آلمني ظلمهم

بارت (5)

.
.
.
سمعت صوت حسن يصيح ها ها منار شبيج  بس هذا
جيت علية يسد بحلكي ادفع بي وميندفع جثة قوية ضخم شوية واندفر الباب شو حسن شافه كاله وخر ولك شبيك مخبل انت وسحبه مني عالسريع رجعت ليورة ارجف وابجي واشوف حسن لازم هذا الشاب يكله لتتخبل

حسن : لك شبيك خل افهمك

حسين : مني هاي وشدسوي هنا شجابهة 

حسن : امشي اطلع وياية انزل خل الشيخ يفهمك.

شو هذا يباوع بوجهي مستغرب رفع كتافه ونزل جوة

تقدم حسن يمي  كام يسال

حسن : شبيج لتخافين هذا اخوية من شافج خاف عباله وحدة تريد تبوك لو شي

منار : ما كدرت احجي شي صافنة بوجهة ودموعي تجري متحملت كمت اضرب وجهي بيدي كل قوتي واكله تالي وياكم لشوكت اضل هيج خبلتوني ..
تهسترت كمت اضرب قوي على وجهي الى ان هو اجا عندي لزم ايدي رجعهن ليورة وكام يقرا اية الكرسي على راسي وسورة الاخلاص والناس
ابجي بحركة واضرب راسي بالحايط وهو يقرا لزم راسي بيد وايد الثانية شابك اديني ثنينهن حتى لا اضرب شي من شافني هدأت عافني وراح بقيت بوحدي ابجي متت قهر شوية ورجع جايب كلاص مي شربته ونطيته الكلاص خلا عالجرار وجر المخدة خلاها على فراشي وبايده جر راسي وخلا عالمخدة و غطاني بعدها حط ايده على راسي وكام يقرا قران بصوت مسموع يرتل  ..
كلت له انت شلون جاي ترقيني بس انت ظالم يعني غير اللي ميظلم هو اللي يقرا ويرقي !!

حسن :  بعد صمت لثواني //  اكمل رقية واكوم انتي الظاهر متستحين

منار : سكتت مارديت علي بس صافنةة واسمع من يقرا قران شوية شوية راسي كام يثگل ولساني خدر حسيت بنعاس قوية ونمت ماحسيت لوجه الصبح بالستة .

كعدت غسلت وجهي ورجعت لفراشي بس كاتلني الجوع وهذولة نايمين كلت انزل اشوف بلكي نايمين افتح الثلاجة بلكي الكى شي  ..

والله نزلت شوية شوية بهدوووء تام  رحت للثلاجة فتحتها وهاي اول مرة بحياتي افتحها
شفتها مقسمة الجوة للخضرة والرف الثاني اكل بايت والرف الثالث فواكة واجبان وهيج اشياء والفوك بطاله مي وببسي

جريتلي تفاحة وموزة وسديت الثلاجة وصعدت ع كيييف بهدوء طبيت لفراشي وجان اكوم اكل بيهم والله دقيقتين يمكن هواية كبل علستهن من الجوع

رجعت غفيت شي ساعة سمعت دكة الباب كمت كبل

ياقوت : كعدي الشيخة تريدج

منار : جاية 

ياقوت : يالله كدامي لعد

منار : صار مثل متريدين 

ياقوت : ماكو طماطة اليوم مو

منار : الله علوا تنطيني 

ياقوت : ولج اكو واحد يطلب طماطة