله ارجعج هسة لامج وابوج .. انتي مالج ذنب بكل اللي ديصير

منار : خاف الشيخة وعمو مايقبلون

حسن : معليج انتي باعتبار مرتي واني اتصرف

منار : ديلة لعد رجعني لاهلي

حسن : منورة اني اسف على كل اذية وضربة ضربتجياها والله العظيم متستاهلين ...
اني بية مرض شك اشك بروحي

منار : انت بس وديني لاهلي وهاهية كلشي ماريد منك

حسن : هاج هاي هويتج لزميهة بيدج لتظيعيهة

منار : وهدومي شلون هن هذن كل هدومي 

حسن : ليش بيت  اهلج ما بقالج ملابس ؟

منار : لا والله هن ذن كلهن امي شدتهن بعلاگة ونطتنياهن

حسن : لعد هسة امشي للسوك اشتريلج ملابس كم بدلة واخذيهم 

منار : ديلة ميخالف

حسن : شعجب ماكلتي جوعانة .

منار : هناك اروح يم امي هية تسويلي اكل

حسن : اويلي عليج

منار : ديلة امشي للسوك

حسن : ماشي ..

منار : وداني للسوك اشترالي ثلاث بدلات واشترالي لفتين فلافل وعصير برتقال بطل طبيعي كال خاف تجوعين ..

مشينا تقريبا مسافة نص ساعة هيج ووصلنه دربونة اول ما ماقريت االلافتة مكتوب عليهة بقالة ابو مرتضى عيوني كامت  تجري هذا الدربونة مال مدرستي ...

مشينا بفرع بيتنه متت اختنكت شفت باب بيتنه مسدود بس مي جارية مبين امي شاطفة القدمة ..

حسن : هاي وصلنه بيت اهلج ...

منار : اشكرك حسن  كلش

حسن : لاتهتمين منار .. بس اطلب طلب

منار : بلي كول 

حسن :  شراح تكولين على اثار الضرب

منار : والله ماكول انت اكول وكعت ..

ابتسم ابتسامة خفيفة كال الله يوفقج بحياتج .. عادي اذا تكولين حسن خل يدعون علية ميخالف

منار : والله ماجيب طاريك

حسن : يلة انتي انزلي واني ماروح منا اذا ما اشوفج دخلتي .

منار : نزلت ومشيت ليما وصلت بيتنه دكيت الباب ماكو دقايق طلعت امي بيدهة مكناسة ولافة الملفع ووجهة  متصخمن مادري شجانت تسوي ..
شافتني ذبت المكناسة بالكاع كبل جان تكول  يا  يمة هلا
يا يمة كل الهلااا

كامت تبچي حظنتني حيل وكالت كللوووش يبنيتي بلاية عريس
كللووش وزفيتج بلا بدلة ورحتي للمكبرة عروس