အပိုင်း၂
"ဖေဖေ နွေးလည်း နေခွန်းလို့စက်ဘီးနဲ့တက်ချင်တယ်...
ကုန်းညောင်းသွားရတာညောင်းတယ်ဖေဖေရဲ့..."
"မိန်းကလေးကျတော့စက်ဘီးနဲ့အဆင်ပြေပါ့မလား သမီးရယ်..."
"သမီးသူငယ်ချင်းတွေလည်းစက်ဘီးစီးသွားကြတာ..."
နေခွန်းစကားဝိုင်းမှာဘာမှဝင်မပြောဘဲ ကိုယ့်စားစရာရှိတာကိုသာစားနေလိုက်သည်။
"အင်း ဖေဖေဝယ်ပေးမယ်..."
"ဟီး ဟုတ်...
မောင်လေးနေခွန်းလိုဂျပန်ဘီးနော် ဖေဖေ...."
နေခွန်းနှုတ်ခမ်းတစ်ဖက်ကိုတွန့်ကွေးပြီး စားနေတာကိုရပ်လိုက်သည်။ အိမ်စရောက်ကတည်းက သူ(မ)ကသူနဲ့လိုက်ပြိုင်နေတာပဲ။ ၆လကျော်ကာလအတွင်းမှာ သူ့အဆင့်ကိုနဲ့သူ(မ)အဆင့်ကိုအမြဲနှိုင်းယှဉ်ပြီးပြောတတ်သည်။ သူ့ထက်တစ်တန်ြး်းကြီးတဲ့သူ(မ)ကဘာလို့သူ့ကိုလိုက်ယှဉ်နေရတာလဲ?...
"ပြောရဦးမယ်သိလား....
လစဉ်အမှတ်တွေကိုပေါင်းလိုက်ရင် နွေးဒုတိယရမလားမသိဘူး...
ဒီတစ်ပတ်ဖြေထားတဲ့resultက၂ဆိုတော့လေ..."
"တော်တာပေါ့ သမီးက...
လူများကြီးထဲမှာဒုတိယဆိုတော့ဖေဖေ့သမီးကအရမ်းတော်တာပဲ..."
နေခွန်း စားချင်စိတ်လည်းမရှိတော့တာကြောင့် စားပွဲကထလိုက်သည်။
"တော်ပြီလား နေခွန်း..."
"ဟုတ်..."
ထမင်းချိုင့်ကိုယူပြီး သူထွက်လာခဲ့သည်။ ကျောပိုးအိတ်ကိုသွားယူတော့ သူ့ကျောပိုးအိတ်ကဇစ်အတံကိုကိုင်ပြီးကြည့်နေတဲ့အသေးလေး...
သူ့အစ်မကိုတင်းလာသမျှ အသေးလေးကိုဂုတ်ကနေကိုင်ပြီး ဆွဲပစ်လိုက်ချင်တယ်...
"ငါ့အိတ်ထဲကဘာခိုးနေတာလဲ?.."
"ကိုကို လှ...."
ဘယ်မှာလှတာလဲ? ရိုးရိုးသာမာန်ကျောပိုးအိတ်ဇစ်ပဲကို...
"ဖယ် ကျောပိုးအိတ်ယူမလို့..."
နားလည်သည့်အလားဖယ်ပေးသည်။ မျက်လုံးဝိုင်းဝိုင်းလေးတွေကသူလုပ်သမျှကိုလိုက်ကြည့်နေသည်။
"စုပ်ရုံး...."
သူရယ်ချင်စိတ်ကိုထိန်းထားရသည်။ တခါသူစိတ်ကြည်နေတဲ့အချိန်ရောက်လာလို့စုပ်လုံးဖောက်ကျွေးလိုက်တာကိုဒင်းလေးကမှတ်ထားပြီးတောင်းဆိုလာတာ။
သူ့ကိုဘာလို့ဝယ်ခဲ့ရမှာလဲ?...
YOU ARE READING
အချစ်ဆိုသောဤအရာ.....
Romanceအချစ်ဘာလဲလို့မေးလျှင် "အကြောတင်း"လို့ ကျွန်တော်ဖြေပါရစေ.....
