وصلت لمرحلة حتى المُّر حِلا ...
طب الشيخ عزام كاله اكعد شبيك نافش ريشك
حسن : يابة رحمة لدينك لخاطر الله لا كلما احجي حجاية تطلعلي
شيخ عزام : وجودي ازعج حضرتك ؟!
حسن : يابة لتكول هيييج اروحلك فدوة بس لتنطيها مجال لخاطر الله
شيخ عزام : لعد حضر نفسك يجي الشيخ تعقد عالطفيلة هذي حرام هيج بنصنه لا محرم لا شي
حسن : يابة اني ملتزم بشغلي تربطني بهاي ليش قابل مالكيت غيري
شيخ عزام : حجيت وقضي الامر
حسن : هذا هو بكيفك يابة مثل متريد
شيخ عزام : ويحقلك شوكت متريد حبيت عشگت ردت ما امنعك البنية لمن نردها لالها تطلكها وتروح لحال سبيلهة
منار : اني صافنة واباوع بوجوهم واشوف شيقررون بقصتي اول تالي هيج صرت مزبلة شوكت ما الناس تعجبها تذبني ..
والله طلعو ثنينهم واني رحت للحديقة الخلفية حاطيلي مكناسة وصوندة ومغرافة وسطل مال الم بي وصخ بديت انظف بيها واعزل وية ما جاية اشتغل جان الكى بالطين محبس ماعرف ذهب ماعرف شنو خليته بصدري كلت اشوف شنو هذا وكمت اكمل شغلي باوعت يمنى يسرى محد اكو جان ارفع شكال بجامتي واشد حزام الهندي على خصري رفعت الفستان حتى ليتورط ونظفتهة والله كسرت ضهري كسر كومة وصخ ...
باوعت ليفوك جان اشوف هاي الغرفة الاني كاعدة بيهة ..
اجت بالي فكرة انه اصعد تايت حتى اغسل الغرفة بس شلووون حرت ومنين اجيب تايت اصلا ..
رحت لنسرين كلت لها بس اريد تايت شوية صفنت كالت تايت عليش ؟
منار : علمود الصبة افركها مسينة
نسرين : والله يابة نظيفة اني كلت هسة هيج بالجذب تسكتهم بس هههه
منار : لاشلون اخاف اترزل
نسرين : هسة اجيبلج انتضريني
منار : راحت ورجعت جايبة علبة تايت جبيرة ملتها وانطتنياها رحت ركض حطيت عالصبة وفركتها
فاحت ريحة التايت تخبل تفوح والله كلت هاي لازم اخذ منه بس فكرت شلون اصعد تايت يربي ..
باوعت بالكاع ادور شي اخلي بي جان اشوف علاكة نايلون كلت والله لكيتهة ...
كمت خليت حفنه تايت بكد جفين ايدي الفها واكربهة كرب وذبيتها اول مرة مصارت ثاني مرة وكعت فوك كمت اكمز كيفت ...
كملت الحديقة وطلعت رحت للشيخة جانت بالمطبخ كاعدة كلت لها شيخة نظفت الحديقة كامل تحتاجين شي ؟
كالت اي نسرين حامل باول شهرين ومتكدر تتعب اغسلي المواعين بدالها ..
والله كمت اغسل المواعين نظفتهن كملت انداريت اريد اغسل الكاع كالت شتسوين انتي ؟
أنت تقرأ
آلمني ظلمهم
General Fictionبنت راحت فصلية لشاب مريض نفسيا بالشك تنحدر من عائلة فقيرة على كد الحال وتروح تواجه مصير مضلم .... الرواية حقيقة ١٠٠٪ بدون حرف زيادة . ملاحظة : القصة منقولة على لسان البطلة حصرا يعني مو كل الابطال يحجون انما هية تحجي اللي شافته واللي كالو .. مجرد...
