الميراث

البارت الرابع والعشرين

احمد: الو ي جني ..
جني: خير
احمد: لو فاضيا ممكن نخرج عايز اتكلم معاكي ف حوار ضروري
جني ; مش هينفع ف التلفون يعني
احمد: والله لو ينفع انا كنت اتكلمت ، بس معلش لازم نتقابل
جني: تمام تعالا ، هبعتلك لوكيشن النادي ال انا فيه حاليا ..
احمد: تمام .....

" بالفعل ارسلت له الموقع ، وسرعان ما أخذ أحمد سيارته وذهب إليها والتقوا وجلسوا معاً "

جني: نظرت للمدرب الخاص بها " خلاص ربع ساعه كده و نواصل التمرين
المدرب: تمام بس متتأخريش ي بطل ، لسه في كذا حاجه تاني ي قلبي
جني: حاضر ي كوتش ...

احمد: ب دهشه " مين ده ?
جني.' المدرب بتاعي ، بركب خيل وشويه تاني هلعب رياضه ف الجيم ال هنا بردة
احمد : بيقولك ي قلبي عادي !!
جني : رفعت حاجبها " اه عادي ي احمد .. انت كنت عايز اي بقا
احمد: بحزن " كنت عايز اقولك ان مي سابت البيت، لما اكتشفت اني كنت عايز فلوسها ، وعايزة تبعد عني
جني: وانت ازاي خليتها تكتشف حاجه زي كده ، انت اتجننت
احمد: اكيد غلطه ، غلطه .. وانا مش عارف اصلحها ازاي
جني: اه طيب .. اي المطلوب مني
احمد ; عايزك تقوليلي حل ارجعها بيه ، انا محتاجها بجد ، محتاجها اوي
جني: وانا عرافه ولا اي ، وكمان مش دي البنت ال انت كنت عايز تنصب عليها ، ازاي محتاجها ، ولا قصدك محتاج لفلوسها
احمد: والله العظيم محتاج ل مي
جني: هههههههه ، غريبه اوي ، متفكك منها بقا وطلقها افضل ، وهجبلك عرض حلو اوي
احمد: بغضب " بقولك محتاجها تقولي طلقها ، انا بحبهاااا والله ، بس لولا انت ال اتدخلتي واغرتيني بالفلوس ، انتي عامله زي الشيطااان ي جني
جني: وانت حد قالك تسمع كلامي ي عيوني ، ولا انت صغير ومحتاج حد يقولك اعمل اي و سوي اي
احمد: انتي فعلاً شيطااااانه بجد
جني: ومالو ي اااحمد و مالو ، هقولك عرض حلو اوي
احمد: اي هو ده كماااان
جني: سيبك من مي و الاڤوره بتاعتها ، و تعالا نتجوز ، وهديك مبلغ حلو اوي ، مقابل اننا هنتجوز و نمثل عليهم اننا بنحب بعض ، بص مش عايزاك تجاوب دلوقت بس فكر فيها
احمد: صُدم كثيرا مما سمعه .." انتي مجنونه ي جني ، انتي اتجننتي ولا اي ال حصلك ، انتي عايزاااااني اخون صاحبي ، مستحييييل مستحيييل
جني: لا مش مجنونه ، مش هو اتجوز حاليا، انا كمان من حقي اتجوز و اوريه ، انها سهله بنسبالي ، وانت عشان قريب منه ، انا هعرف اجيلك الشركه ونلڤلڤ انا وانت قدامه و هحرقله دمه ، وكده انت هتخونه ف اي ، انا وهو ملناش علاقه ببعض حاليا
احمد: وقف ونظر اليها بدهشه و صدمه " والله العظيم انا م مصدق ال بسمعه ، وازاي انتي بتستغليني كل شويه كده ، حتي طالبه نتجوز واكون وسيله عشان حضرتك تغيظي حد
جني: وقفت بجانبه و اقتربت منه و وضعت يده برفق علي خده و رقبته " 3 مليون كويس ?
احمد: نظر اليها وحدق فيها " انتي بتهززززرررري ، جني فهميني انك بتهزررري ، 3 مليون عشان نمثل بيهم قدام منذر ، للدرجاااااادي
جني: للدرجه واكتر من كده ... "وضعت يديها حول رقبته ونظرت اليه ب ابتسامه " طب ي عم 5 مليون ، انت هتبقا مليونير قد الدنيا
احمد: ب دهشه و غرابه " 5 مليووووووون !!
جني: اه ي عيوني ، انت لي مش مصدق ،انا مستعده اعمل اي حاجه احرق بيها دم منذر و احرق بيها قلبه كماااان
احمد: بس ي جني
جني: بس ي احمد ، في حد هيعترض ع 5 مليون ولا اي
احمد: صحبي ي جني ... منذر صحبي ... و مي ... هسيبها! !
جني: وهو انت هتاخد مراته منه ، انت حياله هتتجوز طليقته بس ، و بالنسبه ل مي ف خليها تغور واي حاجه تهون قدام انك هتكون مليونير ، وهتاخدهم كمان ع الجااهز ، اسيبك تفكر تمام
احمد: ابتعد عنها وصمت قليلاً " تمام ي جني ، هفكر كويس
جني : ماشي ، معاك اسبوع كده وكلمني
احمد: حاضر .. استأذن انا
جني: 5 مليون ي احمد ، ركز ف قرارك
احمد: ااكيد هحسبها كويس، مع السلامه